ФУТЗАЛ. Тоҷикистон дастаи мунтахаби Литваро бо ҳисоби калон мағлуб намуд
ДУШАНБЕ, 27.07.2021 /АМИТ «Ховар»/. Дастаи мунтахаби футзали Тоҷикистон дар Мусобиқаи байналмилалии «Continental Futsal Championship 2021» дар шаҳри Бангкок аввалин ғалаба ба даст овард. Дар бозии ниҳоии марҳилаи гурӯҳӣ дар гурӯҳи В дастаи мунтахаби Тоҷикистон оид ба футзал бар дастаи мунтахаби Литва бо ҳисоби калони 9:2 пирӯзӣ ба даст овард. Дар ин бора шореҳи варзиши АМИТ «Ховар» Меҳрони Қурбон бо истинод ба Федератсияи футболи Тоҷикистон иттилоъ медиҳад.
Дар ҳайати дастаи мунтахаби Тоҷикистон Файзалӣ Сардоров 6 гол зад. Голҳои дигарро Рустам Ҳамидов, Дилшод Саломов ва дарвозабон Фирӯз Бекмуродов ба нишон расониданд. Пас аз ин пирӯзӣ дастаи мунтахаби Тоҷикистон бо гирифтани се хол имкони ба нимфинал баромаданро нигоҳ медорад.
Хотиррасон мешавем, ки имрӯз дастаҳои мунтахаби Эрон ва Миср дар бозии дигари гурӯҳи «В» байни ҳам бозӣ мекунанд.
Мусобиқаи байналмилалии «Continental Futsal Championship 2021» дар Бангкок
Гурӯҳи «В»
Даври 3-юм
Тоҷикистон – Литва – 9:2
Голҳои Тоҷикистон: Файзалӣ Сардоров (6), Рустам Ҳамидов, Дилшод Саломов, Фирӯз Бекмуродов.
Акс аз ФФТ
Мусобиқаи 15-уми байналмилалӣ оид ба теннис дар Душанбе идома дорад
Мусобиқаи байналмилалӣ оид ба теннис барои дарёфти Ҷоми Президенти Ҷумҳурии Тоҷикистон оғоз меёбад
«Регар-ТадАЗ» бори ҳаштум барандаи Ҷоми Тоҷикистон-2025 оид ба футбол шуд
Имрӯз бозии ниҳоии Ҷоми Тоҷикистон-2025 оид ба футбол баргузор мегардад
«Мактаб-интернати таҳсилоти умумии ҷумҳуриявии тамоюли варзишӣ ба номи Иброҳим Ҳасанов» баъд аз таъмири куллӣ ба истифода дода шуд
Ҷудочии тоҷик Рошид Неъматов дар Чемпионати Осиё байни наврасон медали тилло ба даст овард
Шамшербозони навраси тоҷик нахустин маротиба дар Ҷоми Осиё соҳиби медали биринҷӣ шуданд
Варзишгари тоҷик Мадина Қурбонзода дар Чемпионати Осиё соҳиби медали тилло гардид
ҶОМИ ОСИЁ-2026. Дастаи мунтахаби олимпии Тоҷикистон (U-23) бо тими олимпии Филиппин бозӣ менамояд
ҶОМИ ОСИЁ-2026. Дастаи мунтахаби олимпии Тоҷикистон (U-23) марҳилаи интихобиро бо пирӯзӣ бар Непал оғоз кард
«CAFA Nations Cup 2025». Имрӯз дастаи мунтахаби Тоҷикистон бо тими Эрон бозӣ мекунад
