СОVID-19: Дар шаҳри Гулистон корҳои тарғиботӣ гузаронида шуданд

ДУШАНБЕ, 09.08.2021 /АМИТ «Ховар/. Дар мавзеъҳои истироҳатӣ «Сайёд», «Баҳористон», «Шифо» ва маркази таълимии Бонки миллии Тоҷикистон воқеъ дар шаҳри Гулистон  аз ҷониби  кормандони бахши Раёсати Кумитаи ҳолатҳои фавқулода ва мудофиаи граждании вилояти Суғд  дар шаҳри Гулистон аксия гузаронида шуда, барои пурзӯр намудани чораҳои зиддиэпидемикӣ ҷиҳати  пешгирӣ аз интиқоли бемории сироятии СОVID-19 ба сокнинон ва истироҳаткунадагон маводҳои иттилоотӣ тақсим карда шуд.

Ин тадбир бо мақсади пурзӯр намудани чораҳои зиддиэпидемкӣ  барои пешгирии интиқоли бемории  сироятии СОVID-19 андешида шудааст, иттилоъ медиҳад Хадамоти матбуоти Раиси вилояти Суғд.

Тибқи  хабари манбаъ дар ҷараёни аксия ба самъи соҳибмулкони истироҳтагоҳҳо  расонида шуд, ки барои пешгирии интиқоли бемории сироятии СОVID-19  дар ҷойҳои корӣ назоратро пурзӯр намоянд. Ҳамзамон, бо мақсади пешгирӣ аз ҳодисаҳои нохуши ғарқшавии шаҳрвандон дар обутобгоҳҳо корҳои тарғиботиву ташвиқотӣ оид ба риоя намудани қоидаҳои шиноварӣ дар байни аҳолӣ суҳбатҳо гузаронида шуд.

АКС аз Хадамоти матбуоти Раиси вилояти Суғд.