Варзоб: Дар шаш моҳ беш аз 20 ҳазор нафар сайёҳони хориҷию дохилӣ аз минтақаҳои ноҳия дидан намуданд
ВАРЗОБ, 21.07.2021. /АМИТ «Ховар»/. Дар шаш моҳи имсол ба 982 минтақаи истироҳатӣ ва 25 ёдгории таърихию фарҳангӣ дар ноҳияи Варзоб 22 267 нафар сайёҳони хориҷию дохилӣ ташриф овардаанд. Аз ҳисоби хизматрасонӣ дар самти сайёҳӣ ба буҷети маҳаллӣ 1 566 057 сомонӣ ворид гардидааст.
Дар ин бора зимни нишасти матбуотӣ дар ноҳияи Варзоб иттилоъ дода шуд.
Дар нишасти матбуотӣ ба саволи хабарнигори АМИТ «Ховар» Субҳониддини Маҳмуд ҷиҳати кам будани муассисаҳои томактабӣ ва солҳои тӯлонӣ дар ноҳияи Варзоб мавҷуд будани як адад кӯдакистон бо ҷалби 40 нафар кӯдак раиси ноҳия Муҳаммадулло Шерализода посух дод, ки «дар ҳақиқат дар ноҳия як адад кӯдакистон мавҷуд аст ва дар доираи нақшаи 30-солагии Истиқлоли давлатӣ бунёди 4 кӯдакистон ба нақша гирифта шудааст. То ҷашни 30- солагии Истиқлоли давлатӣ 2 адад кӯдакистон барои 160 нафар кӯдак ба истифода дода мешавад. Вале бо сабабҳои бемории Ковид-19 ва буҳрони иқтисодӣ сохтмони 2 адад кӯдакистони дигар ба солҳои оянда мавқуф гузошта шуд».
Раиси ноҳияи Варзоб Муҳаммадулло Шерализода зимни нишасти матбуотӣ ба хабарнигорон иттилоъ дод, ки сокинону соҳибкорон ва кормандони ташкилоту муассисаҳои ноҳияи Варзоб ҷиҳати дар сатҳи баланд пешвоз гирифтани ҷашни 30-солагии Истиқлоли давлатии Ҷумҳурии Тоҷикистон сохтмони 270 иншоот, аз ҷумла 12 муассисаи таълимӣ, 33 майдончаи варзишӣ, 15 толори варзишӣ, 10 бунгоҳи тиббӣ, 11 коргоҳи дӯзандагӣ, 2 дорухона ва дигар иншоотро ба нақша гирифтаанд.
То имрӯз 201 адади он мавриди баҳрабардорӣ қарор дода шуда, корҳои сохтмонӣ дар иншооти боқимонда идома доранд.
«Бисоз Life»: 2,5 маротиба бештар суҳбат намоед!
Имрӯз дар Тоҷикистон борон ва барф дар назар аст
Имрӯз дар Вазорати тандурустӣ ва ҳифзи иҷтимоии аҳолӣ, Кумитаи кор бо ҷавонон ва варзиш, Кумитаи кор бо занон ва оила, Мақомоти шаҳри Душанбе ва Комиссияи олии аттестатсионӣ нишасти матбуотӣ баргузор мегардад
Вобаста ба таҳким бахшидани ҳамкории милитсия бо ҷомеа дар ноҳияи Ёвон ҳамоиши маърифатӣ-ҳуқуқӣ доир гардид
Агентии амнияти химиявӣ, биологӣ, радиатсионӣ ва ядроӣ ҳамкориро бо Маркази ҷумҳуриявии илмии саратоншиносӣ тақвият мебахшад
Имрӯз дар баъзе ноҳияҳои Тоҷикистон барф меборад
Дар Боку таҳкими ҳамкории Тоҷикистон ва Донишгоҳи Академияи дипломатии Озарбойҷон дар соҳаи маориф ва илм баррасӣ шуд
Имрӯз дар баъзе ноҳияҳои Тоҷикистон бориши борон ва барф дар назар аст
Зимни ҳамоиши ҳизбӣ дар ноҳияи Фирдавсӣ 200 нафар ятимон ва донишҷӯён бо корти нақлиётӣ таъмин гардиданд
