Натиҷаҳои пешакии барӯйхатгирии аҳолӣ ва фонди манзил дар шашмоҳаи дуюми соли равон ҷамъбаст мешаванд
ДУШАНБЕ, 31.07.2021 /АМИТ «Ховар»/. Натиҷаҳои пешакии барӯйхатгирии аҳолӣ ва фонди манзил дар шашмоҳаи дуюми соли равон ҷамъбаст ва пас аз мувофиқа бо Президенти Ҷумҳурии Тоҷикистон расман нашр карда мешаванд. Натиҷаи асосии барӯйхатгирии аҳолӣ бо назардошти коркарди сканерии маводи он шурӯъ аз семоҳаи чоруми соли равон ва солҳои 2022-2023 ба даст оварда мешавад.
Дар ин бора 30 июл директори Агентии омори назди Президенти Ҷумҳурии Тоҷикистон Гулнора Ҳасанзода зимни нишасти матбуотӣ ба хабарнигорон иттилоъ дод.
Мавсуф зикр намуд, ки афзоиши табиии аҳолӣ аз рӯи маълумоти пешакӣ дар шашмоҳаи аввали соли равон нисбат ба ҳамин давраи соли гузашта ба андозаи 5,2 фоиз зиёд шудааст.
Дар шашмоҳаи соли равон нисбат ба ҳамин давраи соли 2020 дар ҷумҳурӣ бақайдгирии таваллуд 2,6 фоиз зиёд шудааст. Зиёдшавии бақайдгирии таваллуд дар ҳамаи минтақаҳои ҷумҳурӣ, ба ғайр аз Бадахшон мушоҳида шудааст. Дар вилоятҳои Суғду Хатлон зиёдшавии бақайдгирии таваллуд 1,6 фоиз, ноҳияи тобеи ҷумҳурӣ 1,8 фоиз ва шаҳри Душанбе 16,5 фоизро ташкил намудааст.
Ба гуфти Гулнора Ҳасанзода, дар шаш моҳи соли равон шумораи зиёдшавии таваллуд ва бастани ақди никоҳ ба қайд гирифта шуда, шумораи талоқҳо дар ин нимсола 6440 воҳидро ташкил намудааст. Шумораи талоқҳо дар вилояти Суғд 1,9 фоиз зиёд шудааст, ки нисбат ба дигар минтақаҳои мамлакат бештар мебошад.
Дар ҷараёни нишаст иттилоъ дода шуд, ки воридоти мол дар ҷумҳурӣ 1 млрд 850,8 млн долларро ташкил кардааст, ки нисбат ба шашмоҳаи соли гузашта 23 фоиз ё 345,7 млн доллар зиёд мебошад.
АКС аз АМИТ «Ховар»
10 оилаи аз офати табиӣ зарардидаи деҳаи Баррӯшон соҳиби манзилҳои нав мешаванд
Бахшида ба Рӯзи кормандони хадамоти ҳолатҳои фавқулода ва мудофиаи гражданӣ ҳамоиши тантанавӣ доир шуд
ИМРӮЗ — РӮЗИ КОРМАНДОНИ ХАДАМОТИ ҲОЛАТҲОИ ФАВҚУЛОДА ВА МУДОФИАИ ГРАЖДАНӢ. Ҳифзи аҳолӣ аз ҳолатҳои фавқулода самти асосии фаъолияти ин ниҳод аст
САЙЁҲИИ ЗИЁРАТӢ. Дар 35 соли Истиқлоли давлатӣ Мамнуъгоҳи Султон Увайси Қаранӣ аз нав эҳё гардида, инфрасохтори сайёҳии он рушд намуд
ПУРСИДЕД, ҶАВОБ МЕДИҲЕМ. Дар кадом ҳолат вуруди шаҳрванди хориҷӣ ба Федератсияи Русия манъ карда мешавад?
Рафти татбиқи Стратегияи рушди ҳифзи иҷтимоии аҳолии Ҷумҳурии Тоҷикистон барои давраи то соли 2040 натиҷагирӣ карда шуд
Дар Душанбе доир ба саҳми шоистаи Абуалӣ ибни Сино дар илми тиб конференсия баргузор гардид
Муовини Сарвазири Тоҷикистон бо ҷараёни сохтмони иншооти соҳаи маорифу тандурустӣ дар шаҳри Ҳисор шинос шуд
Дар вилояти Суғд бахшида ба Рӯзи кормандони соҳаи тиб ҳамоиш доир гардид
Дар Хуҷанд даври шаҳрии Озмуни ҷумҳуриявии «Беҳтарин хизматчии давлатӣ аз ҳисоби занон» доир шуд
ИСТИҚЛОЛ ВА ФАРДОИ ДУРАХШОНИ ВАТАН. Доир ба он ҳамоиши ҷумҳуриявӣ баргузор шуд
12 АВГУСТ — РӮЗИ БАЙНАЛМИЛАЛИИ ҶАВОНОН. Беш аз 1700 нафар ҷавонони Тоҷикистон дар вазифаҳои роҳбарӣ фаъолият доранд
