ФУТБОЛ. Чемпионати Тоҷикистон байни дастаҳои лигаи дуюм оғоз шуд

ДУШАНБЕ, 16.06.2021 /АМИТ «Ховар»/. 15  июни соли равон дар шаҳри Бохтари  вилояти Хатлон  ду бозии даври 4-уми Чемпионати Тоҷикистон байни дастаҳои лигаи дуюм   баргузор гардиданд. Дар ин бора шореҳи варзиши АМИТ «Ховар» Меҳрони Қурбон бо истинод ба Федератсияи футболи Тоҷикистон иттилоъ медиҳад.

Дастаи футболи «Дӯстӣ»-и ноҳияи Ҷайҳун дар  даври чоруми Лигаи дуюм бо дастаи «Ҷиликӯл»-и ноҳияи Дӯстӣ рақобат намуд, ки дар ин бозӣ ғолиб муайян нагардид. Вохӯрии дастаҳо бо ҳисоби мусовии 1:1 ҷамъбаст шуд. Дастаи футболи  «Бешкент»-и ноҳияи Носири Хусрав дар ин давр дар сафар бо дастаи «Нури деҳот»-и ноҳияи Панҷ вохӯрӣ анҷом дод, ки дидори ин дастаҳо ҳам бо ҳисоби мусовии 1:1 хотима ёфт. Мавриди зикр аст, ки фардо дастаҳои футболи  «Чашма» — «Сарбанд», «Кӯшон» — «Хуросон» миёни ҳам рақобат мекунанд.

Чемпионати Тоҷикистон.

Минтақаи Бохтар

Лигаи дуюм. Даври чорум.

1. «Дӯстӣ» — «Ҷиликул» 1:1

Голҳо. Аламшоев Комрон 47 (худгол) (0-1), Қаландаров Мансур 62 (1-1).

Бозингари беҳтарин. Каримов Мунис («Дӯстӣ»).

2. «Нури деҳот» — «Бешкент» 1:1

Голҳо. Холиқов Бурибой 33 (0-1), Бухоров Хуршед 90+2 (1-1).

Бозингари беҳтарин. Холиқов Бурибой («Бешкент»).