AЛФА, БЕТА, ГАММА … СУТ қарор кард, ки штаммҳои коронавирусро бо ҳарфҳои алифбои юнонӣ номгузорӣ кунад

Июнь 2, 2021 11:44

ДУШАНБЕ, 02.06.2021/АМИТ «Ховар»/. Тибқи иттилои Созмони умумиҷаҳонии тандурустӣ (WHO)  вариантҳои коронавирус- COVID-19 бо ҳарфҳои алифбои юнонӣ ифода карда мешаванд, то кишварҳое, ки бори аввал ин штаммҳо дар онҳо  пайдо шудаанд, табъиз нагарданд ва ҳамзамон талаффузи қулайи онҳо  дар суҳбати ғайриилмӣ имконпазир бошад,-хабар медиҳад АМИТ «Ховар» бо истинод ба «INTERFAX.RU».

Дар доираи низоми нав, штамми «бритониёӣ» -и коронавируси B.1.1.7 «Алфа», варианти B.1.351, ки бори аввал дар Африқои Ҷанубӣ  ошкор шудааст  «Бета»  ва бразилиягӣ  P.1 — «Гамма» номгузорӣ хоҳанд шуд.  Ду зергурӯҳи штамми коронавируси «ҳиндӣ» — B.1.617.2 ва B.1.617.1 — мутаносибан «Делта» ва «Kaппа» номида хоҳанд шуд.  «Онҳо номҳои илмиро иваз намекунанд, балки  ба ҳайси кумаккунанда дар муҳокимаи умум эътироф гардидаанд»,-изҳор дошт табиб — эпидемиологи пешбари ТУТ Мария ван Керкхов.

Дар алифбои юнонӣ 24 ҳарф мавҷуд аст. Эпсилон, Зета, Эта, Тета ва Иота аллакай барои намояндагӣ кардани имконоти назоратшаванда интихоб карда шудаанд.

Соли гузашта ТУТ коронавируси навро расман SARS-CoV-2 ва беморони гирифторшударо  COVID-19 номид. Ҳамзамон созмон даъват кард, ки вирусро «чинӣ» нагӯянд, то табъиз нисбати кишварҳо ва одамони миллатҳои алоҳида пешгирӣ карда шавад. Аввали моҳи  равон  президенти ИМА Ҷо Байден қонунро бар зидди ҷинояткорӣ, ки маҳаки нафратро дорад ба имзо расонид, ки ба ҳимояи амрикоиҳои осиёӣ, ки дар давраи пандемияи COVID-19 аз афзоиши шадиди ҳамлаҳо азият кашидаанд, нигаронида шудааст.

Июнь 2, 2021 11:44

Хабарҳои дигари ин бахш

Се олим бо ҷоизаи Нобел дар бахши иқтисод дар соли 2025 сарфароз гардонида шуданд
Дар шаҳри Толятии Федератсияи Русия ошхонаи миллии тоҷикӣ ифтитоҳ гардид
Раёсат дар Иттиҳоди Давлатҳои Мустақил дар соли 2026 ба Туркманистон гузашт
Имрӯз дар Минск ҷаласаи Шурои сарони ҳукуматҳои ИДМ баргузор мегардад
Шумораи давлатҳо ва ҳайатҳое, ки дар Бозиҳои III ИДМ иштирок менамоянд, эълон гардид
Анутхин Чанвиракун Сарвазири нави Таиланд интихоб гардид
Дар Покистон 766 ҳазор нафар аз минтақаҳои аз обхезӣ зарардида кӯчонида шуданд
Бар асари заминларзаи шадид дар Афғонистон беш аз 1120 нафар ҳалок шуданд
Дар Покистон бар асари боронҳои шадид ва обхезӣ 307 нафар ҳалок ва даҳҳо нафар маҷруҳ шуданд
Ҳамоиши Воситаҳои ахбори омма ва марказҳои таҳлилии СҲШ дар Чжэнчжоу баргузор мешавад
Дар натиҷаи суқути ҳавопаймои Ан-24 дар вилояти Амури Русия ҳамаи мусофирон ҳалок шуданд
Бемориҳои музмини ғайрисироятӣ ҳамасола сабаби 1,8 миллион марги пешгиришаванда мегарданд