Хоруғ: Ёдгор Файзов ва Насрулло Маҳмудзода бо корҳои таъмиру навсозии иншооти ҷашнӣ шинос шуданд
ХОРУҒ, 14.07.2021 /АМИТ «Ховар»/. Дар доираи тантанаҳои ҷашнӣ ба истиқболи 30-юмин солгарди Истиқлоли давлатии Ҷумҳурии Тоҷикистон дар шаҳру ноҳияҳои Вилояти Мухтори Кӯҳистони Бадахшон корҳои ободониву созандагӣ авҷи устувор дошта, бунёди якчанд иншооти дорои аҳамияти иқтисодиву иҷтимоӣ идома дорад. Бо мақсади аз наздик шинос шудан бо ҷараёни корҳои сохтмонӣ дар иншооти ҷашнӣ Раиси Вилояти Мухтори Кӯҳистони Бадахшон Ёдгор Файзов, Котиби Шӯрои амнияти Ҷумҳурии Тоҷикистон Насрулло Маҳмудзода аз ин иншоот дидан намуда, барои вусъати корҳои сохтмонӣ ба бинокорон маслиҳатҳои судманд доданд.
Дар доираи расидан ба яке аз ҳадафҳои созандаи давлату Ҳукумати Ҷумҳурии Тоҷикистон- истиқлоли энергетикии мамлакат дар маркази маъмурии ВМКБ- шаҳри Хоруғ аз ҷониби ширкати барқии “Помир Энерҷӣ” бунёди зеристгоҳи хати интиқоли барқи 110-киловолта, ки барои фаъолияти минбаъдаи неругоҳи барқӣ заминаи боэътимод мегузорад, идома дорад. Зеристгоҳ дар назди бинои асосии Неругоҳи барқи обии “Хоруғ” сохта шуда, таҳкурсии асосӣ барои пайванд намудани неругоҳҳои ҳудуди вилоят ба шабакаи ягонаи энергетикии ҷумҳурӣ дониста мешавад. Бо бунёд гардидани зеристгоҳи мазкур дастрасии аҳолӣ ба барқи хушсифат зиёд гардида, таъмини доимии сокинони шаҳру ноҳияҳои вилоят бо неруи барқ дар фасли зимистон имконияти бештар фароҳам меорад. Зеристгоҳи хати интиқоли барқ дар арафаи ҷашни муқаддас- 30-солагии Истиқлоли давлатии Ҷумҳурии Тоҷикистон мавриди баҳрабардорӣ қарор мегирад.
Соли равон бинои Кохи ҷавонон пурра навсозӣ гардида, дар баробари 3 ошёна боз ошёнаи чаҳорум сохта шуд, ки аз 6 утоқи иловагии корӣ иборат аст. Дар канори он гурӯҳи коргарони Ҷамъияти масъулияташ маҳдуди «Дамир» ба навсозии бинои Маркази саломатии шаҳри Хоруғ машғул мебошанд. Барои таъмиру навсозии ин бино Вазорати тандурустӣ ва ҳифзи иҷтимоии аҳолии Ҷумҳурии Тоҷикистон 700 ҳазор сомонӣ ихтисос додааст.
Котиби Шӯрои амнияти Ҷумҳурии Тоҷикистон бо ҷараёни таъмиру таҷдиди варзишгоҳи марказӣ, Маркази саломатӣ ва Кохи ҷавонони шаҳри Хоруғ аз наздик шинос шуда, бо роҳбарони ширкатҳои сохтмонӣ ва коргарон дар мавриди суръат ва сифати корҳои сохтмонӣ суҳбат намуд. Ҳарсе иншоот таъмир ва навсозӣ шуда, дар остонаи ҷашни 30-солагии истиқлоли давлатӣ ба истифода дода мешаванд.
35-СОЛАГИИ ИСТИҚЛОЛИ ДАВЛАТӢ. Дар ноҳияи Данғара иншооти таъйиноти гуногун ба истифода дода шуданд
Пешвои миллат Эмомалӣ Раҳмон дар деҳоти Булёни поёни ноҳияи Данғара Муассисаи таълимии томактабии «Дурахшон»-ро ифтитоҳ намуданд
Сарвари давлат Эмомалӣ Раҳмон дар деҳаи Булёни поёни деҳоти Хуррамшаҳри ноҳияи Данғара Муассисаи таҳсилоти миёнаи умумии №11-ро ба истифода доданд
Дар Женева 33-солагии Истиқлолияти давлатии Ҷумҳурии Тоҷикистонро ҷашн гирифтанд
Президенти Тоҷикистон Эмомалӣ Раҳмон дар деҳаи Навободи деҳоти Исмат Шарифови ноҳияи Данғара Муассисаи таҳсилоти миёнаи умумии №86-ро мавриди истифода қарор доданд
Пешвои миллат Эмомалӣ Раҳмон дар ноҳияи Данғара Муассисаи таълимии томактабии №8-ро ифтитоҳ намуданд
Пешвои миллат Эмомалӣ Раҳмон дар деҳаи Булёни болои ноҳияи Данғара бинои Муассисаи таҳсилоти миёнаи умумии рақами 15-ро ба истифода доданд
Сарвари давлат Эмомалӣ Раҳмон бо фаъолияти Хоҷагии деҳқонии «Саодатшо» ва дастовардҳои кишоварзии ноҳияи Данғара шинос шуданд
Президенти Тоҷикистон Эмомалӣ Раҳмон роҳи мошингарди Ҳусеншайх – Хуррамзамини ноҳияи Данғараро ба истифода доданд
Сарвари давлат Эмомалӣ Раҳмон дар деҳаи Алиҷони деҳоти Пушинги ноҳияи Данғара Муассисаи таҳсилоти миёнаи умумии №24-ро мавриди истифода қарор доданд
Президенти Тоҷикистон Эмомалӣ Раҳмон дар деҳаи Алиҷони деҳоти Пушинги ноҳияи Данғара Муассисаи томактабии «Ворисон»-ро ифтитоҳ намуданд
Пешвои миллат Эмомалӣ Раҳмон дар деҳаи Ғиҷоваки ноҳияи Данғара бо рафти корҳои сохтмонии марҳилаи дуюми корхонаи «Муосир» шинос шуданд
