Соҳибкорони шаҳри Норак дар боғи фарҳангӣ беш аз 500 ниҳолу дарахтони сояафкану ороишӣ шинонданд
НОРАК, 14.06.2021. /АМИТ «Ховар»/. Соҳибкорони шаҳри сайёҳии Норак ҷавобан ба ташаббусҳои наҷибонаи Пешвои миллат барои сабзу хуррам ва обод гардонидани шаҳр, хусусан боғи фарҳангию истироҳатии маркази шаҳр ҷиҳати истиқболи сазовори ҷашни 30-солагии Истиқлоли давлатии Ҷумҳурии Тоҷикистон корҳои ободонию хуррамгардониро тавсеа медиҳанд.
Онҳо ба маблағи 600 ҳазор сомонӣ беш аз 500 ниҳолу дарахтони сояафкану ҳамешасабз ва ороишӣ, ба монанди палма, сиренаи бофта, афросурх, кипарис, лавровис, барбарис, куника, магнолияро аз хориҷи кишвар дастрас намуда, дар боғи фарҳангию истироҳатии шаҳр шинонданд.
Бояд тазаккур дод, ки тибқи дастуру супоришҳои Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон мақомоти иҷроияи ҳокимияти давлатии шаҳри Норак лоиҳаи таҷдиду навсозии боғи фарҳангию истироҳатии маркази шаҳрро ба таври замонавӣ омода намуда, аз моҳи апрели соли равон корҳои ободонию бунёдкорӣ дар он оғоз гардидааст.
Аксҳо аз Мақомоти иҷроияи ҳокимияти давлатии шаҳри Норак
Дар Женева 33-солагии Истиқлолияти давлатии Ҷумҳурии Тоҷикистонро ҷашн гирифтанд
Сарвари давлат Эмомалӣ Раҳмон дар деҳаи Рахшонзамини ноҳияи Данғара бо гузоштани санги асос ба сохтмони бинои Муассисаи таҳсилоти миёнаи умумӣ оғоз бахшиданд
Президенти Тоҷикистон Эмомалӣ Раҳмон дар ноҳияи Данғара барои сохтмони бинои Муассисаи таҳсилоти миёнаи умумӣ дар кӯчаи ба номи Оимхол Абдуллоева санги асос гузоштанд
