Шабонарӯзи охир дар ҷаҳон зиёда аз 620 ҳазор ҳолати сирояти коронавирус ошкор шуд
![](https://khovar.tj/wp-content/uploads/2021/05/covid-19.jpg)
ДУШАНБЕ, 22.05.2021 /АМИТ «Ховар»/. Шабонарӯзи охир шумораи ҳолатҳои тасдиқшудаи сирояти коронавируси нав дар ҷаҳон беш аз 620 ҳазор афзоиш ёфта, аз 166,48 миллион гузашт, хабар медиҳад АМИТ «Ховар» бо истинод ба маълумоти имрӯзаи Созмони умумиҷаҳонии тандурустӣ (СУТ).
Ба ҳолати соати 10:00 (ба вақти Душанбе)-и 22 май, ба СУТ дар бораи 166 486 326 сироятшуда ва 3 457 851 фавт маълумот расидааст. Шумораи гирифторони ин беморӣ шабонарӯзи охир 620 715 нафар ва фавтидагон 12 767 нафар афзудааст.
Шумораи зиёди ҳолатҳои тасдиқшудаи сироят дар ИМА ба қайд гирифта шудаанд — 33 862 398. Баъд аз он Ҳиндустон (26 289 290), Бразилия (15 976 156), Франсия (5 780 379), Туркия (5 581 351), Россия (4 983 845), Британияи Кабир (4 457 923), Италия (4 183 476), Германия (3 646 600), Испания (3 636 453), Аргентина (3 482 512) ва Колумбия (3 192 050) қарор доранд.
АКС аз Reuters