Ғолибон ва ҷоизадорони Ҷоми Федератсияи тенниси Тоҷикистон миёни наврасон муайян шуданд

ДУШАНБЕ, 25.05.2021 /АМИТ «Ховар»/. Дар шаҳри Душанбе мусобиқаи байналмилалии Ҷоми Федератсияи тенниси Тоҷикистон миёни наврасон хеле ҷолиб баргузор гардида, бо  пирӯзии дастаи мунтахаби  наврасони  Ӯзбекистон ба анҷом расид. Дар ин бора аз Федератсияи тенниси Тоҷикистон ба шореҳи варзиши АМИТ «Ховар» Меҳрони Қурбон хабар доданд.

Мусобиқаи мазкур 17-22 май бо иштироки беш аз 60 нафар варзишгарони то 14-солаи ҷумҳуриҳои Тоҷикистон, Қазоқистон, Қирғизистон, Покистон ва Ӯзбекистон дар сатҳи баланд  сурат гирифт.

Дар ҳамаи рақобатҳо варзишгарони  Ӯзбекистон ғолиб шуданд. Намояндагони Тоҷикистон танҳо дар рақобати ҷуфти духтарон як медали биринҷӣ ба даст оварданд.

Ғолибон ва ҷоизадорони Ҷоми Федератсияи тенниси Тоҷикистон миёни наврасон (U-14):

Духтарон
1. Милана Тамашевич (Ӯзбекистон)
2. Злата Чинова (Ӯзбекистон)
3. Самира Хазиева (Ӯзбекистон)

Писарон
1. Абдулазиз Усмонҷонов (Ӯзбекистон)
2. Аван Зинатуллин (Ӯзбекистон)
3. Нуриддин Бахтиёров (Ӯзбекистон)

Ҷуфти духтарон
1. Шаҳзода Ортиқбоева / Злата Чинова (Ӯзбекистон)
2. Самира Хазиева / Милана Тамашевич (Ӯзбекистон)
3. Эмили Ким / Кейра Ким (Ӯзбекистон)
3. Анастасия Белоброва / Ёсуман Салимова (Тоҷикистон)

Ҷуфти писарон
1. Ҷавоҳир Мирзокамолов / Абдулазиз Усмонҷонов (Ӯзбекистон)
2. Абдураҳмон Ҳоҷибоев / Абдулло Дилшодов (Ӯзбекистон)
3. Нуриддин Бахтиёров / Амир Сафоев (Ӯзбекистон)
3. Муҳаммадазиз Ҷӯраев / Алан Зинатулин (Ӯзбекистон)