Ҳайати дастаи мунтахаби олимпии Тоҷикистон дар маросими ифтитоҳи Бозиҳои ХХХII олимпӣ таҳти рақами 105 иштирок мекунад

Июль 23, 2021 15:46

ДУШАНБЕ, 23.07.2021 /АМИТ «Ховар»/. Шуморае, ки таҳти он дастаи мунтахаби олимпии Тоҷикистон дар доираи маросими ифтитоҳи Бозиҳои олимпӣ, ки аз 23 июл то 8 август дар Токио баргузор мешаванд, дар паради варзишгарон иштирок мекунад, маълум гардид. Варзишгарони тоҷик кишвари моро таҳти рақами 105 намояндагӣ мекунанд. Маросими ифтитоҳи Бозиҳои олимпӣ имрӯз, 23 июл, соати 16:00 ба вақти Душанбе оғоз мешавад.

Дар мувофиқа бо Президенти Ҷумҳурии Тоҷикистон, Президенти Кумитаи миллии олимпии Тоҷикистон, Пешвои миллат, муҳтарам Эмомалӣ Раҳмон паҳлавони маъруфи кишвар Темур Раҳимов дар маросими ифтитоҳи Бозиҳои олимпӣ парчамбардори Ҳайати олимпии Тоҷикистон интихоб шуд.

Дар маросими ифтитоҳи Бозиҳои ХХХII тобистона иштироки 206 кишвар дар назар аст. Дар ин маросим парадро дастаи мунтахаби олимпии Юнон (ба хотири он ки Бозиҳои олимпӣ аввалин бор дар ин кишвар баргузор шудаанд) оғоз мекунад. Баъд аз он дастаи гурезаҳо вориди варзишгоҳ мешавад. Парадро дастаи мунтахаби Ҷопон (ба хотири мизбон буданаш) хотима мебахшад.

Ёдовар мешавем, ки шурӯъ аз имрӯз то 8 август дар шаҳри Токиои Ҷопон Бозиҳои ХХХII тобистонаи олимпӣ баргузор мешаванд, ки дар он Ҷумҳурии  Тоҷикистонро даҳ варзишгар намояндагӣ мекунанд.

22 июл  зимни қуръакашӣ рақибони паҳлавонони шинохтаи тоҷик маълум шуданд:

26 Июл, Душанбе | шурӯъ аз соати 07:00

-73КГ | Даври 1 | Сомон Маҳмадбеков  vs Аҳмад Аликай (Дастаи мунтахаби гурезаҳо)

27 Июл, Сешанбе | шурӯъ аз соати 07:00

-81КГ | Даври 1 | Акмал Муродов vs Ҷоштер Эндрю  (Гуам)

28 Июл, Чоршанбе | шурӯъ аз соати 07:00

-90 KG | Даври 2 | Комроншоҳи Устопириён  vs Алекс Клергет  (Фаронса)

30 Июл, Ҷумъа | шурӯъ аз соати 07:00

+100 KG | Даври 1 | Темур Раҳимов vs Энди Гранда (Куба)

Рақобатҳо дар намуди дзюдо аз 24 то 30 июл сурат мегиранд.

Роҳбарияти Кумитаи миллии олимпии Тоҷикистон ва Федератсияи футболи Тоҷикистон бо варзишгарон ва мураббиён мулоқот карда, ба маълумоти онҳо расониданд, ки аз номи Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ ба варзишгароне, ки медал ба даст меоранд, дар пойтахти мамлакат хона туҳфа карда мешавад. Барои медали тилло хонаи чорҳуҷрагӣ, барои медали нуқра хонаи сеҳуҷрагӣ ва барои медали биринҷӣ хонаи дуҳуҷрагӣ тақдим мегардад.

Хотиррасон мешавем, ки дар асоси низомномаи Ҷоизаи Президенти Ҷумҳурии Тоҷикистон ба ғолибон ва ҷоизадорони мусобиқаҳои байналмилалии варзишӣ аз Фонди Пешвои миллат ба варзишгароне, ки дар Бозиҳои олимпӣ ҷойҳои аввал, дуюм ва сеюмро сазовор мешаванд, мутаносибан 300 000 сомонӣ, 250 000 сомонӣ ва 200 000 сомонӣ ҷудо мешавад. Варзишгарони Тоҷикистон қабл аз сафар ба Токио дар самти ҷамъомадҳои машқӣ-таълимӣ, иштирок дар мусобиқаҳои интихобӣ, фармакология аз ҷониби Ҳукумати ҷумҳурӣ таъмин гардиданд.

 

АКС аз Федератсияи дзюдои Тоҷикистон

Июль 23, 2021 15:46

Хабарҳои дигари ин бахш

Варзишгарони тоҷик аз мусобиқаҳои байналмилалӣ 958 медал ба даст оварданд
ЛИГАИ ЧЕМПИОНҲО-2-И ОСИЁ. Имрӯз дастаҳои футболи «Истиқлол» ва «Ал-Наср» бо ҳам бозӣ мекунанд
9 паҳлавони тоҷик дар Мусобиқаи байналмилалии Abu Dhabi Grand Slam -2025 иштирок мекунанд
Ҳайати дастаи футболи «Ал-Наср»-и Арабистони Саудӣ барои бозӣ бо «Истиқлол» ба Душанбе омад
ЧЕМПИОНАТИ CAFA-2025. Дастаи мунтахаби занонаи то 18-солаи Тоҷикистон бо дастаи занонаи Узбекистон бозиро мусовӣ кард
Дар даврони соҳибистиқлолии Тоҷикистон бо шарофати варзишгарон Парчами давлатӣ зиёда аз 7500 маротиба баланд бардошта шуд
«ВАРЗИШГАРОН — ПАРЧАМБАРДОРОНИ МИЛЛАТ». Дар Донишкадаи тарбияи ҷисмонии Тоҷикистон ҳамоиши тантанавӣ баргузор шуд
Варзишгарони тоҷик дар Бозиҳои 6-уми ҳамбастагии исломӣ-2025 соҳиби ҳашт медал шуданд
ҶОМИ ОСИЁ ОИД БА ҶУДО БАЙНИ НАВРАСОН ВА ҶАВОНОН-2025. Варзишгарони тоҷик дар рӯзи якум 3 медали тилло ба даст оварданд
«ҶАВОНОН ВА ВАРЗИШГАРОН -САДОҚАТ БА ПЕШВОИ МИЛЛАТ ВА ПАРЧАМИ ДАВЛАТӢ». Бо чунин унвон «Дав барои хушҳолӣ» баргузор гардид
Дар ноҳияи Ёвон варзишгарони ҷавон барои дастовардҳои назаррас қадрдонӣ шуданд
Парчами давлатии Тоҷикистон давоми нуҳ моҳ ба шарафи варзишгарони тоҷик зиёда аз 320 маротиба баланд бардошта шуд