ФУТБОЛ. Пагоҳ дастаҳои «Истиқлол»-и Душанбе ва «Хатлон»-и Бохтар байни ҳам рақобат мекунанд

Июль 14, 2021 16:50

ДУШАНБЕ, 14.07.2021 /АМИТ «Ховар»/. Пагоҳ  бозии мавқуфмондаи даври 4-уми Чемпионати Тоҷикистон   миёни дастаҳои футболи  «Истиқлол»-и шаҳри Душанбе  ва  «Хатлон»-и  шаҳри Бохтар   сурат мегирад ва сипас то 7 август дастаҳои Лигаи олӣ ба танаффус мераванд.

Чанд рӯз пеш бозиҳои  даври сездаҳуми Чемпионати Тоҷикистон оид ба футбол миёни дастаҳои Лигаи олӣ дар варзишгоҳҳои мамлакат дар сатҳи баланд   баргузор шуданд. Дар ин бора аз Федератсияи футболи Тоҷикистон ба АМИТ «Ховар»   хабар доданд.

Дар ин давр дастаи футболи  «Равшан»-и шаҳри Кӯлоб   дар сафар бар дастаи «Хатлон»-и шаҳри Бохтар ва «Хуҷанд» дар майдони худ бар дастаи футболи  «Истаравшан»-и шаҳри Истарвшан бо ҳисоби 1:0 ғалаба карданд. Голи дастаи дастаи «Равшан»-ро Анвар Муродов ва голи дастаи футболи  «Хуҷанд»-ро Абдулмуъмин Забиров ба нишон расониданд.

Се бозии дигари давр бо чунин натиҷа хотима ёфтанд: дастаи футболи  «Эсхата»-и шаҳри Хуҷанд дар майдони худ дастаи «Файзканд»-и ноҳияи Восеьро бо ҳисоби 1:0 шикаст дод. Голи ягонаро Мубинҷон Муъминов ба ҳадаф расонд. Пас аз ин ғалаба дастаи футболи «Эсхата» ба ҷои дуюми ҷадвал баромад. Дар бозии дигар дастаи футболи  «Душанбе»-и шаҳри Душанбе бар дастаи «Кӯктош»-и ноҳияи Рӯдакӣ бо ҳисоби 2:1 пирӯз шуд. Бозингари дастаи  «Кӯктош» Амирҷон Сафаров дар дақиқаи 7-ум ҳисобро кушод. Мизбонон тавассути Иззатулло Рӯзиев ва Амир Меъморӣ ду гол заданд. Бозӣ миёни дастаҳои КМВА – «Истиқлол»-и шаҳри Душанбе бидуни гол (0:0) анҷом ёфт.

Ёдовар мешавем, ки бозиҳои даври чордаҳуми Чемпионати Тоҷикистон оид ба футбол миёни дастаҳои Лигаи олӣ 7-8 августи соли равон баргузор мешаванд. Дар ин давр дастаҳои футболи КМВА бо «Хатлон»-и шаҳри Бохтар, «Истаравшан»-и шаҳри Истаравшан бо   «Эсхата»-и шаҳри Хуҷанд, «Истиқлол»-шаҳри Душанбе бо «Файзканд»-и ноҳияи Восеъ, «Кӯктош»-и ноҳияи Рӯдакӣ бо  «Хуҷанд»-и шаҳри Хуҷанд ва «Равшан»-и шаҳри Кӯлоб бо «Душанбе»-и шаҳри Душанбе  байни ҳам бозӣ мекунанд.

Июль 14, 2021 16:50

Хабарҳои дигари ин бахш

ФУТБОЛ. Қуръакашии тақвими Чемпионати Тоҷикистон-2025 баргузор гардид
Рӯзи ҷаҳонии футбол дар Варзишгоҳи марказии шаҳри Душанбе бо иштироки беш аз 500 кӯдак таҷлил мегардад
10 феврал марҳилаи ниҳоии Ҷоми Федератсияи футболи Тоҷикистон-2025 оғоз мешавад
Тоҷикистон ва Чин ҳамкориро дар самти кор бо ҷавонон ва рушди соҳаи варзиш тақвият медиҳанд
Федератсияи футболи Тоҷикистон ҷиҳати иҷрои барномаи «Fifa Talent Development Scheme» силсиламашварат доир намуд
«ГРАНД СЛАМ ДУШАНБЕ-2025». Ин мусобиқаи бонуфуз моҳи май баргузор мегардад
Ширкати «Париматч» дар Тоҷикистон бо як сафир шартномаро тамдид карда, сафири нав қабул намуд
НИШАСТИ МАТБУОТӢ. Соли 2024 варзишгарони ноҳияи Шоҳмансур соҳиби 111 медали тилло гардиданд
НИШАСТИ МАТБУОТӢ. Донишкадаи тарбияи ҷисмонии Тоҷикистон бо 35 донишгоҳи хориҷи дуру наздик ҳамкорӣ менамояд
ЧЕМПИОНАТИ CAFA-2025. Дастаи мунтахаби занонаи футзали Тоҷикистон бо дастаи Қирғизистон бозӣ мекунад
Дар Мусобиқаи байналмилалии «Grand Slam»-и шаҳри Боку аз Тоҷикистон шаш варзишгар иштирок менамояд
Варзишгарони тоҷик дар Бозиҳои навбатии зимистонаи осиёӣ дар Ҳарбини Чин иштирок мекунанд