«Ҳангжоу-2022» ҷадвали пешакии мусобиқоти Бозиҳои Осиёро нашр кард

Сентябрь 26, 2021 09:23

ДУШАНБЕ, 26.09.2021 /АМИТ «Ховар»/. Аввалин нашри ҷадвали мусобиқаҳои Бозиҳои Осиё-2022 дар Ҳангжоу (Чин) аз ҷониби ташкилкунандагон расман муаррифӣ карда шуд. Дар ин бора АМИТ «Ховар» бо истионд ба Кумитаи миллии олмпии Тоҷикистон хабар медиҳад.

Бозиҳои XIX Осиё, ки қарор аст аз 10 то 25 сентябри соли 2022 баргузор шаванд, 40 намуди варзиш, 61 равияи варзиширо дар бар мегиранд. Интизор меравад, дар давоми 15 рӯзи бозиҳо 482 маҷмӯи медалҳо супурда мешаванд.

Бозиҳои Осиё бояд чор рӯз пеш аз маросими ифтитоҳ – 6 сентябр бо мусобиқаи футболи мардона оғоз пазиранд.  Нахустин медалҳо дар чанд намуди варзиш, аз ҷумла дар шиноварӣ, панҷҳарбаи муосир, қайиқронӣ ва гимнастикаи бадеӣ, рӯзи 11 сентябр тақдим карда  мешаванд.  Мусобиқаҳои камонварӣ ва шиноварии синхронӣ дар рӯзи охирин — 25 сентябр баргузор хоҳанд шуд.

Варзиши сабук бо 48 мусобиқа аз намуди варзиши сермедал хоҳад буд, шиноварӣ аз 41 мусобиқа ва камонварӣ аз 33 мусобиқа иборатанд.

Созмондиҳандагон иддао мекунанд, ки нашри аввал бар асоси «шумораи тахминии довталабон» асос ёфтааст ва мегӯянд, ки ният доранд, нусхаи ниҳоиро пеш аз бозиҳо дар соли оянда нашр кунанд.

Дар охири соли равон дар Ҳангжоу мусобиқаҳои санҷишӣ оид ба варзиши сабук, баскетбол, заврақронӣ, шиноварӣ, велосипедронӣ дар роҳ, тирандозӣ, регби, тенниси рӯи миз, дзюдо ва таэквондо ташкил карда мешаванд.

Ҳангжоу пас аз Пекин дар соли 1990 ва Гуанжоу дар соли 2010 сеюмин шаҳри Чин хоҳад буд, ки мизбони Бозиҳои Осиё мешавад.

                                                         АКС: КМО Тоҷикистон

Сентябрь 26, 2021 09:23

Хабарҳои дигари ин бахш

ЛИГАИ ДУЮМИ ЧЕМПИОНҲОИ ОСИЁ. «Равшан» бозии якумро бо дастаи футболи «Моҳун Баган» доир намуд
ФУТБОЛ. Имрӯз дастаи «Равшан» дар Лигаи дуюми чемпионҳои Осиё бозии якумашро анҷом медиҳад
Дар Минск мусобиқаи футбол ба муносибати ҷашни Рӯзи истиқлолияти Ҷумҳурии Тоҷикистон баргузор гардид
«Истиқлол» дар доираи даври аввали Лигаи чемпионҳои Конфедератсияи футболи Осиё-2 бо «Шарҷа» бозӣ мекунад
ЧЕМПИОНАТИ ҶАҲОН-2024. Дастаи мунтахаби Тоҷикистон оид ба футзал нахустин бозиро анҷом дод
Дар шаҳри Хоруғ мусобиқаи ҷумҳуриявӣ аз намуди таэквондо баргузор гардид
ЧЕМПИОНАТИ ҶАҲОН-2024. Дастаи мунтахаби Тоҷикистон оид ба футзал бо тими миллии Марокаш бозӣ мекунад
Дар Душанбе мусобиқаи футбол байни кормандони намояндагиҳои дипломатии муқими Тоҷикистон оғоз ёфт
Дар Чемпионати ҷаҳон оид ба ҷудо байни ҷавонон аз Тоҷикистон 17 варзишгар иштирок менамояд
Шоҳмотбозони тоҷик дар Олимпиадаи 45-уми ҷаҳонӣ дар Будапешт сабқат доранд
Дар Ниммарафони байналмилалии кӯҳии Эко дар Ҳафткӯли Тоҷикистон варзишгарони 12 давлати ҷаҳон ҷамъ омаданд
ЧЕМПИОНАТИ ҶАҲОН-2024. Ҳайати дастаи мунтахаби Тоҷикистон оид ба футзал муайян гардид