Ҷиҳати пешгирии бемори COVID-19 вохӯрии Ораш Алоӣ бо намояндагони воситаҳои ахбори омма доир шуд
ДУШАНБЕ, 16.06.2021 /АМИТ «Ховар»/. Бо ташаббуси Муассисаи давлатии «Маркази ҷумҳурияви ташаккули тарзи ҳаёти солим»-и Вазорати тандурустӣ ва ҳифзи иҷтимоии аҳолии Ҷумҳурии Тоҷикистон бо мақсади баланд бардоштани маърифати тиббӣ ва сари вақт огоҳ намудани аҳолӣ оид ба хатари бемориҳои сироятӣ, аз ҷумла COVID-19 вохӯрии табиби маъруфи эронитабори Амрико, сарвари Пажӯҳишгоҳи байналмилалии тандурустӣ ва тадқиқотии Ню-Йорк (ИМА) Ораш Алоӣ бо намояндагони воситаҳои ахбори омма баргузор гардид.
Нахуст директории Муассисаи давлатии «Маркази ҷумҳурияви ташаккул тарзи ҳаёти солим» Парвина Мухторова иброз дошт, ки имрӯзҳо ба назар мерасад, ки шаҳрвандон нисбат ба саломатии худ беэътиноӣ зоҳир намуда, дар ҷойҳои ҷамъиятӣ аз ниқобҳои тиббӣ кам истифода менамоянд ва фосилаи иҷтимоиро риоя намекунанд.
«Ҳарчанд, ки дар мамлакати мо COVID-19 нест, вале ин маънои онро надорад мо нисбат ба ин масъала бетараф бошем. Хуруҷи ин беморӣ дар баъзе кишварҳои ҷаҳон ҳанӯз ҳам ба мушоҳида мерасад ва мо набояд дар ин масъала бепарвоӣ зоҳир намоем. Намояндагони воситаҳои ахбори омма имкони анҷоми корҳои назаррасро ҷиҳати пешгирии бемориҳои сироятӣ доранд ва бояд дар ин ҷода фаъолнокӣ нишон диҳанд»,- афзуд П. Мухторова.
Сарвари Пажӯҳишгоҳи байналмилалии тандурустӣ ва тадқиқотии Ню-Йорк Ораш Алоӣ иброз дошт, ки воситаҳои ахбори омма дар пешгирӣ аз бемории COVID-19 саҳми намоён дошта, журналистонро лозим аст, ки дар ин самт барномаву роликҳои оммафаҳм ва диққатҷалбкунандаро омода намоянд.
«Пӯшидани ниқоб, нигоҳ доштани масофаи иҷтимоӣ ва дигар чораҳои эҳтиётӣ дар ҷойҳои ҷамъиятӣ ҳатмӣ мебошад. Ман мушоҳида мекунам, ки дар Душанбе мардум бисёр бепарвоӣ зоҳир мекунанд, ки ин боиси нигаронист. То пурра аз байн рафтани ин бемории сироятӣ дар ҷаҳон ҳамагонро лозим аст, ки эҳтиёт бошанд ва қойидаҳои заруриро ҷиҳати пешгирии covid-19 риоя намоянд. Намояндагони ВАО бояд барномаҳои тарғиботиро дар ин мавзӯъ бештар намоянд, то ки шаҳрвандон эҳтиёткор бошанд»,- таъкид намуд Ораш Алоӣ
МАСЛИҲАТИ МУТАХАССИС. Хӯрдани анҷир хавфи бемории дилро кам менамояд
35-СОЛАГИИ ИСТИҚЛОЛИ ДАВЛАТӢ. Барои кормандони соҳаи ҳифзи муҳити зист 4 бинои маъмурӣ ба истифода дода мешавад
Истеъмоли хурмо узви босираро мустаҳкам намуда, пеш аз муҳлат пиршавии баданро пешгирӣ менамояд
21 СЕНТЯБР — РӮЗИ БАЙНАЛМИЛАЛИИ СУЛҲ. Тоҷикистон дар роҳи таҳкими сулҳ ва амният дар ҷаҳон пешсаф аст
То соли 2050 ҳарорати миёнаи ҳаво дар минтақаи Осиёи Марказӣ метавонад аз 0,8 то 6,2 дараҷа баланд гардад
Дар шаҳри Гулистон ҳамоиши ҷавонон баргузор шуд
«ТАСАЛЛО». Барои кӯдакони гирифтори бемории саратон шуъбаи махсус ифтитоҳ гардид
ИММУНИЗАТСИЯ БАР ЗИДДИ ВИРУСИ ПАПИЛЛОМАИ ОДАМ. Он пайдошавии саратони гарданаки бачадонро пешгирӣ менамояд
16 СЕНТЯБР — РӮЗИ БАЙНАЛМИЛАЛИИ ҲИФЗИ ҚАБАТИ ОЗОН. Барои ҳифзи қабати он аз вайроншавӣ Конвенсияи Вена қабул карда шуд
Аз ифлосшавии ҳаво ва таъсири чангу ғубор худро эҳтиёт намоед!
Дар ноҳияи Ҷалолиддини Балхӣ деҳаи нав — «Обшорон» бунёд карда шуд
«БЕҲТАРИН ХИЗМАТЧИИ ДАВЛАТӢ АЗ ҲИСОБИ ЗАНОН». Дар Бадахшон даври вилояти озмуни ҷумҳуриявӣ доир гардид
