Лоиҳаи Изҳороти сарони кишварҳои узви ИДМ дар соҳаи амнияти биологӣ таҳия мешавад
ДУШАНБЕ, 28.07.2021 /АМИТ «Ховар»/. Кишварҳои узви Иттиҳоди Давлатҳои Мустақил ҳамкориро дар соҳаи амнияти биологӣ тақвият медиҳанд. Бо ин мақсад дар ИДМ лоиҳаҳои Изҳороти сарони давлатҳои аъзои Иттиҳоди Давлатҳои Мустақил дар бораи ҳамкорӣ дар соҳаи амнияти биологӣ ва Изҳороти муштараки вазирони корҳои хориҷӣ оид ба таҳкими Конвенсия дар бораи манъи силоҳҳои биологӣ ва заҳрдор (токсинӣ) таҳия мешаванд. Дар ин бора АМИТ «Ховар» бо истинод ба хадамоти матбуоти Кумитаи иҷроияи ИДМ хабар медиҳад.
Ҳуҷҷатҳо қаблан дар ҷаласаҳои гурӯҳҳои коршиносон баррасӣ карда шуданд. Дар муҳокимаи онҳо намояндагони Арманистон, Беларус, Қазоқистон, Қирғизистон, Русия, Тоҷикистон, Узбекистон ва Кумитаи иҷроияи ИДМ ширкат варзиданд.
Қабули ҳуҷҷатҳо имкон медиҳад, ки некӯаҳволии санитарию эпидемиологии аҳолӣ, ҳифзи саломатӣ аз таъсири омилҳои хатарноки биологӣ, инчунин назорати хатарҳои биологӣ, ки яке аз самтҳои афзалиятноки сиёсати давлатӣ дар кишварҳои ИДМ мебошад, таъмин карда шавад.
Конвенсия дар бораи манъи таҳия, истеҳсол ва захираи силоҳи бактериологӣ (биологӣ) ва токсин ва нобудсозии онҳо аз ҷониби иҷлосияи 26-уми Ассамблеяи Генералии СММ 16 декабри соли 1971 тасдиқ карда шуда, 26 марти соли 1975 эътибор пайдо кард.
Он бемуҳлат амал мекунад ва унсури муҳими системаи амнияти байналмилалӣ маҳсуб мешавад. Дар муқаддимаи Конвенсия иштирокдорони он азми худро барои расидан ба дастовардҳои самаранок дар самти яроқпартоии умумӣ ва пурра, аз ҷумла манъ ва нест кардани ҳама намудҳои силоҳи қатли ом изҳор доштаанд.
АКС аз бойгонии АМИТ «Ховар»
Маркази матбуоти Вазорати корҳои дохилии Ҷумҳурии Тоҷикистон хабар медиҳад
Дар Душанбе корхонаи ғайриқонунии истеҳсоли доруворӣ ошкор гардид
Натиҷаҳои даъвати шаҳрвандон ба сафи Қувваҳои Мусаллаҳи Тоҷикистон ҷамъбаст гардиданд
ФАРЗАНДОНИ ХУДРО БЕНАЗОРАТ НАГУЗОРЕД! Ҳангоми шиноварӣ қоидаҳои бехатариро бояд риоя намуд
Ҳайати Тоҷикистон дар ҷаласаи вазирони корҳои дохилии давлатҳои аъзои СҲШ дар Бишкек иштирок намуд
Тоҷикистон ва Эрон ҳамкориро дар самти мубориза бар зидди ҷиноятҳои муташаккили фаромиллӣ тақвият мебахшанд
Эмомалӣ Собирзода дар ҷаласаи Шурои вазирони мудофиаи кишварҳои аъзои Созмони Аҳдномаи амнияти дастҷамъӣ иштирок кард
РӮЗИ КОРМАНДОНИ МАҚОМОТИ НАЗОРАТИ МАВОДИ НАШЪАОВАР. Ба ин муносибат ҷаласаи тантанавӣ баргузор гардид
Таҳти унвони «Нақши зеҳни сунъӣ дар рушди Қувваҳои Мусаллаҳ» конференсияи ҷумҳуриявии илмӣ-ҳарбӣ доир шуд
Раёсати ВКД дар вилояти Хатлон: «Таътили тобистона бояд ба давраи тарбия, донишандӯзӣ ва истироҳати солим табдил ёбад»
Юсуф Раҳмон дар Форуми байналмилалии амният ва Вохӯрии байналмилалии намояндагони воломақом иштирок намуд
РӮЗИ ҚӮШУНҲОИ САРҲАДӢ. Афсарону сарбозони ин ниҳод рисолати фарзандии худро дар назди Ватан – Модар ва халқу давлат бо сарбаландӣ адо менамоянд
