Барои дарёфти «Ҷоми Ҳизби Халқии Демократии Тоҷикистон» мусобиқаи футбол байни дастаҳои ғайрикасбии мамлакат баргузор мегардад
ДУШАНБЕ, 22.06.2021. /АМИТ «Ховар»/. Дар толори Федератсияи футболи Тоҷикистон ҷаласаи Кумитаи тадорукоти мусобиқаи ҷумҳуриявӣ оид ба футбол байни дастҳои ғайрикасбии вилоят ва шаҳру ноҳияҳои мамлакат барои дарёфти «Ҷоми Ҳизби Халқии Демократии Тоҷикистон» бахшида ба 30-солагии Истиқлоли давлатӣ баргузор гардид. Дар мусобиқа шаҳрвандони аз синни 18-сола боло иштирок намуда, бозингарони дастаҳои U-18 (ЛФКНҶТ), Лигаи 2-юм, Лигаи 1-ум, Лигаи олӣ, ҳайати ҷавонони дастаҳои Лигаи олӣ, Лигаҳои (А), (Б) ва PRO-и футзал ҳуқуқи ширкат варзиданро надоранд.
Тавре аз КИМ ҲХДТ ба АМИТ «Ховар» хабар доданд, дар ҷаласа муовини якуми Раиси ҲХДТ Абдуҷаббор Азизӣ, ноиби Президенти Федератсияи футболи Тоҷикистон Алишер Урунов, муовини раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Дилшод Назаров, намояндагони ҲХДТ ва Федератсияи футбол итирок намуданд.
Муовини якуми Раиси ҲХДТ Абдуҷаббор Азизӣ зикр кард, ки «Ҳизби Халқии Демократии Тоҷикистон варзишро яке аз омилҳои муассири тарбия, тарғиби тарзи ҳаёти солим, омавигардонии варзиш ва муаррифии шоистаи мамлакат дар арсаи байналмилалӣ арзёбӣ менамояд. Бо ҳамин мақсад баргузор намудани мусобиқаҳои гуногуни варзиширо роҳандозӣ менамояд, то ба ин васила наврасону ҷавононро ҳавасманд гардонад. Аз ҷумла, Дастгоҳи Кумитаи Иҷроияи Марказии Ҳизби Халқии Демократии Тоҷикистон дар ҳамдастӣ бо Федератсияи футболи Тоҷикистон мусобиқаи ҷумҳуриявӣ оид ба футболро барои дарёфти «Ҷоми Ҳизби Халқии Демократии Тоҷикистон» баргузор хоҳад кард”.
Таъкид гардид, ки ҳадаф аз баргузории мусобиқаи ҷумҳуриявӣ оид ба футбол байни дастҳои ғайрикасбии вилоят ва шаҳру ноҳияҳои мамлакат барои дарёфти «Ҷоми Ҳизби Халқии Демократии Тоҷикистон» — ин таҷлили бошукӯҳи 30-солагии Истиқлоли давлатии Ҷумҳурии Тоҷикистон, ташвиқу тарғиби тарзи ҳаёти солим ва ҷалби шаҳрвандони мамлакат ба машғулиятҳои тарбияи ҷисмонӣ ва варзиш, ташвиқу тарғиби васеи бозии футбол дар байни аҳолии мамлакат, мустаҳкам намудани дӯстӣ, таъмини бевоситаи иҷрои «Барномаи рушди футбол дар Ҷумҳурии Тоҷикистон барои солҳои 2017-2021», иҷрои Барномаи пешазинтихоботии номзад ба мансаби Президенти Ҷумҳурии Тоҷикистон аз Ҳизби Халқии Демократии Тоҷикистон ва Барномаи пешазинтихоботии ҲХДТ барои солҳои 2020-2025, таъмини фароғати мадании шаҳрвандон ва муайян намудани беҳтарин дастаҳои футболи ғайрикасбии Ҷумҳурии Тоҷикистон мебошад.
Дар ҷаласа ҳайати Кумитаи тадорукот ва ангораи мусобиқаи мазкур тасдиқ карда шуд.
Сармураббии нави дастаи мунтахаби наврасони Тоҷикистон (U-17) оид ба футбол таъйин гардид
Дастаи мунтахаби ҷавонони Тоҷикистон (U-20) оид ба футбол бозии дуюми санҷиширо бо дастаи Лубнон мусовӣ анҷом дод
Дастаи мунтахаби ҷавонони Тоҷикистон (U-20) дар бозии якуми санҷишӣ бар дастаи Лубнон пирӯз шуд
Ҳайати васеи дастаи мунтахаби Тоҷикистон оид ба футбол барои бозиҳои дӯстонаи моҳҳои сентябр ва октябр эълон гардид
Ҳайати дастаи мунтахаби ҷавонони Тоҷикистон (U-20) оид ба футбол барои марҳилаи интихобии Ҷоми Осиё-2027 муайян шуд
Дастаи мунтахаби ҷавонони Тоҷикистон (U-20) оид ба футбол бо дастаи Лубнон бозии санҷишӣ баргузор мекунад
Самбочиёни Клуби марказии варзиши артиши Вазорати мудофиаи Тоҷикистон дар Москва соҳиби ду медали биринҷӣ шуданд
«ФУТБОЛ ВА РУШДИ ОН ДАР ҶУМҲУРИИ ТОҶИКИСТОН». Таҳти чунин унвон китоби иттилоотӣ-омӯзишӣ нашр гардид
Мунтахаби Тоҷикистон дар Чемпионати ҷаҳон оид ба гӯштини миллӣ (гӯштингирӣ) 12 медал ба даст овард
«Регар-ТадАЗ» ба марҳилаи гурӯҳии Лигаи даъвати КФО-2026/27 роҳ ёфт
ҶОМИ ТОҶИКИСТОН-2026. Дастаҳои «Равшан» – «Хуҷанд» ва «Эсхата» – «Сардор» ба даври нимниҳоии мусобиқа роҳ ёфтанд
Дар Чемпионати ҷаҳон оид ба гӯштини миллӣ (гӯштингирӣ) варзишгарони зиёда аз 70 давлати ҷаҳон иштирок менамоянд
