Бо супориши Эмомалӣ Раҳмон ба Вазири корҳои хориҷии Русия Сергей Лавров Нишони фахрии СААД супорида шуд
ДУШАНБЕ, 22.07.2021 /АМИТ «Ховар»/. Имрӯз Президенти Ҷумҳурии Тоҷикистон, Раиси Шӯрои амнияти дастаҷамъии Созмони Аҳдномаи амнияти дастаҷамъӣ муҳтарам Эмомалӣ Раҳмон бо Дабири кулли СААД Станислав Зас суҳбати телефонӣ анҷом доданд. Дар ин бора ба АМИТ «Ховар» аз хадамоти матбуоти СААД иттилоъ доданд.
Зимни суҳбат масъалаҳои мубрами фаъолияти ҷории Созмон ва рафти омодагӣ ба иҷлосияи дарпешистодаи Шӯрои амнияти дастаҷамъии СААД мавриди баррасӣ қарор гирифтанд.
Ҳамчунин имрӯз бо супориши Президенти Ҷумҳурии Тоҷикистон, Раиси Шӯрои амнияти дастаҷамъии СААД муҳтарам Эмомалӣ Раҳмон, Дабири кулли СААД Станислав Зас ба Вазири корҳои хориҷии Русия Сергей Лавров Нишони фахрии СААД дараҷаи I-ро супорид.
Инчунин Нишони фахрии СААД дараҷаи II ба муовини вазири корҳои хориҷии Русия Андрей Руденко тақдим карда шуд.
Қарор дар бораи сарфарозгардонии С. Лавров ва А. Руденко бо Нишони фахрӣ дар иҷлосияи моҳи декабри соли гузаштаи Шӯрои амнияти дастаҷамъӣ қабул гардид. Онҳо барои саҳми назаррасашон дар таҳкими амнияти дастаҷамъӣ, муқовимат бо чолишҳо ва таҳдидҳои муосир ва рушди ҳамкорӣ байни давлатҳои аъзои СААД сарфароз гардонида шуданд.
АКС: хадамоти матбуоти СААД
РУШДИ МАҚОМОТИ ПРОКУРАТУРАИ ҲАРБӢ. Эҳдо ба 35-солагии Истиқлолияти давлатии Тоҷикистон
ИМРӮЗ — РӮЗИ ГВАРДИЯИ МИЛЛИИ ТОҶИКИСТОН. Гвардияи миллӣ ба сохтори қудратманди ҳарбии таъйиноти махсус табдил ёфтааст
Даъвати тирамоҳии шаҳрвандони солҳои таваллуди 1999-2008 ба хизмати ҳарбӣ аз моҳи октябр оғоз мегардад
БА ИСТИҚБОЛИ 35-СОЛАГИИ ИСТИҚЛОЛИ ДАВЛАТИИ ҶУМҲУРИИ ТОҶИКИСТОН. Миллати тоҷбарсар ва Сарвари тамаддунофар
ПЕШВОИ МИЛЛАТ — ПУШТИБОНУ ҒАМХОРИ ЯТИМОН. Мулоҳизаҳо дар ин маврид
«Нозирони навраси ҳаракат»-и Тоҷикистон дар озмуни байналмилалӣ соҳиби ҷойи якум гардиданд
Бахшида ба ҷашни Истиқлоли давлатӣ бо иштироки кормандзанони мақомоти корҳои дохилӣ ҳамоиши идона доир гардид
Амнияти киберӣ яке аз муҳимтарин унсурҳои амнияти миллии Тоҷикистон мебошад
Ҳайати Тоҷикистон дар вохӯрии сеюми «Шабакаи занон GLO.ACT» иштирок менамояд
Дар ноҳияи Рӯдакӣ оид ба нақши шаҳрвандон дар таҳкими Истиқлоли давлатӣ ва ваҳдати миллӣ мулоқот доир гардид
«SOS». Барномаи мобилие, ки дар ҳолатҳои фавқулода ба шаҳрвандон кумак мерасонад
Тоҷикистон ва шарикони минтақавию байналмилалӣ ҳамкориро дар самти идоракунии хавфҳои иқлимӣ тақвият медиҳанд
