Зиракиву ҳушёриро аз даст надиҳед! Дар Суғд бахшида ба Рӯзи ҷавонон мулоқоти судманд гузаронида шуд
ДУШАНБЕ, 20.05.2021 /АМИТ «Ховар»/. Бахшида ба Рӯзи ҷавонони Тоҷикистон, ки ҳамасола 23 май дар мамлакат таҷлил мешавад, дар толори Раёсати Вазорати корҳои дохилӣ дар вилояти Суғд вохӯрии сардори Раёсати мазкур, генерал-майори милитсия Абдулло Навҷувонов бо ҷавонони фаъоли вилоят ва муҳассилини мактабҳои олӣ баргузор гардид. Дар ин бора аз Вазорати корҳои дохилии Ҷумҳурии Тоҷикистон ба АМИТ «Ховар» хабар доданд.
Зимни мулоқот ба роҳбарони муассисаҳои олӣ ва якчанд ташкилоту муассисаҳо барои ҳамкории судманд бо мақомоти корҳои дохилӣ Сипоснома тақдим карда шуд. Ҳамзамон аз тарафи Раёсати кор бо ҷавонон ва варзиши вилоят ба кормандони шуъбаи огоҳонӣ ва пешгирии ҳуқуқвайронкунии ноболиғону ҷавонони Раёсати ВКД дар вилояти Суғд низ Сипоснома тақдим гардид.
Абдулло Навҷувонов иброз дошт, ки имрӯзҳо аз ҷониби давлату Ҳукумат, хосатан Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон барои таҳсилу фаъолияти ҷавонон шароити муосир пурра фароҳам оварда шудааст. Ҷавонони даврони соҳибистиқлолии мамлакат дар пешбурди соҳаҳои мухталифи ҳоҷагии халқ нақши бориз дошта, саҳми эшон дар рушду нумӯи кишвар назаррас аст.
Имрӯзҳо вобаста ба вазъияти кунунии ҷаҳони муосир бояд ҷавонон зиракиву ҳушёриро аз даст надода, ҷиҳати пешгирӣ аз ҳар гуна хатарҳои экстремистиву террористӣ фаъолнокӣ нишон диҳанд. Дар ин раванд бояд корҳои тарғиботӣ вобаста ба пешгирии гаравидани ҷавонон ба ҳар гуна ҳизбу ҳаракатҳои мамнуъ дар ҷомеа пурзӯр карда шаванд.
Дар ҳамоиш сардори Раёсати кор бо ҷавонон ва варзиши вилояти Суғд Мирзоқосим Каримзода ва ректорони панҷ муассисаи олии минтақа иштирок доштанд. Сардори Раёсати кор бо ҷавонон ва варзиш баён дошт, ки баргузории чорабиниҳои мухталиф дар доираи моҳвораи ҷавонӣ бори дигар собит месозад, ки дастгирии давлату ҳукумат ба ин қишри ҷомеа басо назаррас аст. Ҷавобан ба чунин ғамхорӣ ҷавононро зарур аст, ки аз худ фаъолнокӣ нишон дода, дар пешрафти кишвар саҳм гузоранд.
Ҷавонони фаъол изҳор доштанд, ки тамоми неруи зеҳниву ҷисмонии хешро минбаъд низ барои шукуфоии Ватан сафарбар менамоянд.
АКСҲО аз РВКД Суғд
Ҳамкории Академияи миллии илмҳои Тоҷикистон ва Раёсати илм ва технологияи ноҳияи мухтори Шинҷон-Уйғур густариш меёбад
Намояндаи Кумитаи бехатарии озуқавории Тоҷикистон дар иҷлосияи Кумитаи амнияти озуқавории ҷаҳонӣ дар Рим иштирок намуд
ЛОЛА ВА СИЁҲГӮШ: Аз мероси табиат то рамзи худшиносии миллӣ
Форуми илмии байналмилалии «Илмҳои геологии Осиёи Марказӣ – 2026» доир гардид
Дар Тоҷикистон Рӯзҳои иммунизатсияи иловагӣ бар зидди бемориҳои сурхча ва гулафшон оғоз гардид
«ТОҶИКОНА МЕПӮШЕМ!». Дар Донишгоҳи давлатии Бохтар иқдоми ҷумҳуриявӣ доир шуд
ПУРСИДЕД, ҶАВОБ МЕДИҲЕМ. Кадом қонуншиканиҳо метавонанд боиси ихроҷи муҳоҷирони тоҷик аз Русия гарданд?
ДАР ПАЙРАВӢ БА ИҚДОМҲОИ ПЕШВОИ МИЛЛАТ. Дар ноҳияи Рашт ба 80 оилаи ниёзманд ангишт кумак карда шуд
Дар ноҳияи Файзобод китобхона, кӯдакистон ва синфхонаҳои иловагӣ ба истифода дода шуданд
Нақшаи буҷети суғуртаи иҷтимоӣ ва нафақа дар вилояти Суғд беш аз 100 фоиз иҷро гардид
ИМРӮЗ–РӮЗИ ИТТИФОҚҲОИ КАСАБА. Беш аз 15 ҳазор аъзои иттифоқи касаба ба солимгардонӣ фаро гирифта шуданд
Бахшида ба Рӯзи байналмилалии бабри барфӣ дар Хоруғ конфронси илмӣ-амалӣ доир шуд
