Дастаи мунтахаби Тоҷикистон оид ба футзал ба шаҳри Бангкоки Тайланд сафар намуд
ДУШАНБЕ, 22.07.2021 /АМИТ «Ховар»/. Дастаи мунтахаби футзали Тоҷикистон таҳти роҳбарии сармураббӣ Пайрав Воҳидов барои иштирок дар Мусобиқаи байналмилалии «Continental Futsal Championship 2021», ки аз 25 то 30 июл баргузор мешавад, ба шаҳри Бангкоки Тайланд сафар кард. Дар ин бора шореҳи варзиши АМИТ «Ховар» Меҳрони Қурбон бо истинод ба Федератсияи футболи Тоҷикистон иттилоъ медиҳад.
Дастаи мунтахаби Тоҷикистон якҷоя бо 14 бозингар ба Тайланд рафт. Хотиррасон мешавем, ки дастаи мунтахаби Тоҷикистон дар гурӯҳи «В» бо дастаҳои мунтахаби Миср (25 июл), Эрон (26 июл) ва Литва (27 июл) бозӣ мекунад. Дар гурӯҳи А дастаҳои мунтахаби Таиланд, Ӯзбекистон, Косово ва Мозамбик рақобат мекунанд. Тибқи дастури мусобиқаи «Continental Futsal Championship 2021», аз рӯи натиҷаҳои марҳилаи гурӯҳӣ, ду даста ба даври нимниҳоӣ роҳ меёбанд. Дастаҳое, ки ба даври ½-ниҳоӣ роҳ ёфта наметавонанд, дар бозиҳои такрорӣ барои ҷойҳои 5-8 бозӣ мекунанд.
Ҳайати дастаи мунтахаби футзали Тоҷикистон барои иштирок дар мусобиқаи «Continental Futsal Championship 2021»:
Дарвозабонҳо: Фирӯз Бекмуродов, Нуриддин Ҷабборов;
Бозингарон: Некрӯз Алимаҳмадов, Файзалӣ Сардоров, Идрис Ёров, Муҳаммадҷон Шарифов, Муҳаммад Раҷабов, Фаридун Неъматов, Дилшод Саломов, Рустам Ҳамидов, Умед Кузиев, Иқбол Воситзода, Бахтиёр Солиев «.
Сармураббӣ — Пайрав Воҳидов.
Дастаи мунтахаби наврасони Тоҷикистон дар Дубай се бозии дӯстона анҷом медиҳад
БАРНОМАИ РУШДИ ФУТБОЛ ДАР ТОҶИКИСТОН. Беш аз 15 ҳазор наврасон ба тамрини футбол фаро гирифта шуданд
Шурои мураббиёни ФФТ натиҷаи фаъолияти дастаҳоро ҷамъбаст ва нақшаҳои соли 2027-ро баррасӣ намуд
Варзишгари тоҷик Фатҳулло Одинаев дар марафони байналмилалии Ню-Йорк иштирок намуд
Ҳафт паҳлавони тоҷик дар Чемпионати ҷаҳон оид ба гӯштини кураш дар Қазоқистон иштирок менамоянд
Дастаи миллии Тоҷикистон оид ба футзал бо дастаи мунтахаби Узбекистон бозиҳои дӯстона анҷом медиҳад
Дар ноҳияи Абдураҳмони Ҷомӣ Мусобиқаи кушод оид ба гӯштини тарзи озод байни наврасон оғоз гардид
Наврасони Тоҷикистон баъди ғалаба дар дивизиони «D» дар Боку ба Ватан баргаштанд
Президенти Кумитаи паралимпии Осиё ба натиҷаи иштироки дастаи мунтахаби Тоҷикистон дар Бозиҳои паралимпии Осиё баҳои баланд дод
Дар деҳаи Варзоб — Қалъаи ноҳияи Варзоб майдончаи варзишӣ ба истифода дода шуд
Дастаи мунтахаби наврасони Тоҷикистон (U-17) бозии дуюми дӯстонаро бо Қатар мусовӣ анҷом дод
Дастаи мунтахаби наврасони Тоҷикистон (U-15) дар Чемпионати ҷаҳон-2026 оид ба футбол бар тимҳои Бермуд ва Филиппин пирӯз шуд
