ТОЛИБОН ДИРӮЗ БА КОБУЛ ДАРОМАДА, ПАРЧАМИ ХУДРО БОЛОИ ҚАСРИ ПРЕЗИДЕНТ БАРАФРОХТАНД. Онҳо изҳор доштанд, ки ба Ашраф Ғанӣ пешниҳоди бо роҳи осоишта супоридани қудрат намуданд, аммо ӯ фирор кард

Август 16, 2021 07:30

ДУШАНБЕ, 16.08.2021 /АМИТ «Ховар»/. Ҷангҷӯёни «Толибон», тибқи иттилои шабакаи телевизионии Al Arabiya , рӯзи якшанбе бидуни ҷанг вориди Кобул шуда, ба ишғоли идорҳои давлатӣ, ки неруҳои ҳукуматӣ тарк кардаанд, шурӯъ намуданд. Президенти Афғонистон Ашраф Ғанӣ кишварро тарк кард. Баъдтар «Толибон» аз ташкили  назорат дар тамоми манотиқи пойтахти Афғонистон хабар доданд. Онҳо инчунин парчами худро дар болои қасри  президент дар Кобул баланд бардоштанд, хабар медиҳад АМИТ «Ховар» бо истинод ба ТАСС.

«Ҷунбиши радикалии «Толибон» (мамнӯъ дар Ҷумҳурии Тоҷикистон ва Федератсияи Русия) ба президенти кунунии Афғонистон Ашраф Ғанӣ пешниҳод кард, ки қудратро бо роҳи осоишта диҳад, аммо ӯ аз кишвар фирор кард, хабар медиҳад шабакаи телевизионии Ал Арабия рӯзи якшанбе.

«Мо ба президент Ғанӣ пешниҳод кардем, ки қудратро ба таври осоишта супорад, то холигии амниятӣ пешгирӣ карда шавад, аммо ӯ фирор кард»,-иқтибос мекунад шабакаи телевизионӣ аз гуфтаи намояндаи “Толибон”.

Қаблан хабарҳо пахш шуда буданд, ки Толибон аллакай ба шӯрои президентӣ шомил шудаанд ва ба гуфтаи онҳо, дар тӯли чанд соат назорати пурраи пойтахти Афғонистонро ба даст хоҳанд гирифт. Ба гузориши Ал Арабия, дар пасманзари ин ҳодисаҳо Толибон аз сокинони Кобул даъват мекунанд, ки ба хотири амният дар хонаҳои худ бимонанд.

Дар навбати худ, иҷрокунандаи вазифаи вазири корҳои дохилии Афғонистон Абдул Саттор Мирзоқвал бо мақсади фурӯ нишондани иғвоҳо ва таъмини амнияти сокинони пойтахт аз соати 21:00 ба вақти маҳаллӣ дар Кобул соати комендантӣ эълон кард.

Президенти Афғонистон Ашраф Ғанӣ ҳоло дар Уммон аст. Ин изҳоротро рӯзи якшанбе шабакаи телевизионии Кобул дар “Твиттер” пахш кард.

СММ дар бораи вазъи Афғонистон изҳороти расмӣ омода мекунад. Дар ин бора ба ТАСС рӯзи якшанбе аз дафтари дабири кулли ин созмони ҷаҳонӣ хабар доданд.

«Мо болои як изҳороти расмӣ кор карда истодаем», -гуфт мусоҳиби агентӣ  дар ҷавоб  ба саволи пешниҳодшуда.

                                                                                                                                                                   АКС аз бойгонӣ

Август 16, 2021 07:30

Хабарҳои дигари ин бахш

Тоҷикистон ҳамкориро бо Кумитаи зиддитеррористии Шӯрои амнияти СММ муҳим арзёбӣ намуд
Дар қароргоҳи СММ «Стратегияи Ҷумҳурии Тоҷикистон оид ба муқовимат ба терроризм ва экстремизм барои солҳои 2021-2025» баррасӣ гардид
Прокурори генералии Тоҷикистон бо Роҳбари Намояндагии Иттиҳоди Аврупо дар СММ мулоқот кард
ХУРОФОТ ҶАҲОЛАТ АСТ. Дар ҷамоатҳои шаҳри Исфара бо сокинон оид ба хатари таассуб мулоқот доир шуд
Тоҷикистон ва Дафтари зиддитеррористии СММ иқдомҳои муштарак оид ба мубориза бар зидди терроризмро баррасӣ намуданд
«ВАТАНПАРВАР». Маҳз чунин мусобиқот имкон медиҳанд, ки ҷавонон маҳорату малакаи ҳарбӣ-варзишии худро такмил диҳанд
Давоми 20 рӯз дар Тоҷикистон маъракаи даъвати ҳарбӣ ба қадри 50 фоиз таъмин шуд
Дар Конибодом доир ба оқибатҳои ногувори таассубу хурофотпарастӣ ва омилҳои пешгирии он мулоқот доир шуд
ДАР РАМАЗОН ИНФИҶОР ВА…ЧАШМОНИ АШКБОР. Бар асари ду таркиш дар Кобул беш аз 20 нафар мактаббачагон ҷон бохтанд
Дар Қазоқистон машқҳои Низоми муштараки мудофиаи зиддиҳавоии ИДМ баргузор шуданд
Саидиброҳимови дар ҷустуҷӯбуда бо худиқрорӣ ба мақомоти милитсия ҳозир гардид
Пешвои миллат Эмомалӣ Раҳмон: Тоҷикистон ва Қирғизистон масъалаҳои марзиро танҳо бо роҳи осоишта метавонанд ҳал намоянд