«БОЗ ОМАДААСТ ФАСЛИ ХОНИШ, ТАҲСИЛИ НАВИ ШУМО МУБОРАК!». Имрӯз дар ҳамаи муассисаҳои таълимӣ, новобаста аз шакли ташкилию ҳуқуқӣ, Рӯзи дониш таҷлил мегардад
ДУШАНБЕ, 01.09.2021 /АМИТ «Ховар»/. Имрӯз дар ҳамаи муассисаҳои таълимӣ, новобаста аз шакли ташкилию ҳуқуқӣ, Рӯзи дониш таҷлил карда мешавад, ки он бо Дарси сулҳ, ватанпарастӣ ва шуҷоат оғоз мегардад ва дар арафаи 30-юмин солгарди Истиқлолияти давлатии Ҷумҳурии Тоҷикистон барои тамоми аҳли маорифи мамлакат, аз ҷумла хонандагону омӯзгорон ва донишҷӯёни кишвар санаи ниҳоят муҳим ва хотирмон хоҳад буд.
Фирӯзаи Давлат, хабарнигори АМИТ «Ховар»
Тафсилоти бештар дар гузориши хабарнигори АМИТ «Ховар» Фирӯзаи ДАВЛАТ.
Тавре сардори маркази матбуоти Вазорати маориф ва илми Ҷумҳурии Тоҷикистон Эҳсони Хушбахт ба АМИТ «Ховар» иттилоъ дод, имсол тақрибан 240 ҳазор кӯдак ҳамчун хонандаи синфи якум ба мактаб мераванд. Айни замон дар мамлакат 3911 муассисаи таҳсилоти миёнаи умумӣ бо фарогирии 2 108 942 хонанда пайи фаъолият қарор доранд.
Муовини якуми директори Агентии назорат дар соҳаи маориф ва илми назди Президенти Ҷумҳурии Тоҷикистон Хурсанд Холиқзода зимни суҳбат иброз дошт, ки дар соли таҳсили 2020-2021 дар 3911 муассисаи таҳсилоти умумӣ 2 108 942 нафар хонанда, дар 63 муассисаи таҳсилоти ибтидоии касбӣ 22ҳазору 966 нафар хонанда, дар 78 муассисаи таҳсилоти миёнаи касбӣ 93ҳазору 531 нафар донишҷӯ ва дар 41 муассисаи таҳсилоти олии касбӣ 244652 нафар донишҷӯ ба таълиму тарбия фаро гирифта шуданд.
Дар Паёми имсолаи Президенти Ҷумҳурии Тоҷикистон ба Маҷлиси Олии Ҷумҳурии Тоҷикистон бори дигар қайд гардид, ки Ҳукумати мамлакат раванди таълиму тарбияро самти афзалиятноки сиёсати иҷтимоии давлат қарор дода, ҳамаи тадбирҳои заруриро дар ин самт амалӣ менамояд.
Ҳамасола дар рӯзи нахустини Соли нави хониш вохӯрии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, мӯҳтарам Эмомалӣ Раҳмон бо устодону донишҷӯёни муассисаҳои олӣ баргузор мегардад. Бо иштироки Роҳбари давлат гузаронидани Дарси сулҳ ва оғози Соли нави таҳсил дар кишвари мо гувоҳи равшани эҳтироми зиёди давлат ва Ҳукумати мамлакат ба сулҳу оромӣ, суботи сиёсии ҷомеа, мақому мартабаи илму маориф, маънавиёту маърифат, заҳмати омӯзгорону устодон ва саъю талоши донишҷӯёну хонандагон, яъне насли ояндасози миллат мебошад.
Имрӯз дар муассисаи таҳсилоти миёнаи умумии рақами 100 ноҳияи Шоҳмансури шаҳри Душанбе 163 нафар ба синфи якум қабул гардидаанд. Дар муассиси мазкур Рӯзи дониш бо сароидани суруди миллӣ ва оғоз гардид.
Тавре директори муассисаи таҳсилоти миёнаи умумии рақами 100 ноҳияи Шоҳмансури шаҳри Душанбе Назима Камолова дар суҳбат ба хабарнигори АМИТ «Ховар» иброз намуд, ки дар соли таҳсили 2020-2021 1600 ҳазору 12 нафар хонандагон таҳсил мекарданд.
Ба гуфти ҳамсуҳбати мо дониш ба инсонҳо нерую тавоноӣ мебахшаду фаъолияти босамару густурдаи онҳоро дар ҷодаҳои зиндагӣ таъмин месозад. Он касе, ки соҳиби дониш комил аст, ҳамеша комёбу сарбаланд аст ва барои халқу Ватан хидмати шоиста ва манфиатбор мекунад.
Аз ин лиҳоз, тавре шоири маъруфи тоҷик Абдусалом Деҳотӣ навиштааст:
Эй булбулакони боғи дониш,
Шодона таронаҳо муборак.
Боз омадааст фасли хониш,
Таҳсили нави шумо муборак!
АКС: АМИТ «Ховар»
ПРЕЗИДЕНТИ ТОҶИКИСТОН ДАР ИН МАВРИД ҲУШДОР ДОДА БУДАНД. Барномаи муҳити зисти СММ ба амалҳои фаврӣ дар мубориза бо буҳрони сегонаи сайёра даъват менамояд
СОЛИ БАЙНАЛМИЛАЛИИ ҲИФЗИ ПИРЯХҲО. Ташаббуси Тоҷикистон барои пешгирии оқибатҳои ҳузнангез дар сайёра хеле саривақтӣ мебошад
Сарфармондеҳи Олии Қувваҳои Мусаллаҳ: «Ман ба афсарону сарбозони далеру шуҷоъ, бонангу номуси Ватан бовар дорам ва бо онҳо ифтихор мекунам»
«РИВОЯТИ ЭМОМАЛӢ РАҲМОН». Яъқуб Ясно, нависанда ва пажуҳишгар: «Агар шумо шахсияти сиёсии дигареро дар замони муосир мешиносед, ки бештар аз муҳтарам Эмомалӣ Раҳмон дар эҳё ва рушди фарҳанги ориёӣ самимона заҳмат кашидааст, намуна ва мисол биоваред!»
«ОТАШИ ҶАШНИ САДА ОТАШИ МЕҲРИ ВАТАН АСТ». Дар Душанбе ҷашни Сада ва намоиши тухмии зироати кишоварзӣ баргузор шуд
ҲАРОРАТИ ГЛОБАЛИИ ҲАВО БА 1,5 ДАРАҶА РАСИДААСТ. Ин ба уҳдадории давлатҳо дар доираи Созишномаи Париж мухолифат мекунад
Президенти Тоҷикистон: «Кишоварзони мамлакат бояд ба масъалаи парваришу захираи тухмиҳои беҳтарин ва ниҳолҳои серҳосил таваҷҷуҳи махсус зоҳир намоянд»
Эмомалӣ Раҳмон: «Се ҷашни миллии мо – Наврӯз, Сада ва Меҳргон аз ҷониби мардуми фарҳангпарвари ҷаҳон пазируфта шудаанд»
«ОЛАМИ ГУЛДӮЗИИ ТОҶИКОН». Ин китоб мероси пурарзиши тоҷиконро ба ҷаҳониён муаррифӣ менамояд
Вобаста ба омодагӣ ба баргузории Конфронси байналмилалии сатҳи баланд оид ба Cоли байналмилалии ҳифзи пиряхҳо ҳамоиш доир шуд
ТАШАББУСИ ТОҶИКИСТОН. Созмони Милали Муттаҳид ба таҷлили Соли байналмилалии ҳифзи пиряхҳо оғоз намуд
Дар Созмони Милали Муттаҳид Соли байналмилалии ҳифзи пиряхҳо оғоз гардид
