Мақолаи Раиси Маҷлиси миллӣ, Раиси шаҳри Душанбе Рустами Эмомалӣ дар маҷаллаи «World Tourism Cities» ба нашр расид
ДУШАНБЕ, 27.07.2021 /АМИТ «Ховар»/. Бо ибтикори Сафорати Тоҷикистон дар Ҷумҳурии Мардумии Чин маҷаллаи маъруфи “World Tourism Cities”-и Федератсияи ҷаҳонии шаҳрҳои сайёҳӣ (WTCF) қисмати асосии шумораи навбатии худро ба Ҷумҳурии Тоҷикистон ва пойтахти зебои он — шаҳри Душанбе бахшидааст. Маҷалла бо мақолаи Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ оғоз ёфта, дар он сухан дар бораи дастовардҳои беназири пойтахт дар ҷодаи ободонӣ, рушди робитаҳои судманди ҳамкорӣ ва бародаршаҳрӣ бо шаҳрҳои дигари ҷаҳон, аз ҷумла узвияти шаҳри Душанбе дар Федератсияи ҷаҳонии шаҳрҳои сайёҳӣ (WTCF) меравад.
Тавре аз мақомоти иҷроияи ҳокимияти давлатии шаҳри Душанбе ба АМИТ «Ховар» хабар доданд, маҷаллаи мазкур дар ҳошияи се ҷанбаи асосӣ: 30-солагии Истиқлолияти давлатии Ҷумҳурии Тоҷикистон; кишвари дорои имкониятҳои фарогир дар соҳаи сайёҳӣ будани Ватани мо ва давраи Раёсати Ҷумҳурии Тоҷикистон дар Созмони ҳамкории Шанхай, ки ба 20-солагии таъсисёбии Созмон рост меояд, роҷеъ ба кишвари мо маводи хонданбоб бо забонҳои чинӣ ва англисӣ ба табъ расонидааст.
Дар маҷалла ҳамчунин мақолаи Раиси Кумитаи рушди сайёҳии назди Ҳукумати Ҷумҳурии Тоҷикистон Тоҷиддин Ҷӯразода оид ба муаррифии имкониятҳои сайёҳии кишварамон бо аксу мусаввараҳои табиати нодири Тоҷикистон ва бозгӯяндаи дастовардҳои шаҳрдорӣ оид ба ободу зебо намудани пойтахти Ватанамон — шаҳри Душанбе нашр шудааст.
Дар мусоҳиба бо маҷалла Муовини Сафири Тоҷикистон дар Чин, Намояндаи доимии Ҷумҳурии Тоҷикистон дар назди Котиботи Созмони ҳамкории Шанхай Муҳаммад Эгамзод роҷеъ ба омодагии шаҳри Душанбе ба истиқбол, пазироӣ ва баргузор намудани Саммити ҷашнии сарони давлатҳои аъзои СҲШ, ки қарор аст 16-17 сентябри соли равон дар пойтахти Тоҷикистон доир гардад, изҳори назар намудааст.
Ёдовар мешавем, ки маҷаллаи маъруфи “World Tourism Cities” бо забонҳои чинӣ ва англисӣ нашр шуда, дар зиёда аз 130 шаҳри сайёҳии 75 кишвари ҷаҳон паҳн мегардад.
Дар шаҳри Душанбе Ниммарафони XVI байналмилалӣ баргузор мегардад
«ХАТЛОН — САРЗАМИНИ ТАМАДДУНҲО ВА САЁҲАТ». Дар ноҳияи Муъминобод Форум ва намоиши байналмилалии сайёҳӣ доир мегардад
«ПАРЧАМИ ИФТИХОР ДАР ҲАР ХОНА». Дар Хуҷанд таҳти чунин унвон иқдоми худшиносӣ амалӣ мегардад
«DUSHANBE GRAND SLAM 2026». Аз 1 то 3 май дар Душанбе Мусобиқаи байналмилалӣ оид ба ҷудо доир мешавад
СОЛИ ОБОДОНИЮ СОЗАНДАГӢ. Дар Ҷамоати деҳоти Урметани ноҳияи Айнӣ ду пойгоҳи обкашӣ ба истифода дода шуд
Дар Донишгоҳи давлатии ҳуқуқ, бизнес ва сиёсати Тоҷикистон оид ба рушди илми ҳуқуқшиносӣ ҳамоиш доир шуд
Дар Душанбе Ситод оид ба назорати истеҳсол ва сари вақт харидани либосҳои мактабӣ таъсис дода шуд
ОБОД СОХТАНИ ВАТАН ИБОДАТ АСТ! Соҳибкорони ҳимматбаланди ватанӣ Мактаби президентии ноҳияи Темурмаликро сохтанд
СОЛИ ВУСЪАТ ДОДАНИ КОРҲОИ ОБОДОНИВУ СОЗАНДАГӢ. Дар Панҷакент 200 иншооти ҷашнии иловагӣ сохта мешавад
Дар ноҳияи Тоҷикобод Боғи интенсивии «35-солагии Истиқлолият» таъсис дода мешавад
«ДАВЛАТМАРД». Бахшида ба 35-солагии Истиқлоли давлатӣ китоби Далер Абдулло ба нашр расид
ОБОД СОХТАНИ ВАТАН ИБОДАТ АСТ! Соҳибкори саховатпеша 30 ҳазор нафар аҳолии Темурмаликро бо оби нӯшокӣ таъмин намуд
