Ҷаҳонгир Маҷидов дар Ҷоми Аврупо оид ба дзюдо миёни калонсолон сазовори медали нуқра шуд
ДУШАНБЕ, 10.08.2021 /АМИТ «Ховар»/. Паҳлавони тоҷик Ҷаҳонгир Маҷидов дар Ҷоми Аврупо оид ба дзюдо миёни калонсолон, ки 7-8 август дар шаҳри Оренбурги Федератсияи Русия баргузор гардид, сазовори медали нуқра шуд. Дар ин бора аз Федератсияи дзюдои Тоҷикистон ба шореҳи варзиши АМИТ «Ховар» Меҳрони Қурбон хабар доданд.
Ҷаҳонгир Маҷидов дар вазни -90кг дар даври аввал Ёқубҷон Назирови тоҷикро, ки таҳти парчами Русия ҳунарнамоӣ мекунад, шикаст дод. Дар даври чорякниҳоӣ Эмил Қурбонови русро мағлуб кард ва ба даври нимниҳоӣ баромад. Дар даври нимниҳоӣ бар варзишгари дигари мизбон Адам Утсиев пирӯз шуд, вале дар рақобат барои нишони тилло аз Мирзо Шикориев (Русия) мағлуб гардид ва соҳиби медали нуқра шуд.
Ду варзишгари дигар – Алиҷон Сафаралиев ва Амирҷони Насимҷон ҷойи ҳафтумро сазовор гардиданд.
Ёдовар мешавем, ки дар Ҷоми Аврупо оид ба дзюдо 197 варзишгар (130 мард, 67 зан) аз 14 давлат ширкат карданд.
Дастаи мунтахаби Тоҷикистон аз 8 нафар – Давлаталӣ Назаралиев (-60кг), Алиҷон Сафаралиев (-66кг), Маҳмудҷон Раҳимов (-73кг), Ҳақназар Назаров, Хушвақт Идиев (-81кг), Ҷаҳонгир Маҷидов, Амирҷони Насимҷон (-90кг) ва Абубакри Акобир (-100кг) иборат буд.
АКС аз КМО Тоҷикистон
Ҳайати дастаи мунтахаби Тоҷикистон оид ба футбол барои бозиҳои дӯстона бо тими мунтахаби Ҳиндустон муайян гардид
ФУТБОЛ. Дастаи мунтахаби Тоҷикистон бо тими мунтахаби Ҳиндустон бозиҳои дӯстона анҷом медиҳад
Дар Ёвон гулгашти фарҳангию фароғатӣ бо муҷассамаи «Рамзи футбол» ба истифода дода шуд
Дар деҳаи ба номи Иброҳим Бозорови шаҳри Турсунзода бахшида ба Рӯзи ҷаҳонии футбол майдони варзишии «Ҳумо Арена» ифтитоҳ ёфт
Бахшида ба Рӯзи ҷаҳонии футбол Фестивали бошукуҳи футбол баргузор гардид
Дар Душанбе Варзишгоҳи миллӣ ба истифода дода мешавад
Хислатҳои неки роҳбарии Рустами Эмомалӣ -ҳадафмандӣ, таваҷҷуҳ ба таҷрибаҳои беназир, эҳтиром ба одамон ва муоширати сатҳи баланд
Эмомалӣ Раҳмон: «Футбол имрӯз на танҳо як намуди варзиш, балки омили муҳими таҳкими дӯстӣ, ҳамдигарфаҳмӣ ва ҳамбастагии халқҳо гардидааст»
Дар шаҳри Оснабрюки Олмон бахшида ба Рӯзи ҷаҳонии футбол мусобиқа баргузор гардид
25 МАЙ — РӮЗИ ҶАҲОНИИ ФУТБОЛ. Дар Варзишгоҳи марказии ҷумҳуриявӣ Фестивали футбол доир мегардад
Дар Душанбе Рӯзи ҷавонони Тоҷикистон бошукуҳ таҷлил карда шуд
Дар Хатлон Рӯзи ҷаҳонии футболро таҷлил намуданд
