Бомбаи сайёр: табиб дар бораи паҳнкунандаҳои фавқулодаи коронавирус нақл кард

ДУШАНБЕ, 11.07.2021 /АМИТ «Ховар»/. Иван Коновалов, дотсенти Донишгоҳи миллии тадқиқоти тиббии Россия ба номи Н.Пирогов, табиби бемориҳои сироятии маркази «Диавакс» гуфт, ки кадом одамон метавонанд муддати дароз дигаронро бо коронавирус сироят кунонанд, хабар медиҳад АМИТ «Ховар» бо истинод ба «Sputnik Тоҷикистон».

«Баъзе одамони аз ҷиҳати генетикӣ нодир ҳастанд, ки системаи эминии онҳо нисбат ба мавҷудияти вирус таҳаммулпазир аст, онҳо вирусро нисбат ба дигарон зиёдтар ҷудо мекунанд», — гуфт духтур.

Вай афзуд, ки табибон чунин одамонро «паҳнкунандаҳои фавқулода» меноманд. Вазъият бо чунин беморон аз он ҷиҳат мураккаб аст, ки маъмулан онҳо бемориро бидуни нишона мегузаронанд.

«Онҳо аз ҷиҳати таносуби фоизӣ чандон зиёд нестанд, аммо онҳо вирусро ба одамони дигар интиқол ва албатта, ба раванди эпидемиологӣ рушди иловагӣ медиҳанд», — гуфт Коновалов зимни муколама бо ТАСС.

Табиби амрози дохилӣ, пулмонолог Алексей Никишенков, ки бо беморони «минтақаи сурх» кор мекунад, зикр кард, ки бемори коронавирус маъмулан сироятро то 10 рӯз паҳн мекунад.

Коршинос илова кард, ки одатан барои вирус якчанд рӯз лозим аст, ки дар бадан як навъ ҳаҷм пайдо ва ба паҳншавӣ шурӯъ намояд.

Никишенков илова кард, ки дар ҳолати вобаста ба гунаи «делта» давраи инкубатсионии он метавонад зиёдтар шавад.

АКС аз «Sputnik» / Сергей Пятаков