Аз 11 то 16 сентябр дар Уляновск миёни кишварҳои узви ИДМ Фестивали VIII байналмилалии варзишии мактабиён доир мешавад
ДУШАНБЕ, 07.09.2021 /АМИТ «Ховар»/. Аз 11 то 16 сентябри соли равон дар шаҳри Уляновски Русия Фестивали VIII байналмилалии варзишии мактаббачагон миёни кишварҳои узви ИДМ баргузор мешавад. Дар назар аст, ки дар фестивал зиёда аз 400 варзишгари ҷавон дар ҳайати дастаҳои мунтахаби 11 кишвар: Тоҷикистон, Қазоқистон, Қирғизистон, Туркманистон, Узбекистон, Озарбойҷон, Арманистон, Беларус, Молдова, Русия ва Украина ширкат намоянд. Аз соли 2018 инҷониб дар Фестивал дастаҳои мактабӣ азҷамъиятҳои халқҳои ИДМ, ки дар Русия ба сар мебаранд, иштирок мекунанд.
Тавре ба АМИТ «Ховар» аз хадамоти матбуоти Кумитаи иҷроияи ИДМ хабар доданд, чун анъана, дар доираи фестивал мусобиқаҳо оид ба футбол, волейбол, баскетбол 3 × 3, тенниси рӯи миз, бадминтон ва шоҳмот баргузор мешаванд. Илова бар ин дар озмунҳо барои иштирокчиён барномаи фарҳангӣ ва маърифатӣ ташкил карда мешавад: экскурсияҳо ба ҷойҳои ҷолиби диққат, гузоштани гулҳо дар маҷмааи ёдгории Ҷанги Бузурги Ватанӣ, намоиши филмҳо ва маҳорати варзишгарони маъруф.
«Фестивали кишварҳои ИДМ яке аз рӯйдодҳои муҳимтарини лоиҳаи федералии «Варзиши кӯдакон» мебошад. Мактаббачагоне, ки ба чунин озмунҳо меоянд, на танҳо дӯстони нав пайдо мекунанд, балки фарҳанги кишварҳои дигарро меомӯзанд, бо анъана ва зиндагии сокинони Русия шинос мешаванд ва аз ҳама муҳим, ба мо, калонсолон барои бо як забон ҳарф задан ва муносибатҳои дӯстонаамонро мустаҳкам кардан кумак мекунанд», гуфт ҳамоҳангсози лоиҳаи федералии «Варзиши кӯдакон», варзишгари барҷаста Ирина Роднина.
Ташаббуси баргузории Фестивали байналмилалии варзишии мактаббачагон аз ҷониби Федератсияи Умумирусиягии намудҳои варзиши мактабӣ соли 2012 пешниҳод шуда, аз ҷониби Ассамблеяи байнипарлумонӣ, Фонди байнидавлатии ҳамкории гуманитарии кишварҳои узви ИДМ, Россотрудничество ва Вазорати варзиши Федератсияи Русия дастгирӣ карда мешавад. Аз соли 2013 ин чорабинӣ ҳамасола дар минтақаҳои гуногуни Русия баргузор мешавад.
Аксҳо: Хадамоти матбуоти Кумитаи иҷроияи ИДМ
Дастаи мунтахаби Тоҷикистон оид ба футбол дар бозии дӯстона тими миллии Ҳиндустонро мағлуб кард
Варзишгар аз Тоҷикистон Абдулмаҷид Кудиев дар Узбекистон медали тиллоро сазовор шуд
ФУТБОЛ. Дастаи олимпии Тоҷикистон (U-23) бо ҳамсолони худ аз Чин бозиҳои дӯстона баргузор мекунад
Ғолибони Чемпионати Осиё оид ба бокс қадрдонӣ карда шуданд
Ҳайати дастаи мунтахаби Тоҷикистон оид ба футбол барои бозиҳои дӯстона бо тими мунтахаби Ҳиндустон муайян гардид
ФУТБОЛ. Дастаи мунтахаби Тоҷикистон бо тими мунтахаби Ҳиндустон бозиҳои дӯстона анҷом медиҳад
Дар Ёвон гулгашти фарҳангию фароғатӣ бо муҷассамаи «Рамзи футбол» ба истифода дода шуд
Дар деҳаи ба номи Иброҳим Бозорови шаҳри Турсунзода бахшида ба Рӯзи ҷаҳонии футбол майдони варзишии «Ҳумо Арена» ифтитоҳ ёфт
Бахшида ба Рӯзи ҷаҳонии футбол Фестивали бошукуҳи футбол баргузор гардид
Дар Душанбе Варзишгоҳи миллӣ ба истифода дода мешавад
Хислатҳои неки роҳбарии Рустами Эмомалӣ -ҳадафмандӣ, таваҷҷуҳ ба таҷрибаҳои беназир, эҳтиром ба одамон ва муоширати сатҳи баланд
Эмомалӣ Раҳмон: «Футбол имрӯз на танҳо як намуди варзиш, балки омили муҳими таҳкими дӯстӣ, ҳамдигарфаҳмӣ ва ҳамбастагии халқҳо гардидааст»
