Пагоҳ Вазорати маориф ва илм, Кумитаи меъморӣ ва сохтмон, Хадамоти иҷро нишасти матбуотӣ баргузор менамоянд

ДУШАНБЕ, 15.07.2021 /АМИТ «Ховар»/. 16 июл оид ба ҷамъбасти шашмоҳаи якуми соли 2021 Вазорати маориф ва илми Ҷумҳурии Тоҷикистон, Кумитаи меъморӣ ва сохтмони назди Ҳукумати Ҷумҳурии Тоҷикистон, Хадамоти иҷрои назди Ҳукумати Ҷумҳурии Тоҷикистон  нишасти матбуотӣ баргузор менамоянд.

Кумитаи меъморӣ ва сохтмон соати 08:30 дар толори Кумитаи мазкур нишасти матбуотӣ баргузор менамояд.

Нишасти матбуотии Вазорати маориф ва илм соати 11:00 дар Донишгоҳи славянии Россия ва Тоҷикистон баргузор мешавад.

Хадамоти иҷро соати 14:00 дар толори Иттифоқи нависандагон, ошёнаи 2 нишасти матбуотӣ доир мекунад.

Масъулини вазорату идораҳо ва ташкилоту муассисаҳое, ки дар ҳудуди шаҳри Душанбе фаъолият мекунанд, вақти баргузории нишастҳои матбуотиро бояд бо АМИТ «Ховар» тавассути телефонҳои 238-54-23, 888-08-34-04 мувофиқа намоянд.

Эълонҳо оид ба вақт ва макони баргузоршавии нишастҳои матбуотӣ ҳар рӯзи корӣ дар сомонаи АМИТ «Ховар» —www.khovar.tj  ба забонҳои тоҷикӣ ва русӣ нашр карда мешаванд.