Дар Хуҷанд ғолибони мусобиқа оид ба камонварӣ муайян шуданд

ДУШАНБЕ, 30.06.2021 /АМИТ «Ховар»/. 28-29 июн дар доираи Бозиҳои варзишии Тоҷикистон-2021 дар шаҳри Хуҷанд Мусобиқа оид ба камонварӣ баргузор шуд. Дар мусобиқаи мазкур 14 нафар – 8 мард ва 6 зан иштирок карда,  он аз рӯи 3 равия – 70 метр даставӣ, инфиродӣ ва даставии омехта сурат гирифт.

Дар ин бора аз Федератсияи камонварии Тоҷикистон ба ба шореҳи варзиши АМИТ «Ховар» Меҳрони Қурбон хабар доданд.

Бозиҳои варзишии Тоҷикистон-2021 ба ифтихори 30-солагии Истиқлоли давлатии Ҷумҳурии Тоҷикистон бахшида шуда,  21 май шурӯъ гардида, имрӯз — 30 июн ҷамъбаст мешаванд.

Ба барномаи бозиҳои мазкур 15 намуди варзиш ворид гардидааст.

Натиҷаи мусобиқаи камонварӣ дар доираи Бозиҳои варзишии Тоҷикистон-2021:

70 метр
Даставӣ, мардҳо
1. Душанбе-1 (Саидов Тилло, Раҳмонов Умед, Анушервон Раҳимӣ)
2. Суғд (Рустамов Абдуғаффор, Шерғозиев Манучеҳр, Бобоев Исо)
3. Душанбе-2 (Тураев Абубакр, Раҳимзода Некрӯз)

Инфиродӣ, мардҳо
1. Тилло Саидов (Душанбе-1)
2. Умед Раҳмонов (Душанбе-1)
3. Анушервон Раҳимӣ (Душанбе-1)

Инфиродӣ, бонувон
1. Фирӯза Зубайдова (Душанбе-1)
2. Умеда Ҷӯраева (Суғд)
3. Мавзуна Азимова (Суғд)

Даставӣ, омехта
1. Суғд (Манучеҳр Шерғозиев, Мавзуна Азимова)
2. Душанбе-1 (Фирӯза Зубайдова, Тилло Саидов)
3. Душанбе-2 (Фирӯза Давлатова, Абубакр Тураев)