ТАСС: Покистон аз таъсиси ҳукумати фарогир дар Афғонистон ҷонибдорӣ мекунад
ДУШАНБЕ, 26.08.2021 / АМИТ «Ховар» /. Исломобод аз таъсиси ҳукумати фарогир дар Афғонистон бо иштироки намояндагони тамоми халқҳои муқими ин кишвар ҷонибдорӣ мекунад. Ба гузориши ТАСС, дар ин бора дирӯз, 25 август Вазири корҳои хориҷии Покистон Шоҳ Маҳмуд Қурейшӣ (ДАР СУРАТ) дар мулоқоташ бо Президенти Тоҷикистон Эмомалӣ Раҳмон изҳори назар намуд. «Покистон ҷонибдори таъсиси ҳукумати фарогир дар Афғонистон аст, ки дар он намояндагони тамоми халқҳо метавонанд фаъолона ширкат варзанд», хабар медиҳад Агентии миллии иттилоотии Тоҷикистон «Ховар» аз қавли Қурейшӣ.
Вазири умури хориҷии Покистон, ки бо сафари корӣ вориди Душанбе шуд, таъкид кард, ки дар қаламрави Афғонистон ақаллияти мухталифи миллӣ умр ба сар мебаранд. Қурейшӣ ҳамчунин зикр намуд, ки дар мулоқоташ бо Сарвари Тоҷикистон вазъи кунунии Афғонистон ва таъмини амнияти минтақаро баррасӣ намуданд. «Ҷониби Покистон мавқеи худро дар ин бора баён кард»,- гуфт ӯ.
Ба гуфтаи Вазири корҳои хориҷии Покистон, тағйирёбии вазъ дар Афғонистон метавонад дар оянда ба кишварҳои ҳамсоя таъсири ҷиддӣ расонад. Вай афзуд, ки сулҳу субот дар Афғонистон метавонад барои таъмини амнияти минтақа кумак кунад ва зарур аст, ки ҳама ҷонибҳои манфиатдор ояндаи ин кишварро якҷоя баррасӣ намоянд. Қурейшӣ таъкид кард, ки ӯ бо як фармони вижаи Сарвазири Покистон Имрон Хон барои шунидани назари ҷониби Тоҷикистон ва тавсияҳои Роҳбари Тоҷикистон дар ин масъала ба Душанбе омадааст. «Ҷониби Тоҷикистон нигарониҳои худро дар бораи вазъи кунунии Афғонистон пешниҳод кард, ки ман онро ба Сарвазир мерасонам», — гуфт ӯ.
Субҳи чоршанбе Қурейшӣ бо Вазири корҳои хориҷии Тоҷикистон Сироҷиддин Муҳриддин низ мулоқот кард.
Ёдовар мешавем, ки Сарвазири Покистон Имрон Хон моҳи сентябр бо сафари расмӣ ба Тоҷикистон ташриф меорад ва ҳамчунин дар нишасти солонаи СҲШ, ки қарор аст 16-17 сентябр дар Душанбе баргузор шавад, ширкат хоҳад кард.
АКС: Хадамоти матбуоти Президенти ҶТ/АМИТ «Ховар»
Президенти Ҷумҳурии Тоҷикистон Эмомалӣ Раҳмон бо медали «Барои хизматҳо дар рушди ҳамкории башардӯстона» сарфароз гардонида шуданд
ТОҶИКИСТОН — МИЗБОНИ ЧОРАБИНИҲОИ МУҲИМИ БАЙНАЛМИЛАЛӢ. Интихоби Душанбе чун макони баргузории ин чорабиниҳои муҳим ба таҷриба, эътибор ва нуфузи байналмилалии мамлакат асос ёфтааст
Вуруди Резервати биосферии «Ромит» ба Шабакаи ҷаҳонии мамнуъгоҳҳои ЮНЕСКО — рӯйдоди муҳим дар соҳаи экологии Тоҷикистон
ДИПЛОМАТИЯИ ТОҶИКИСТОН: АЗ СУХАНРОНИИ ТАЪРИХӢ ТО ТАШАББУСҲОИ ГЛОБАЛӢ. Эҳдо ба Рӯзи кормандони хизмати дипломатии Тоҷикистон
Президенти Тоҷикистон: «Таъсиси Маркази минтақавии зеҳни сунъиро дар шаҳри Душанбе салоҳи кор мешуморем»
Пиряхҳо ва дигар манбаъҳои обии Тоҷикистон то 60 фоизи захираҳои оби Осиёи Марказиро ташкил медиҳанд
Тоҷикистон дар соҳаи дипломатияи об мавқеи фаъол дорад
Тоҷикистон аз пайомадҳои манфии раванди тағйирёбии иқлим нигарон мебошад
Эмомалӣ Раҳмон: «Қатъномаи махсуси СММ оид ба эълон кардани «Даҳсолаи таҳкими сулҳ ба хотири наслҳои оянда» мавриди баррасӣ қарор дода шавад»
Президенти Тоҷикистон: «Маҷмаи Умумии СММ имконияти эълон намудани Соли байналмилалии маърифати ҳуқуқиро мавриди баррасӣ қарор диҳад»
Муҳаммадҷаъфари Ёҳаққӣ: «Мо раҳбари хирадмандеро меситоем, ки дасти як миллатро бар «Шоҳнома»-и устоди Тӯс кушода кард»
Бо пешниҳоди Тоҷикистон 14 қатъномаи Маҷмаи Умумии СММ оид ба масъалаҳои обу иқлим қабул гардид
