БМТ ва БМР ҳамкориро дар муқовимат бо ҳамлаҳои компютерӣ тақвият мебахшанд
ДУШАНБЕ, 15.09.2021 /АМИТ «Ховар»/. Байни Бонки миллии Тоҷикистон ва Бонки марказии Федератсияи Русия Созишнома дар бораи ҳамкории мутақобила дар масъалаи муқовимат ба ҳамлаҳои компютерӣ ба имзо расид. Санади мазкурро Раиси Бонки миллии Тоҷикистон Ҳоким Холиқзода ва муовини Раиси Бонки марказии Федератсияи Русия Руслан Вестеровский ба имзо расониданд, иттилоъ доданд ба АМИТ «Ховар» аз Бонки миллии Тоҷикистон.
Дар ҷараёни маросими имзои Созишнома, ки ба таври фосилавӣ баргузор гардид, Раиси Бонки миллии Тоҷикистон Ҳоким Холиқзода аз ҳамкории пурсамари Бонки миллии Тоҷикистон ва Бонки марказии Русия тавсиф намуда, иброз дошт, ки Русия яке аз шарикони асосии Тоҷикистон дар бахши тиҷорату савдо, бонкдорӣ ва сармоягузорӣ мебошад.“Имзои Созишнома дар бораи ҳамкории мутақобилаи Бонки миллии Тоҷикистон ва Бонки марказии Федератсияи Русия дар масъалаи муқовимат ба ҳамлаҳои компютерӣ иқдоми саривақтӣ ва зарурӣ ҷиҳати ҳимояи низоми бонкии ҳар ду кишвар аз хатарҳои иттилоотӣ буда, барои ташкили ҳамкории самаранок дар ин самт заминаи мусоид фароҳам меорад»,-иброз намуд Ҳоким Холиқзода.
Муовини Раиси Бонки марказии Федератсияи Русия Руслан Вестеровский аз равобити мутақобилан судманди Бонки марказии Русия ва Бонки миллии Тоҷикистон изҳори хушнудӣ намуда, таъкид дошт, ки имрӯз ин ду бонк дар аксар бахшҳо ҳамкории пурсамар роҳандозӣ намудаанд ва ҳамгироии Низоми пардохтии «Корти миллӣ» ва НМКП «Мир»-ро намунаи барҷастаи ин ҳамкорӣ арзёбӣ намуд.
«Таҳия ва имзои Созишномаи мазкур ба манфиати низоми бонкии ҳарду кишвар буда, иқдоми саривақтӣ мебошад»,- зикр намуд Руслан Вестеровский.
Тақвияти амнияти иттилоотӣ, таҳияи стратегия оид ба мушаххассозии омилҳои ҳамлаҳои компютерӣ, муқовимат бо ҳамлаҳои компютерӣ ва бартараф намудани оқибатҳои он ба низоми бонкӣ аз муҳимтарин вазифаҳои бонкҳои марказии муосир мебошад, ки дар ин санад дарҷ гардидааст.
Ҷонибҳо изҳори боварӣ намуданд, ки имзои ин санад дар оянда барои табодули маълумот ва таҷриба дар самти пешгирӣ ва муқовимат ба ҳамлаҳои компютерӣ миёни ду кишвар шароити мусоид фароҳам хоҳад овард.
Аксҳо аз БМТ
Дар ноҳияи Деваштич дар 7070 гектар картошка кишт карда мешавад
Нигина Анварӣ: «Фонди махсуси навсозии системаҳои ирригатсионии Осиёи Марказӣ ташкил карда шавад»
Олег Кобяков: «Конфронси Душанбе ба таҳияи барномаи нави Созмони озуқаворӣ ва кишоварзӣ мусоидат мекунад»
Дар Душанбе оид ба Стратегияи рақамии дигаргунсозии системаҳои агроозуқаворӣ ҷаласа доир шуд
Раймунд Йелле: «Тоҷикистон дар масъалаҳои обу иқлим нақши муҳим дорад»
Директори Агентии инноватсия ва технологияҳои рақамӣ бо намояндагони пешбари ширкатҳои технологии чинӣ вохӯрӣ намуд
Дар ноҳияи Ҷайҳун ҷамъоварии ҳосили пиёзи барвақтӣ идома дорад
Ҳамкории мутақобили судманд байни Тоҷикистон ва Гурӯҳи Бонки ҷаҳонӣ баррасӣ гардид
Доир ба робитаи байни захираҳои обӣ, энергетика, озуқаворӣ ва экосистемаҳо дар Аврупо ва Осиёи Марказӣ ҷаласа баргузор шуд
Дар Брюссел ҳамкории Тоҷикистон ва Белгия дар соҳаи андоз баррасӣ гардид
ҚУРБИ АСЪОР: 1 рубли русӣ аз 0.1225 то 0.1266 сомонӣ муқаррар шудааст
Мудири кулли ФАО: «Дар самти истифодаи самараноки захираҳои табиии обу замин бояд оқилона муносибат кард»
