Ҳабибулло Воҳидзода: Ҳадаф аз қабули Стратегияи миллӣ таъмини амнияти Тоҷикистон аз таҳдиди маводи нашъаовар ва оқибатҳои зиёновари он аст
ДУШАНБЕ,15.07.2021 /АМИТ «Ховар»/. Паҳн намудан ва истеъмоли маводи нашъаовар яке аз таҳдидҳо ба амнияти миллии Ҷумҳурии Тоҷикистон ба ҳисоб меравад. Бинобар ин масъалаи татбиқи зиддимухаддиротии давлатӣ дар маркази диққати ҳамаи сохторҳои ҳифзи ҳуқуқи қудратӣ, мақомоти иҷроияи ҳокимияти давлатӣ, ташкилоти ҷамъиятӣ ва ҷомеа қарор дорад. 20 марти соли 2021 бо фармони Президенти Ҷумҳурии Тоҷикистон «Стратегияи миллӣ оид ба назорати маводи нашъаовар дар Ҷумҳурии Тоҷикистон барои солҳои 2021-2030» ва нақшаи чорабиниҳои амалисозии он барои солҳои 2021 -2025 қабул шуд. Ҳадаф аз қабули стратегия таъмини амнияти Ҷумҳурии Тоҷикистон аз таҳдиди маводи нашъаовар ва оқибатҳои зиёновари он, инчунин тақвияти муқовимат ба муомилоти ғайриқонунии маводи нашъаовар, ки яке аз сарчашмаҳои маблағгузории терроризми байналмилалӣ ба ҳисоб меравад, мебошад.
Дар ин бора имрӯз зимни нишасти матбуотӣ директори Агентии назорати маводи нашъаовари назди Президенти Ҷумҳурии Тоҷикистон Ҳабибулло Воҳидзода изҳор дошт.
Ҳамчунин мавсуф зикр кард, ки бо мақсади татбиқи амалии стратегияи мазкур Агентӣ дар доираи ҳамкории судманд бо мақомоти дахлдори мамлакат ва давлатҳои хориҷӣ ҷиҳати ноил шудан ба ҳадафҳои стратегия тадбирҳои мушаххас меандешад.
Иттилоъ дода шуд, ки дар шашмоҳаи якуми соли 2021 аз ҷониби мақомоти ҳифзи ҳуқуқ ва сохторҳои қудратии Ҷумҳурии Тоҷикистон 13 878 ҷиноятҳои умумӣ ба қайд гирифта шудаанд, ки нисбат ба ҳамин давраи соли гузашта 12,9 фоиз ё 1585 ҷиноят зиёд мебошад.
Аз шумораи умумии ҷиноятҳои ба қайдгирифташуда 446 ҷиноят марбут ба маводи нашъадор мебошанд, ки дар қиёс ба шашмоҳаи якуми соли гузашта 89 ҷиноят зиёд ба қайд гирифта шудааст.
Тибқи омори расмӣ, ба ҳолати июли соли 2021 дар мамлакат 5003 нафар нашъаманд ба қайд гирифта шудаанд, ки аз ин 109 нафарашонро занон ташкил медиҳанд. Имрӯз дар Тоҷикистон ба 100 ҳазор аҳолӣ 54 нашъаманд рост меояд, ки нисбат ба дигар давлатҳо нишондиҳандаи хеле паст мебошад.
Натиҷаҳои даъвати шаҳрвандон ба сафи Қувваҳои Мусаллаҳи Тоҷикистон ҷамъбаст гардиданд
ФАРЗАНДОНИ ХУДРО БЕНАЗОРАТ НАГУЗОРЕД! Ҳангоми шиноварӣ қоидаҳои бехатариро бояд риоя намуд
Ҳайати Тоҷикистон дар ҷаласаи вазирони корҳои дохилии давлатҳои аъзои СҲШ дар Бишкек иштирок намуд
Тоҷикистон ва Эрон ҳамкориро дар самти мубориза бар зидди ҷиноятҳои муташаккили фаромиллӣ тақвият мебахшанд
Эмомалӣ Собирзода дар ҷаласаи Шурои вазирони мудофиаи кишварҳои аъзои Созмони Аҳдномаи амнияти дастҷамъӣ иштирок кард
РӮЗИ КОРМАНДОНИ МАҚОМОТИ НАЗОРАТИ МАВОДИ НАШЪАОВАР. Ба ин муносибат ҷаласаи тантанавӣ баргузор гардид
Таҳти унвони «Нақши зеҳни сунъӣ дар рушди Қувваҳои Мусаллаҳ» конференсияи ҷумҳуриявии илмӣ-ҳарбӣ доир шуд
Раёсати ВКД дар вилояти Хатлон: «Таътили тобистона бояд ба давраи тарбия, донишандӯзӣ ва истироҳати солим табдил ёбад»
Юсуф Раҳмон дар Форуми байналмилалии амният ва Вохӯрии байналмилалии намояндагони воломақом иштирок намуд
РӮЗИ ҚӮШУНҲОИ САРҲАДӢ. Афсарону сарбозони ин ниҳод рисолати фарзандии худро дар назди Ватан – Модар ва халқу давлат бо сарбаландӣ адо менамоянд
Котиби Шурои амнияти Тоҷикистон дар Вохӯрии котибони шуроҳои амният дар қолаби «Осиёи Марказӣ – Русия» иштирок намуд
Юсуф Раҳмон дар ҷаласаи Кумитаи котибони шуроҳои амнияти Созмони Аҳдномаи амнияти дастҷамъӣ иштирок намуд
