Дар маҳаллаи 20-уми шаҳри Кӯлоб мактаби замонавӣ ба истифода дода мешавад

Июль 5, 2021 16:22

КӮЛОБ, 05.07.2021 /АМИТ «Ховар»/. Бахшида ба ҷашни 30-солагии Истиқлоли давлатии  Ҷумҳурии Тоҷикистон  дар маҳаллаи 20-уми шахри Кӯлоб мактаб барои 624 хонанда сохта ба истифода дода мешавад, ки маблағи умумии он 20 миллиону 158 ҳазору 580 сомониро дар бар мегирад. Айни ҳол корҳои сохтмонии бинои мактаби мазкур   ба 92% расонида шудааст.

Директори Маркази  ҳамоҳангсози лоиҳаҳо  оид ба таҷдид  ва рушди  иншооти  инфраструктураи  иҷтимоӣ  дар шаҳри Кӯлоб  Нурулло Назарзода ба хабарнигори АМИТ «Ховар» иттилоъ дод,  ки  фармоишгари  иншооти мазкур  Маркази  ҳамоҳангсозии лоиҳаҳо  оид ба таҷдид ва  рушди  иншооти  инфраструктураи иҷтимоӣ буда, аз ҳисоби маблағҳои Ҳукумати Ҷумҳурии Тоҷикистон ба воситаи Вазорати  молияи Ҷумҳурии Тоҷикистон маблағгузорӣ карда мешавад. Лоиҳакаш ҶСК  «Шарофар» буда,  пудратчии иншоот ҶДММ «Назри-И»  мебошад.

Манбаъ афзуд, ки сохтмони  марҳилаи  дуюми  иншооти мазкур  соли 2020 оғоз гардида, дар он сохтмони  1 толори маҷлисгоҳ, 1 толори варзишӣ, 1 ошхона, утоқи дузандагӣ ва пазандагӣ барои духтарон  ва утоқи дуредгарӣ  барои писарон,  утоқи муовини директор ва  ду утоқ барои  либосивазкунии хонандагон ба итмом расидааст. Айни ҳол дар иншоот  корҳои рангу бори дохили бино  ва кашидани хатҳои обу гармидиҳӣ иҷро карда шудааст ва дар ин ишоот аз ҳисоби  кормандони маҳаллӣ 15 нафар кор ҷалб гардидаанд.

Марҳилаи дуюми иншоот дар арафаи  ҷашни 30-солагии Истиқлоли Ҷумҳурии Тоҷикистон мавриди истифода қарор дода мешавад. Гуфта шуд, ки аз ҷониби  Маркази ҳамоҳангсозии лоиҳаҳо  оид ба таҷдид  ва рушди  иншооти  инфраструктураи  иҷтимоӣ дар шаҳри Кӯлоб  иншооти  9 ошёнаи 36 ҳуҷрадор ба маблағи 16 миллиону 500 ҳазор сомонӣ дар арафаи анҷомёбӣ буда, дар оянда барқарор намудани девор ва дарвозаи  қалъаи Ҳулбук, сохтмони муассисаи томактабии  замонавӣ  дар Ҷамоати  деҳоти Зарбдор деҳаи Зарбдор, барқароркунии  қалъаи бостонии Кӯлоб, сохтмони  муассисаи  томактабии замонавӣ дар шаҳри Кӯлоб ва  сохтмони девори  гирди қалъаи Кӯлоб  ва азнавсозии чашмаҳо  дар назар дошта шудааст.

АКС: АМИТ «Ховар»

Июль 5, 2021 16:22

Хабарҳои дигари ин бахш

ОСОРХОНАИ ТАЪРИХИИ ШАҲРИ ДУШАНБЕ. Ҳафт калиди тиллоии рамзии он ишора ба ҳафт шаҳри қаламрави имрӯзаи Тоҷикистон аст
БА ИСТИҚБОЛИ 30-СОЛАГИИ ИҶЛОСИЯИ XVI ШӮРОИ ОЛӢ. Адолат Раҳмонова: «Бузургӣ ва марди худодод будани Эмомалӣ Раҳмон аз ҳамон лаҳзаҳо аллакай ҳувайдо буд»
ЭҲЁ ВА РУШДИ ЗАБОНИ ДАВЛАТӢ ДАР ПАРТАВИ СИЁСАТИ ФАРҲАНГИИ ПЕШВОИ МИЛЛАТ. Ба Рӯзи забони давлатии Ҷумҳурии Тоҷикистон бахшида мешавад
ҲАДИСИ МУСАВВАР. Роҳи мошингарди деҳаи Ориёно то шаҳраки Москваи ноҳияи Мир Сайид Алии Ҳамадонӣ мумфарш мегардад
БА ИСТИҚБОЛИ ҶАШНИ 35-СОЛАГИИ ИСТИҚЛОЛИЯТИ ДАВЛАТӢ. Дар ноҳияи Рашт 5 бунгоҳи тиббӣ мавриди истифода қарор гирифт
Дар ноҳияи Дарвоз муҷассамаҳои арбобони шинохтаи санъати тоҷик гузошта мешаванд
БА ИСТИҚБОЛИ ҶАШНИ 35-СОЛАГИИ ИСТИҚЛОЛИЯТИ ДАВЛАТӢ. Дар Шаҳринав мумфаршкунии роҳҳо оғоз гардид
Дар ноҳияи Роштқалъа бинои Маркази таъминоти бехатарии озуқаворӣ ба истифода дода шуд
БА ИСТИҚБОЛИ 35-СОЛАГИИ ИСТИҚЛОЛИЯТИ ДАВЛАТӢ. Дар Сангвор 65 иншооти дорои таъйиноти гуногун ба истифода дода мешаванд
Дар маркази ноҳияи Мурғоб майдони Парчам ва Нишони давлатӣ сохта мешавад
35-СОЛАГИИ ИСТИҚЛОЛИЯТИ ДАВЛАТӢ. Ба пешвози ин ҷашн дар шаҳри Кӯлоб 462 иншоот бунёд мешаванд
Бахшида ба 35-солагии Истиқлолияти давлатӣ дар Бадахшон бунёди 876 иншоот ба нақша гирифта шудааст