Ҷаласаи ҳамоҳангсозии сарони ҳайатҳои парлумонии кишварҳои узви СААД дар АБ САҲА фосилавӣ баргузор гардид
ДУШАНБЕ, 25.06.2021 /АМИТ «Ховар»/. 24 июни соли равон таҳти раёсати муовини якуми Раиси Маҷлиси намояндагони Маҷлиси Олии Ҷумҳурии Тоҷикистон, роҳбари ҳайати парлумонии Ҷумҳурии Тоҷикистон дар Ассамблеяи Байнипарлумонии Созмони Аҳдномаи Амнияти Дастаҷамъӣ Маҳмадалӣ Ватанзода ҷаласаи ҳамоҳангсозии сарони ҳайатҳои парлумонии кишварҳои узви Созмони Аҳдномаи Амнияти Дастаҷамъӣ дар Ассамблеяи Байнипарлумонии Созмони Амнияту Ҳамкории Аврупо дар реҷаи фосилавӣ баргузор гардид.
Тавре котиби матбуоти Маҷлиси намояндагони Маҷлиси Олии Ҷумҳурии Тоҷикистон Муҳаммадато Султонов ба АМИТ «Ховар» хабар доданд, дар назди иштирокчиёни нишаст аз рӯи масъалаи рӯзномаи ҷаласаи мазкур «Оид ба пешниҳодҳо роҷеъ ба мусоидати пайвастаи муколамаи парлумонӣ дар шакли ҳамкории Ассамблеяи Парлумонии СААД ва Ассамблеяи Парлумонии Созмони Амнияту Ҳамкории Аврупо оид ба масъалаҳои манфинияттҳои тарафайн» муовини якуми Раиси Маҷлиси намояндагони Маҷлиси Олии Ҷумҳурии Тоҷикистон, роҳбари ҳайати парлумонии Ҷумҳурии Тоҷикистон дар Ассамблеяи Парлумонии Созмони Аҳдномаи Амнияти Дастаҷамъӣ Маҳмадалӣ Ватанзода баромад намуд.
Аз рӯи масъалаи дуюми рӯзнома «Дар бораи ташаббуси ворид шудан ба рӯзномаи Ассамблеяи Байнипарлумонии Созмони Аҳдномаи Ҳамкории Аврупо, дар соли 2022 ва дурнамои дастгирии ҳайатҳои парлумонии кишварҳои узви СААД, қарорҳо оид ба масъалаҳои мубориза бо эҳёи нацизм ва ҳифзи ҳақиқати таърихӣ дар ҷаҳони муосир» муовини Раиси Думаи Давлатии Маҷлиси Федералии Федератсияи Россия, роҳбари ҳайати парлумонии Маҷлиси Федералии Россия дар Ассамблеяи Байнипарлумонии Созмони Аҳдномаи Ҳамкории Аврупо Петр Толстой баромад намуданд.
Роҷеъ ба масъалаи дигари рузнома «Дар бораи ҳамкории ҳайатҳои Ассамблеяи Парлумонии СААД бо намояндагони гурӯҳҳои мониторинги САҲА, дар ҷараёни назорати байналмилалии равандҳои интихоботӣ дар кишварҳои узви СААД» муовини раиси Кумитаи Думаи Давлатии Маҷлиси Федералии Федератсияи Россия оид ба корҳои Иттиҳоди Давлатҳои Мустақил, ҳамгироии АвруОсиё ва робита бо ҳамватанон Умахан Умаханов баромад намуданд.
Дар ҷаласа ҳамчунин сарони парлумонҳои кишварҳои узви СААД доираи масъалаҳои мубрами амнияти байналмилалӣ ва минтақавиро муҳокима карда, доир ба масоили ҷорие, ки дар рӯзномаи созмон дар марҳилаи муосир матраҳ гаштаанд, мубодилаи афкор намуданд.
АКС: Маҷлиси намояндагон
Нахустин арзишҳои маънавии инсон, заминаи ҷаҳонбинӣ, ахлоқ ва шуур маҳз аз оғӯши модар ташаккул меёбанд
Ҷаласаи навбатии Шурои Маҷлиси намояндагони Маҷлиси Олӣ, даъвати ҳафтум баргузор шуд
Дар Маҷлиси намояндагон оид ба аҳаммияти гузариш ба низоми дувоздаҳсолаи таълим ҳамоиш доир гардид
Дар иҷлосияи дуюми Маҷлиси намояндагони Маҷлиси Олӣ, даъвати ҳафтум ду созишнома ба тасвиб расид
Дар Маҷлиси намояндагон бахшида ба Рӯзи Қувваҳои Мусаллаҳ ҳамоиши идона доир шуд
Вакили Маҷлиси намояндагони Тоҷикистон дар ҷаласаҳои муштараки зимистонаи Ассамблеяи парлумонии САҲА иштирок намуд
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон баргузор гардид
Дар Маҷлиси намояндагон муҳокимаи парламентӣ баргузор гардид
ИЛМУ МАОРИФ БА ОЯНДАИ БОСАОДАТИ ДАВЛАТУ МИЛЛАТ ТАВЪАМ АСТ. Андешаҳо дар ҳошияи Паёми Президенти Тоҷикистон ба Маҷлиси Олӣ
Намояндагони Тоҷикистон дар ҷаласаи кумитаҳои парлумонии СААД иштирок намуданд
Дар ҷаласаи навбатии Маҷлиси намояндагон ба Қонуни Ҷумҳурии Тоҷикистон «Дар бораи маориф» тағйиру иловаҳо ворид карда шуд
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
