Ҷаласаи якуми гурӯҳи корӣ дар назди Шӯрои вазирони мудофиаи СААД оид ба муборизаи радиоэлектронӣ дар шакли ҳузурӣ баргузор шуд
ДУШАНБЕ, 08.06.2021 /АМИТ «Ховар»/. Ҷаласаи якуми гурӯҳи корӣ дар назди Шӯрои вазирони мудофиаи СААД оид ба муборизаи радиоэлектронӣ 4 июн дар Москва баргузор шуд. Дар ин бора сомонаи расмии Созмон иттилоъ додааст.
Дар ҷаласа таҳти раёсати сардори қӯшунҳои муборизаи радоэлектронии Қувваҳои Мусаллаҳи Федератсияи Россия Юрий Ласточкин роҳбарон ва намояндагони соҳавии идораҳои мудофиавии Ҷумҳурии Арманистон, Ҷумҳурии Белорус, Ҷумҳурии Қазоқистон, Ҷумҳурии Қирғизистон ва Ҷумҳурии Тоҷикистон, инчунин котиботи СААД иштирок намуданд.
Зимни сухани ифтитоҳии худ, раҳбари Ситоди муштараки СААД генерал-полковник Анатолий Сидоров гуфт, ки бо вуҷуди идома ёфтани вазъияти душвори беҳдоштӣ ва эпидемиологӣ, муясар шуд, ки ҷаласаи якуми гурӯҳи корӣ дар шакли ҳузурӣ доир карда шавад. Вай қайд кард, ки гурӯҳи корӣ бо Қарори Шӯрои вазирони мудофиа аз 4 сентябри соли 2020 бо ибтикори Ситоди муштараки СААД бо мақсади муттаҳид сохтани кӯшишҳо ҷиҳати татбиқи зарфиятҳои мақомоти идоракунии фармондеҳии низомӣ, ташкилотҳои соҳавии таълимӣ — методӣ, илмӣ — таҳқиқотӣ, корхонаҳои саноатӣ, дигар ташкилотҳои давлатӣ ва ҷамъиятии кишварҳои узви СААД оид ба масоили муборизаи радиоэлектронӣ таъсис дода шудааст. Кор ба манфиати ҷузъу томҳои Қӯшунҳои СААД (Неруҳои дастаҷамъӣ) сурат мегирад ва ба баланд бардоштани самаранокии истифодаи қувваҳо ва воситаҳои системаи амнияти дастаҷамъии СААД равона шудааст.
Иштирокчиёни ҷаласа маълумоти сардори раёсати банақшагирии истифодаи Қӯшунҳои СААД — (Неруҳои дастаҷамъӣ) — муовини сардори маркази банақшагирии истифода ва омодасозии Қӯшунҳои СААД (Неруҳои дастаҷамъӣ) генерал-лейтенант Анатолий Яковлевро дар бораи дурнамои рушди имконоти қудратии СААД шуниданд. Намояндаи ситоди Қӯшунҳои ҳавоӣ — десантии Федератсияи Россия дар бораи қувваҳо ва воситаҳои муборизаи радиоэлектронӣ, ки ба ҳайати Қӯшунҳои (Неруҳои дастаҷамъӣ) СААД ҷудо мешаванд, маълумот пешниҳод кард.
Дар ҷараёни мулоқот дурнамои рушди қувваҳо ва воситаҳои муборизаи радиоэлектронӣ дар қувваҳои мусаллаҳи кишварҳои узви СААД, инчунин дурнамои омӯзиши кадрҳои ҳарбӣ — мутахассисони муборизаи радиоэлектронии қувваҳои мусаллаҳи кишварҳои узви СААД дар муассисаҳои таълимии Вазорати мудофиаи Федератсияи Россия баррасӣ шуданд.
АКС аз сомонаи СААД
«Барномаи миллии бехатарии авиатсияи граждании Ҷумҳурии Тоҷикистон барои солҳои 2026-2030» қабул гардид
ДАЪВАТИ ТИРАМОҲӢ. Нақшаи даъват ба хизмати ҳарбӣ дар ноҳияи Зафаробод пеш аз муҳлат иҷро гардид
Бо мақсади пешгирии садамаҳои нақлиётӣ бо иштироки мошинҳои боркаш Гурӯҳи кории байниидоравӣ таъсис дода шуд
ИМРӮЗ-РӮЗИ КОРМАНДОНИ МАҚОМОТИ СУДӢ. Дар Суди Олӣ Конфронси Созмони судяҳои Ҷумҳурии Тоҷикистон баргузор гардид
Оид ба такмили қонунгузорӣ дар самти муқовимат ба савдои одамон конференсия доир шуд
Дар шаҳри Ваҳдат ва ноҳияи Файзобод нақшаи даъвати ҷавонон ба хизмати ҳарбӣ пурра иҷро гардид
Дар шаҳри Панҷакент нақшаи даъвати тирамоҳии ҷавонон ба хизмати ҳарбӣ иҷро шуд
Дар Ҳисор нақшаи даъвати тирамоҳии ҷавонон ба сафи Артиши миллӣ пурра иҷро гардид
Прокурори генералии Тоҷикистон бо Сафири Давлати Кувайт дар Ҷумҳурии Тоҷикистон мулоқот намуд
Дар Қирғизистон ҷаласаи Шурои вазирони мудофиаи кишварҳои аъзои Иттиҳоди Давлатҳои Мустақил доир шуд
«БА ВАТАН СОДИҚОНА ХИЗМАТ МЕКУНЕМ!». Дар Донишкадаи тарбияи ҷисмонии Тоҷикистон ҳамоиш доир шуд
Дар Душанбе нақшаи даъвати тирамоҳии ҷавонон ба сафи Қувваҳои Мусаллаҳи Ҷумҳурии Тоҷикистон пурра иҷро гардид
