Бо дархости Прокуратураи генералии Ҷумҳурии Тоҷикистон Фурқат Абдуфаттоев дар Федератсияи Россия аз ҳабс озод карда шуд
ДУШАНБЕ, 08.07.2021. /АМИТ «Ховар»/. Дар асоси дархости Прокуратураи генералии Ҷумҳурии Тоҷикистон 6 июл бо қарори Прокурори ноҳияи Кугарчинскии Ҷумҳурии Бошқирдистони Федератсияи Россия шаҳрванди Ҷумҳурии Тоҷикистон Абдуфаттоев Фурқат Абдуфаттоевич аз ҳабс озод карда шуд.
Дар ин бора АМИТ «Ховар» бо истинод ба маркази матбуоти Прокуратураи генералии ҶТ хабар медиҳад.
Бино ба иттилои манбаъ, 2 феврали соли 2021 дар ҳудуди деҳаи Мраковои ноҳияи Кугарчинскии Ҷумҳурии Бошқирдистони Федератсияи Россия бо дархости истирдодии мақомоти ҳифзи ҳуқуқи Ҷумҳурии Қирғизистон шаҳрванди Ҷумҳурии Тоҷикистон Абдуфаттоев Фурқат Абдуфаттоевич, 13.10.1976 соли таваллудаш барои ташкил намудани бетартибиҳои оммавӣ ва авбошӣ дар ҳудуди минтақаи наздисарҳадӣ ва делимитатсияношудаи байни ноҳияи Исфараи вилояти Суғди Ҷумҳурии Тоҷикистон ва ноҳияи Боткани Ҷумҳурии Қирғизистон дастгир шуда буд.
«Бо дарназардошти ангезаи сиёсӣ доштани айбномаи болозикр, Прокуратураи генералии Ҷумҳурии Тоҷикистон ду маротиба, 11 ва 13 феврали соли 2021 унвонии Прокуратураи генералии Федератсияи Россия дархости асоснок ирсол намуда, аз ҳабс озод намудани Абдуфаттоев Ф.А.- ро хоҳиш намуд», — илова намуд манбаъ.
6 июл бо қарори Прокурори ноҳияи Кугарчинскии Ҷумҳурии Бошқирдистон чораи пешгирӣ дар намуди ба ҳабс гирифтан нисбати Абдуфаттоев Ф.А. тағйир дода шуда, охирон аз ҳабс озод карда шуд.
Акс аз бойгонии АМИТ «Ховар»
ДАЪВАТИ ТИРАМОҲӢ. Дар шаҳри Бӯстон нақшаи даъвати ҷавонон ба хизмати ҳарбӣ 100 фоиз иҷро шуд
ДАЪВАТИ ТИРАМОҲӢ. Шаҳри Бохтар нақшаи даъвати тирамоҳиро 100 фоиз иҷро намуд
ХИЗМАТ БА ВАТАН–ШАРАФИ ҶАВОНМАРДӢ. Имрӯз дар Тоҷикистон Рӯзи даъватшаванда оғоз гардид
Барномаи нави ҳамкорӣ байни Прокуратураҳои генералии Тоҷикистон ва Русия ба имзо расид
Ҳабибулло Воҳидзода дар ҷаласаи 36-уми Шурои ҳамоҳангсозии прокурорҳои генералии кишварҳои аъзои ИДМ иштирок намуд
Дар Душанбе ҷаласаи навбатии Шурои вазирони корҳои дохилии давлатҳои аъзои ИДМ доир мегардад
Котиби Шурои амният Юсуф Раҳмон бо Вазири давлатии Вазорати мудофиаи Подшоҳии Муттаҳидаи Британияи Кабир ва Ирландияи Шимолӣ Вернон Коаке мулоқот намуд
Ҷаласаи Комиссияи даъвати ҷумҳуриявӣ оид ба омодагӣ ба даъвати тирамоҳии соли 2026 ба хизмати ҳарбӣ доир шуд
Кумитаи ҳолатҳои фавқулода ва мудофиаи гражданӣ: «Барои пешгирии оқибатҳои сел селроҳаҳо ва роҳҳои обгузарро пешакӣ тоза намоед»
ТОҶИКИСТОНИ СОҲИБИСТИҚЛОЛ — ПАЙВАНДГАРИ ТАМАДДУНИ ОРИЁӢ. Андешаҳо оид ба Анҷумани тоҷикон ва форсизабонони ҷаҳон – «Пайванд»
Низомиёни Тоҷикистон дар Форуми байналмилалии 13-уми Сяншани Пекин иштирок намуданд
Дар Тоҷикистон бо мақсади пешгирии ҳодисаҳои роҳу нақлиёт амалиёти «Автобус» оғоз гардид
