ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН. Аз 474 иншооти ҷашнии шаҳру деҳоти Исфара 435 адади он мавриди истифода қарор гирифтааст
ДУШАНБЕ, 09.06.2021 /АМИТ «Ховар»/. Бахшида ба истиқболи сазовори ҷашни 30 — солагии Истиқлоли давлатии Ҷумҳурии Тоҷикистон дар шаҳру деҳоти Исфара таҳти шиори «1300 – рӯзи меҳнати зарбдор» тадбирҳои шоиста роҳандозӣ мегарданд. Тибқи нақшаи чорабиниҳои тасдиқшуда дар шаҳру деҳоти Исфара бунёду навсозиии 474 иншоот, аз ҷумла корхонаҳои истеҳсолӣ пешбинӣ шуда, то имрӯз 435 адади он мавриди истифода қарор гирифтааст.
Тавре аз мақомоти иҷроияи ҳокимияти давлатии шаҳри Исфара ба АМИТ «Ховар» иттилоъ доданд, ҷиҳати шиносоӣ бо ҷараёни корҳои ободонию бунёдкорӣ раиси шаҳри Исфара Баҳоваддин Баҳодурзода аз як зумра иншооти ҷашнии маркази шаҳр боздид намуд.
Зимни шиносоӣ Раиси шаҳр таъкид намуд, ки иншооти ҷашнӣ бояд бо сифати баланди меъморӣ бо истифода аз масолеҳи сохтмонии босифат бунёд карда шаванд.
Мавриди таъкид аст, ки бо бунёду таъмири иншооти гуногунии хоҷагии халқ симои деҳоту шаҳракҳо ва маркази шаҳри Исфара дигаргун шуда, барои сокинон ҷойҳои нави корӣ таъсис ёфта истодааст.
Баҳри истиқболи сазовори 30-солагии Истиқлоли давлатӣ ҷиҳати иҷрои дастуру ҳидоятҳои Асосгузори сулҳу ваҳдати миллӣ — Пешвои миллат, Президенти мамлакат оид ба ширкати фаъолонаи соҳибкорон дар раванди корҳои бунёдкориву созандагӣ соҳибкорони Исфара бо нишони дастгирӣ аз сиёсати дурусти Ҳукумати Ҷумҳурии Тоҷикистон ва эътимоди қавӣ ба фардои неки Ватан дар ин маърака мавқеи пешсафиро ихтиёр намудаанд. Хусусан бо саҳми соҳибкорон имрӯз бунёди корхонаҳои саноатӣ, коркарди меваи хушк, иншоотҳои истеҳсоливу иҷтимоӣ, биноҳои истиқоматӣ, таъмиру тармими иншоотҳои таъиноти гуногун босуръат идома дорад.
Раиси шаҳри Исфара Баҳоваддин Баҳодурзода зимни суҳбат бо масъулин ҷиҳати вусъати корҳои бунёдкорӣ, дар амал татбиқ кардани ҳадафҳои созандаи Пешвои миллат, дастгирии иқдомҳои шоистаи шаҳрвандони мамлакат, инчунин иҷрои корҳои хайру савоб дастуру супоришҳои мушаххас дод.
АКСҲО аз МИҲД шаҳри Исфара
Ҳайати Тоҷикистон дар Машварати сеюми роҳбарони мақомоти зиддикоррупсионии кишварҳои аъзои Созмони ҳамкории исломӣ иштирок намуд
Тағйирёбии иқлим сабаби коҳиш ёфтани ҳосилнокии мева дар Тоҷикистон гардид
Дар Минтақаи озоди иқтисодии «Кӯлоб» бинои нави дидбонгоҳи гумрукӣ ба истифода дода шуд
Дар Душанбе масъалаи татбиқи лоиҳаву барномаҳои муштарак бо намояндаи ЮНИСЕФ баррасӣ гардид
Муовини Сарвазири Тоҷикистон бо вазъи корҳои саҳроӣ ва ҳолати инфрасохтори обёрии ноҳияи Мастчоҳ шинос шуд
Дар Душанбе оид ба ташхиси макроиқтисодӣ ҳамоиш баргузор шуд
Намояндаи Тоҷикистон дар ҳамоиши минтақавии Бонки осиёии сармоягузориҳои инфрасохторӣ иштирок намуд
Дар Конибодом вазъи соҳаи кишоварзӣ ва рафти ҷамъоварии пахта баррасӣ шуд
ПАХТАПАРВАРӢ. Кишти дер, нархи пасти пахта ва норасоии техникаи муосир мушкилоти асосии соҳа маҳсуб мешаванд
Дар мавзуи «Иттиҳоди Давлатҳои Мустақил: самтҳо ва дурнамои рушд» конференсияи байналмилалии илмӣ-амалӣ баргузор шуд
Тоҷикистон ва Узбекистон дар соҳаи идоракунии захираҳои об таҷрибаи якдигарро меомӯзанд
Дар Душанбе ҷаласаи 20-уми Комиссияи байниҳукуматии Тоҷикистону Қазоқистон оид ба ҳамкории иқтисодӣ баргузор шуд
