Туҳфаи Пешвои миллат — китоби «Тоҷикон»-ро сокинони ноҳияи Балҷувон низ дастрас намуданд

Июнь 11, 2021 13:40

ДУШАНБЕ, 11.06.2021 /АМИТ «Ховар»/. 10 июни соли равон  туҳфаи Пешвои миллат -китоби «Тоҷикон» ба ҳар оилаи  ноҳияи Балҷувон низ ҳамчун туҳфаи таърихӣ ва рамзию арзишманд тақдим гардид.Ин туҳфаи бебаҳои  Пешвои миллатро сокинони ин ноҳияи кӯҳистони мамлакат бесаброна интизорӣ мекашиданд ва аз  дастрас намудани он изҳори хушҳолӣ менамуданд.

Тавре аз мақомоти иҷроияи ҳокимияти давлатии вилояти Хатлон ба АМИТ «Ховар» хабар доданд,  ин туҳфаи қиматбаҳои  Пешвои миллат дар ҳузури раисони ҷамоатҳои деҳот ба ҳар оила  тақдим гардида, сокинон онро ҳамчун  туҳфаи гаронарзиш, сарчашмаи донишу  хирад ва манбаи беназири худшиносӣ баҳри наслҳои имрӯзу фардо  қабул намуданд.

Чуноне яке аз сокинони ин ноҳия Аҷикулло Ёқубов ёдоварӣ намуд, «дар айёми таҳсил  дар Донишгоҳи давлатии Бохтар (собиқ Қӯрғонтеппа) ба номи Носири Хусрав барои омода намудани дарсҳои амалӣ ва семинарӣ аз фанни «Таърихи халқи тоҷик»  дар дастрасиии китоби «Тоҷикон» душворӣ мекашидем».

-Танҳо яке аз ҳамсабақамон ин китобро дошту халос ва  мо, донишҷӯён онро  бо навбат гирифта, истифода мебурдем. Имрӯз бисёр хушҳолам, ки соҳиби туҳфаи беназири  Пешвои миллат мегардам. Зеро китоби «Тоҷикон» аз рӯзгори гузаштаи ниёгон барои насли имрӯза ҳикоят мекунад. Таърихи худро надониста, ояндаро бунёд кардан ғайриимкон аст. Китоби «Тоҷикон»-и мутафаккири барҷаста, Қаҳрамони Ҷумҳурии Тоҷикистон Бобоҷон Ғафуров намунаи бебаҳотарин ва безаволи таърихӣ буда, даҳсолаҳост, ки арзиши худро гум накардааст ва умри он ҷовидонӣ хоҳад буд, -гуфт дар идома суҳбат номбурда.

Ёдовар мешавем, ки дар асоси супориши Асосгузори сулҳу ваҳдати миллӣ–Пешвои миллат муҳтарам Эмомалӣ Раҳмон китоби «Тоҷикон»–и аллома Бобоҷон Ғафуров чоп гардида,  то ҷашни 30-солагии Истиқлоли  давлатӣ аз номи Сарвари давлат  ба ҳар оилаи мамлакат  тақдим карда мешавад.

Июнь 11, 2021 13:40

Хабарҳои дигари ин бахш

Дар Хатлон даври дуюми Озмуни ҷумҳуриявии «Тоҷикистон-Ватани азизи ман» оғоз ёфт
ИҶЛОСИЯИ 44-УМИ КУМИТАИ МЕРОСИ ҶАҲОНИИ ЮНЕСКО ИДОМА ДОРАД. 16 иншооти Тоҷикистон чун номзад барои шомилшавӣ ба Феҳристи мероси ҷаҳонии ЮНЕСКО пешниҳод шудаанд
Хонандаи тоҷик дар Олимпиадаи ҷаҳонӣ аз фанни биология (IBO-2021) соҳиби медали биринҷӣ гардид
Миёни Донишгоҳи давлатии Бохтар ва Донишгоҳи Тирмиз созишномаи ҳамкорӣ ба имзо расид
Дар Қароргоҳи ЮНЕСКО, Беларус ва Амороти Муттаҳидаи Арабӣ Рӯзҳои фарҳанги Тоҷикистон баргузор мегарданд
«Танҳо донишҳои зеҳнӣ ва фарҳанги техникӣ метавонанд ба муқобили ақидаҳои хурофотию ифротӣ сипар шаванд»,-бардошт аз Слёти геологҳои ҷавон
Новобаста ба пандемия ва авзои амниятии Афғонистон беш аз 125 ҳазор нафар сайёҳони хориҷӣ аз Тоҷикистон боздид карданд
Зиёда аз 200 нафар хонандагони мактабҳои Хоруғ дар лагерҳои академӣ ба таълиму истироҳат фаро гирифта шудаанд
Дар МД «Сафина» бинобар пандемия баргузории барномаҳои озмунӣ ва шоу-барномаҳо мавқуф гузошта шуд
Нуриддин Саид: Фарогирии аҳолӣ бо барномаҳои шабакаҳои давлатии телевизион дар пахши рақамӣ 72 фоизро ташкил медиҳад
Дар Донишкадаи давлатии фарҳанг ва санъати Тоҷикистон кафедраи «Технологияи ВАО» таъсис ёфт
Дар Донишкадаи давлатии забонҳои Тоҷикистон 524 нафар шаҳрвандони хориҷӣ таҳсил мекунанд

Маводҳои таҳлилӣ