КҲФ: Барои интиқоли ҷасади халабони бар асари суқути чархбол ҳалокшуда амалиёти ҷустуҷӯӣ-наҷотдиҳӣ идома дорад
ДУШАНБЕ, 09.08.2021 /АМИТ«Ховар»/. 5 август, бино ба хабарҳои ВАО, чархболи тамғаи МИ-8 Неруҳои марзбонии Тоҷикистон, ки рӯзи 4 августи соли равон барои наҷоти сайёҳони Русия ба ВМКБ парвоз карда буд, ба садама дучор шуд. Дар натиҷа як нафар халабон — Сергей Тютин (ДАР АКС) ба ҳалокат расида, чор нафари дигар ҷароҳатҳои гуногуни ҷисмонӣ бардоштаанд.
Тавре сардори маркази матбуоти Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон Умеда Юсуфӣ ба АМИТ “Ховар” иттилоъ дод, сайёҳони рус ҳангоми боло шудан ба пиряхи Федченко дучори мушкил шуда буданд ва 4 августи соли равон чархболи МИ-8 Қувваҳои сарҳадии Кумитаи давлатии амнияти миллии кишвар бо 5 сарнишин ба кумаки онҳо равон шуда буд. Аммо наздик ба соати 12:10 чархбол аз назари радар нопадид шуда, ҳар гуна иртибот бо он қатъ гардид ва ба ягон дархост посух намедод. Баъдан маълум шуд, ки чархбол дар қаламрави пиряхи Хирсон, ки дар дараи Абдулқаҳҳори ноҳияи Ванҷ ҷойгир аст, дучори садама шудааст.
Дар ин садама як нафар ҳалабон ба ҳалокат расида, чор нафари дигар ҷароҳатҳои гуногун бардоштанд.
6 августи соли равон бо кумаки чархболи МИ-8 нерӯҳои марзбонии Кумитаи амнияти миллии Тоҷикистон 10 нафар – 6 нафар сайёҳони Русия, 2 нафар аз ҳайати экипажи чархболи суқуткарда ва 2 корманди ширкати сайёҳии “Помир-Пик” ба шаҳри Душанбе оварда шуданд. Ҳамаи ин 10 нафар ҳоло таҳти назорати табибон қарор доранд.
Мавриди зикр аст, ки имдодгарони Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон дар якҷоягӣ бо кормандони Қувваҳои сарҳадии Кумитаи давлатии амнияти миллии Тоҷикистон ва дигар вазорату идораҳои дахлдор барои интиқоли ҷасади ҳалабони ҳалокшуда Сергей Тюнин аз баландии 5000 метр аз сатҳи баҳр тадбирҳо андешида истодаанд.
АКСҲО аз манбаъҳои боз
Прокурори генералии Тоҷикистон бо Сафири Давлати Кувайт дар Ҷумҳурии Тоҷикистон мулоқот намуд
Дар Қирғизистон ҷаласаи Шурои вазирони мудофиаи кишварҳои аъзои Иттиҳоди Давлатҳои Мустақил доир шуд
«БА ВАТАН СОДИҚОНА ХИЗМАТ МЕКУНЕМ!». Дар Донишкадаи тарбияи ҷисмонии Тоҷикистон ҳамоиш доир шуд
Дар Душанбе нақшаи даъвати тирамоҳии ҷавонон ба сафи Қувваҳои Мусаллаҳи Ҷумҳурии Тоҷикистон пурра иҷро гардид
Байни Суди Олии Тоҷикистон ва Созмони умумиҷаҳонии моликияти зеҳнӣ Ёддошти тафоҳум оид ба ҳамкорӣ ба имзо расид
Дар Тоҷикистон нақшаи даъвати тирамоҳӣ ба сафи Қувваҳои Мусаллаҳ 84 фоиз иҷро шуд
Дар ноҳияи Исмоили Сомонии шаҳри Душанбе нақшаи даъвати ҳарбӣ 100 фоиз иҷро гардид
Намояндагони мақомоти судии Тоҷикистон ва Узбекистон дар Минск густариши муносибатҳои судӣ-ҳуқуқиро баррасӣ намуданд
Ноҳияи Шоҳмансури шаҳри Душанбе нақшаи даъвати ҳарбиро 100 фоиз иҷро намуд
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Хуҷанд 100 фоиз иҷро гардид
Машварати понздаҳуми Шурои марказии Ҷамъияти ихтиёрии мусоидат ба артиш, авиатсия ва флоти ИДМ доир шуд
Бонки миллии Тоҷикистон ҳушдор медиҳад, ки ҳангоми истифодаи хизматрасонии бонкии рақамӣ эҳтиёткор бошед
