Варзишгарони тоҷик дар марафони Иcсиқкӯл сазовори ду медали биринҷӣ шуданд

Май 18, 2021 13:15

ДУШАНБЕ, 18.05.2021 /АМИТ «Ховар»/. Дар шаҳри Чолпон-Отаи Қирғизистон 9-умин Марафони байналмилалии Иссиқкӯл баргузор шуд. Дар мусобиқаи мазкур давандаҳои тоҷик низ ширкат карда, 5 нафарашон ба гирифтани ҷойҳои намоён мушарраф гардиданд.

Дар марафон бо масофаи 42 км 195 м миёни мардон варзишгари тоҷик Шокирҷон Мамейқулов бо натиҷаи 2:36.58 медали биринҷӣ ва 70 ҳазор сомонӣ ба даст овард. Бахтиёр Уткиров бо натиҷаи 2:36.59 ҷои чорум ва 50 ҳазор сомонӣ гирифт.

Дар ин бора намояндаи расмии Кумитаи миллии олимпии Тоҷикистон Умаралӣ Сафаралӣ ба шореҳи варзиши АМИТ «Ховар» Меҳрони Қурбон хабар дод.

Ҳамчунин дар ниммарафон ба масофаи 21 км 97 м миёни мардон Ҳасанҷон Акбаралиев бо натиҷаи 1:12.48 сазовори медали биринҷӣ ва 20 ҳазор сомонӣ шуд. Меҳробҷон Одинаев бо натиҷаи 1:14.27 ҷои чорум (10 ҳазор сомонӣ), Ғайрат Олимов бо натиҷаи 1:14.40 (7 000 сомонӣ) ҷои панҷумро ишғол карданд.

Хотиррасон мешавем, ки  дар 9-умин Марафони байналмилалии Иссиқкӯл, ки дар ду масофа миёни мардону бонувони синни гуногун доир гардид, 3000 нафар варзишгарон ва дӯстдорони варзиш аз 35 давлат иштирок карданд.

Фонди ҷоизавии мусобиқа 1 миллиону 44 ҳазор сомониро ташкил дод.

                                                                                      Акс аз манбаъҳои боз

Май 18, 2021 13:15

Хабарҳои дигари ин бахш

Аъзои дастаи мунтахаби наврасони Тоҷикистон (U-17) бар ҳамсолонашон аз Фиҷи пирӯз шуданд
«KING’S CUP 2026». Имрӯз дастаи мунтахаби Тоҷикистон дар даври нимниҳоии мусобиқа бо тими яккачини Умон бозӣ мекунад
Дастаи мунтахаби Тоҷикистон оид ба футзал бозии дӯстонаи дуюмро бо Узбекистон мусовӣ анҷом дод
Дастаи мунтахаби ҷавонони Тоҷикистон (U-20) дар оғози Мусобиқаи «Рanda Сup-2026» бо Кореяи Ҷанубӣ ҳисоби бозиро мусовӣ кард
Дастаи мунтахаби Тоҷикистон омодагӣ ба мусобиқаи «Кing’s Сup 2026»-ро оғоз кард
Паҳлавонони тоҷик аз Чемпионати ҷаҳон оид ба самбо бо шаш медали ифтихорӣ бармегарданд
Дастаи мунтахаби наврасони Тоҷикистон (U-17) бо дастаи Кот-д’Ивуар мусовӣ бозӣ намуд
Президенти Кумитаи миллии паралимпии Тоҷикистон дар ҷаласаи Кумитаи байналмилалии паралимпӣ иштирок намуд
Дастаи мунтахаби футзали Тоҷикистон бозии дӯстонаи якумро бо дастаи Узбекистон анҷом дод
Ҷоми Осиё-2027 оид ба футбол аз моҳи декабри соли 2027 то январи 2028 доир мешавад
Ҳайати дастаи мунтахаби Тоҷикистон барои иштирок дар Мусобиқаи «Кing’s Сup-2026» муайян шуд
Дастаи мунтахаби наврасони Тоҷикистон дар Дубай се бозии дӯстона анҷом медиҳад