Дастаи мунтахаби духтарони навраси Тоҷикистон бар дастаи миллии Афғонистон бо ҳисоби 5: 2 пирӯз шуд

ДУШАНБЕ, 07.07.2021 /АМИТ «Ховар»/.  Дар даври дуюми чемпионати CAFA-2021 дастаи мунтахаби духтарони навраси Тоҷикистон (U-17) бар дастаи миллии Афғонистон бо ҳисоби 5: 2 пирӯз шуд. Дар ин бора АМИТ «Ховар» бо истинод ба Федератсияи футболи Тоҷикистон хабар медиҳад.

Дастаи мунтахаби духтарони навраси то 17-солаи Тоҷикистон – «U-17» таҳти роҳбарии сармураббӣ Изатулло Исҳоқов аввалин пирӯзиро дар чемпионати Ассотсиатсияи футболи Осиёи Марказӣ, ки дар Душанбе ҷараён дорад, ба даст овард.

Ғолиби чемпионати футболи Осиёи Марказӣ дар байни дастаҳои хурди Осиё то 17 сол рӯзи чоршанбе, 7 июли соли равон баргузор мегардад.

Дар даври сеюм соати 18:00, футболбозони Ӯзбекистон бо Афғонистон ва  Тоҷикистон бо Эрон соати 20:45 бозӣ  анҷом медиҳанд.

АКС аз ФФТ