Бахшида ба 30-солагии Истиқлоли давлатӣ Атласи пиряхҳои Тоҷикистон ва гиёҳҳои шифобахши он ба нашр мерасад
ДУШАНБЕ, 27.07.2021 /АМИТ «Ховар»/. Бахшида ба ҷашни 30-солагии Истиқлоли давлатӣ бо ташаббуси Академияи миллии илмҳои Тоҷикистон Атласи пиряхҳои Тоҷикистон ва гиёҳҳои шифобахши Тоҷикистон омода гардида, дар арафаи нашр қарор дорад. Дар ин бора президенти Академияи миллии илмҳои Тоҷикистон Фарҳод Раҳимӣ имрӯз зимни нишасти матбуотии ин ниҳод иттилоъ дод.
Атласи гиёҳҳои шифобахши Тоҷикистон бори аввал дар шакли мукаммал пурра омода шудааст. Дар атласи мазкур бевосита гиёҳҳое ҷой дода шудаанд, ки дар ҳудуди Тоҷикистон мерӯянд ва хосияти фармакологии онҳо пурра омӯхта шудааст. Ин гиёҳҳоро метавон барои рушди саноати доруворӣ дар мамлакат бевосита ҷамъоварӣ ва истифода кард.
Бино ба гуфтаи Фарҳод Раҳимӣ, дар Академияи миллии илмҳои Тоҷикистон имсол ба ҳисоби миёна дар як рӯз як асари илмӣ ба чоп мерасад.
«Соли гузашта олимони академия 269 асари илмӣ ба чоп расониданд. Имсол, ки мо дар арафаи 30-солагии Истиқлоли давлатӣ ва 70–солагии Академияи миллии илмҳои Ҷумҳурии Тоҷикистон қарор дорем, аз ин рӯ ба нақша гирифтаем, ки давоми сол 365 номгӯй асари илмӣ ба табъ расонем. Имрӯз тақрибан 50 дар сади китобҳо ба нашр расида ё дар арафаи чоп қарор доранд»,- иброз дошт президенти Академияи миллии илмҳои Тоҷикистон.
«Муассисаҳои илмии Академияи миллии илмҳои Тоҷикистон мисли солҳои қаблӣ ба душвориҳое, чун кам будани маоши кормандон, норасоии маблағ барои харидани лавозимоти зарурии илмӣ, таҷҳизоти техникӣ, асбоб, маводи химиявӣ, китобу маҷаллаҳои илмӣ, ташкили сафарҳои илмӣ ва ғайра дучор гардидаанд. Имрӯз заминаи моддиву техникии муассисаҳои илмии АМИТ ҷавобгӯи талаботи замон нест. Ҷалби мутахассисони ҷавон ва хатмкардагони муассисаҳои таҳсилоти олӣ ба муассисаҳои Академия ва тарбияи кадрҳои ҷавони илмӣ бо вуҷуди он, ки нисбатан беҳтар гардидааст, вале боз ҳам беҳбудӣ мехоҳад. Камбудии ҷиддӣ дар иқтисодиёти мамлакат хеле кам татбиқ гардидани коркардҳои илмии олимони Академия мебошад», — афзуд Фарҳод Раҳимӣ.
Сохтмони бинои Кумитаи иҷроияи Ҳизби Халқии Демократии Тоҷикистон дар вилояти Суғд идома дорад
35-СОЛАГИ ИСТИҚЛОЛИ ДАВЛАТӢ. Дар ноҳияи Спитамен беш аз 600 иншоот сохта ба истифода дода мешавад
Дар моҳи дуюми тобистон Тоҷикистонро чӣ гуна ҳаво интизор аст?
Дар шаҳри Истаравшан сохтмони зиёда аз 20 иншооти соҳаи маориф идома дорад
35-СОЛАГИ ИСТИҚЛОЛИ ДАВЛАТӢ. Дар Ховалинг таъмиру навсозии беш аз 200 иншоот ба нақша гирифта шудааст
Сокинони маҳаллаи Наврӯзи шаҳри Бӯстон бо оби нӯшокӣ таъмин гардиданд
Дар ҳудуди шаҳри Гулистон сохтмони меҳмонхона ва осоишгоҳу марказҳои солимгардонӣ идома доранд
Қитъаи муҳими роҳи Душанбе – Хоруғ – Қалъаихумб бо пулу нақб мавриди истифода қарор гирифт
Пешвои миллат Эмомалӣ Раҳмон пас аз анҷоми сафари корӣ дар Вилояти Мухтори Кӯҳистони Бадахшон ба шаҳри Душанбе баргаштанд
Дар ВМКБ беш аз 1000 иншоот ба истиқболи 35-солагии Истиқлоли давлатӣ мавриди истифода қарор гирифт
Президенти Ҷумҳурии Тоҷикистон Эмомалӣ Раҳмон бо роҳбарон ва фаъолони Вилояти Мухтори Кӯҳистони Бадахшон мулоқот намуданд
Президенти Ҷумҳурии Тоҷикистон Эмомалӣ Раҳмон дар шаҳри Хоруғ дар тантанаҳои идона ба ифтихори 28-солагии Рӯзи ваҳдати миллӣ иштирок намуданд
