Шаҳри Душанбе мизбони бозиҳои ду гурӯҳи марҳилаи интихобии Ҷоми Осиё-2022 байни мунтахабҳои футболи занон интихоб шуд
ДУШАНБЕ, 22.08.2021 /АМИТ «Ховар»/. Конфедератсияи футболи Осиё рӯзи баргузории ду гурӯҳи мусобиқаи интихобии Ҷоми Осиё -2022 байни дастаҳои мунтахаби занона, ки дар даҳаи дуюми моҳи сентябр дар Душанбе баргузор мешавад, тасдиқ кард. Дар ин бора АМИТ «Ховар» бо истинод ба Федертсияи футболи Тоҷикистон хабар медиҳад.
Бозиҳои интихобии Ҷоми Осиё -2022 байни тимҳои миллии занона дар гурӯҳи “В” бо ширкати тимҳои Ветнам, Тоҷикистон, Молдив ва Афғонистон аз 24 то 29 сентябр дар Душанбе баргузор мешаванд. Ҳамчунин дар Варзишгоҳи марказии Душанбе аз 25 то 30 сентябр бозиҳои гурӯҳи «С» баргузор мешаванд, ки дар он дастаҳои мунтахаби занонаи Сингапур, Ироқ ва Индонезия ҳунарнамоӣ мекунанд.
Ёдовар мешавем, ки дар қисми ниҳоии Ҷоми Осиё-2022, ки аз 20 январ то 6 феврал дар Ҳиндустон баргузор мешавад, ғолибони ҳашт гурӯҳи интихобӣ шомил хоҳанд шуд. Се дастаи беҳтарини Ҷоми Осиё -2018 — Ҷопон, Австралия ва Чин — аз бозиҳои интихобӣ барои ба даст овардани мустақим ба Чемпионати Осиё -2022 озод карда шуданд. Ҳиндустон ҳамчун мизбони Ҷоми Осиё -2022 аз сабқати интихобӣ озод карда шуд.
Мусобиқаи интихобӣ барои Ҷоми Осиё -2022 байни дастаҳои мунтахаби занона
Гурӯҳи «В»
Иштирокчиён: Ветнам, ТОҶИКИСТОН, Малдив, Афғонистон.
Даври 1-ум
23 сентябр (панҷшанбе)
17:00 – Ветнам – Афғонистон
20:00 – ТОҶИКИСТОН – Малдив
Даври 2-юм
26 сентябр (якшанбе)
17:00 – Малдив – Ветнам
20:00 – Афғонистон – ТОҶИКИСТОН
Даври 3-юм
29 сентябр (Чоршанбе)
17:00 – Малдив – Афғонистон
20:00 – Ветнам – ТОҶИКИСТОН
Гурӯҳи «С»
Иштирокичён: Сингапур, Ироқ, Индонезия.
Даври 1-ум
24 сентябр (ҷумъа)
18:00 – Индонезия – Сингапур
Даври 2-юм
27 сентябр (душанбе)
18:00 – Ироқ – Индонезия
Даври 3-юм
30 сентябр (панҷшанбе)
18:00 – Сингапур – Ироқ
Эзоҳ: ҳамаи бозиҳо дар гурӯҳҳои «В» ва «С» дар Варзишгоҳи марказии Душанбе баргузор мешаванд.
АКС аз ФФТ
Шоҳрух Назаров якумин медали нуқраи Тоҷикистонро дар таърихи Бозиҳои параосиёии тобистона соҳиб шуд
«Истиқлол» дар бозиҳои даври дуюми марҳилаи гурӯҳии Лигаи даъватии КФО-2026/27 бар ҳарифаш ғолиб омад
Дар шаҳри Хуҷанд Академияи бокс бунёд карда мешавад
Ғолибони Мусобиқаи ҷумҳуриявӣ оид ба гӯштини ҷудо барои дарёфти Ҷоми Президенти Ҷумҳурии Тоҷикистон дар шаҳри Кӯлоб муайян шуданд
Дастаи футболи «Хуҷанд» бори шашум барандаи Ҷоми Тоҷикистон гардид
КФО-2026/27. Имрӯз «Истиқлол» ва «Регар-ТадАЗ» бозиҳои аввали худро дар марҳилаи гурӯҳӣ анҷом медиҳанд
Дар Тоҷикистон Форуми байналмилалии ҷавонони давлатҳои аъзои Созмони ҳамкории Шанхай баргузор шуд
Шаҳри Кӯлоб мизбони Ҷоми Президенти Ҷумҳурии Тоҷикистон оид ба гӯштини ҷудо мегардад
Дастаи «Сипар»-и Хуҷанд бори дуюм унвони чемпиони Ҷоми Тоҷикистон оид ба футзалро сазовор гардид
Рустами Эмомалӣ дар ноҳияи Дарвоз варзишгоҳи болопӯшидаи «Нури Модар Арена», майдони хурди футбол ва ҳавзи шиновариро мавриди истифода қарор доданд
Президенти Федератсияи футболи Тоҷикистон Рустами Эмомалӣ дар Дарвоз Академияи футболи Вилояти Мухтори Кӯҳистони Бадахшонро ифтитоҳ намуданд
Дар ноҳияи Мир Сайид Алии Ҳамадонӣ Фестивали бозиҳои миллии варзишӣ баргузор гардид
