ФУТБОЛ. Ғолибони бозиҳои даври ҳабдаҳуми Чемпионати Тоҷикистон миёни дастаҳои Лигаи олӣ муайян шуданд
ДУШАНБЕ, 26.08.2021 /АМИТ «Ховар»/. Бозиҳои даври ҳабдаҳуми Чемпионати Тоҷикистон оид ба футбол миёни дастаҳои Лигаи олӣ 24-25 август дар варзишгоҳҳои мамлакат дар сатҳи баланд баргузор гардиданд, хабар медиҳад шореҳи варзиши АМИТ «Ховар» Меҳрони Қурбон бо истинод ба Федератсияи футболи Тоҷикистон.
Дар ин давр дастаи футболи «Истиқлол»-и шаҳри Душанбе ғалабаи навбатиашро ҷашн гирифт. Ин даста ба дарвозаи дастаи «Душанбе»-и шаҳри Душанбе 5 голи беҷавоб зад — Алишер Ҷалилов ду гол, Манучеҳр Сафаров, Манучеҳр Ҷалилов ва Ваҳдат Ханонов якголӣ. Дастаи футболи «Хуҷанд»-и шаҳри Хуҷанд, ки дар ду бозии охираш ноком шуд, ин бор бар дастаи «Хатлон»-и шаҳри Бохтар бо ҳисоби 2:0 пирӯз гардид. Дилшод Бозоров дар дақиқаи 10 ҳисобро кушод, Кароматулло Саидов дар дақиқаи 40 голи дуюмро ба нишон расонид.
Дар бозии дигари ҳамин гурӯҳ дастаи футболи «Эсхата»-и шаҳри Хуҷанд дар майдони худ аз дастаи КМВА-и шаҳри Душанбе бо ҳисоби 1:2 шикаст хӯрд. Ҳар се гол дар нимаи дуюм зада шуданд. Фатҳулло Фатҳуллоев дар дақиқаи 62, Муҳсинҷон Абдуғаффоров дар дақиқаи 77 ба нафъи тими артиш ду гол заданд. Голи дастаи «Эсхата»-и шаҳри Хуҷандро Акобир Тураев дар дақиқаҳои иловагӣ (90+4) зад. Ду бозии дигар миёни дастаҳои футболи «Истаравшан»-и шаҳри Истравшан бо «Кӯктош»-и ноҳияи Рӯдакӣ (2:2) ва «Файзканд»-и ноҳияи Восеъ бо «Равшан»-и шаҳри Кӯлоб (0:0) мусовӣ анҷом ёфт.
Ёдовар мешавем, ки бозиҳои даври ҳаждаҳуми Чемпионати Тоҷикистон оид ба футбол миёни дастаҳои Лигаи олӣ 28-29 август баргузор мешаванд. 28 август дастаҳои футболи «Хатлон»-и шаҳри Бохтар бо «Эсхата»-и шаҳри Хуҷанд, «Душанбе»-и шаҳри Душанбе бо «Хуҷанд»-и шаҳри Хуҷанд, 29 август дастаҳои футболи «Истиқлол»-и шаҳри Душанбе бо «Кӯктош»-и ноҳияи Рӯдакӣ, «Равшан»-и шаҳри Кӯлоб бо «Истаравшан»-и Истравшан ва КМВА-и шаҳри Душанбе бо «Файзканд»-и ноҳияи Восеъ бо ҳам вомехӯранд.
| ҶОЙ | ДАСТАҲО | Б | Ғ | М | Б | Т-Т | Х |
| 1 | «Истиқлол» (Душанбе) | 15 | 11 | 3 | 1 | 43-46 | 36 |
| 2 | «Хуҷанд» (Хуҷанд) | 16 | 10 | 2 | 4 | 32-17 | 32 |
| 3 | «Истаравшан»(Истаравшан) | 17 | 7 | 5 | 5 | 20-17 | 26 |
| 4 | «Эсхата» (Хуҷанд) | 17 | 7 | 3 | 7 | 26-30 | 24 |
| 5 | КМВА (Душанбе) | 17 | 5 | 6 | 6 | 21-23 | 21 |
| 6 | «Равшан» (Кӯлоб) | 16 | 4 | 8 | 4 | 16-16 | 20 |
| 7 | «Хатлон» (Бохтар) | 17 | 5 | 5 | 7 | 17-24 | 20 |
| 8 | «Файзканд»(Восеъ) | 17 | 4 | 5 | 8 | 13-23 | 17 |
| 9 | «Душанбе» (Душанбе) | 17 | 3 | 6 | 8 | 18-36 | 15 |
| 10 | «Кӯктош» (Рӯдакӣ) | 17 | 3 | 5 | 9 | 21-35 | 14 |
АКС аз ФФТ
Варзишгарони тоҷик дар Бозиҳои XX Осиёӣ иштирок менамоянд
Дар Олмон бахшида ба 35-солагии Истиқлоли давлатии Тоҷикистон мусобиқаи муштараки футбол доир шуд
Мусобиқаи байналмилалӣ оид ба теннис барои дарёфти «Ҷоми Президенти Ҷумҳурии Тоҷикистон» оғоз гардид
Дар шаҳри Ҳисор бо иштироки муовини Сарвазири Тоҷикистон ду иншооти варзишӣ ба истифода дода шуд
Дастаи мунтахаби ҷавонони Тоҷикистон (U-20) ба марҳилаи ниҳоии Ҷоми Осиё-2027 роҳ ёфт
Дар Тоҷикистон нахустин толори варзишии шамшербозии «Шеру Шамшер» ифтитоҳ шуд
ҶОМИ ОСИЁ-2027. Дастаи мунтахаби Тоҷикистон (U-20) дар бозии даври дуюми марҳилаи интихобӣ тими Афғонистонро мағлуб кард
ҶОМИ ОСИЁ-2027. Имрӯз дастаи мунтахаби ҷавонони Тоҷикистон бо дастаи Афғонистон бозӣ мекунад
Дастаи мунтахаби Тоҷикистон оид ба футбол моҳҳои сентябр ва октябр дар сафар се бозии дӯстона баргузор мекунад
35-СОЛАГИИ ИСТИҚЛОЛИ ДАВЛАТӢ. Дар шаҳри Турсунзода зиёда аз 31 иншооти варзишӣ ба истифода дода шуд
ФУТБОЛ. 31 август марҳилаи интихобии Ҷоми Осиё-2027 байни мунтахабҳои ҷавонони то 20-сола оғоз мешавад
Сармураббии нави дастаи мунтахаби наврасони Тоҷикистон (U-17) оид ба футбол таъйин гардид
