Дар Донишгоҳи давлатии Данғара оид ба арҷгузорӣ ба муқаддасоти миллӣ ҷамъомад баргузор шуд

Сентябрь 30, 2021 14:03

ДУШАНБЕ, 30.09.2021 /АМИТ «Ховар»/. Дар  Донишгоҳи давлатии Данғара  ба ифтихори 30-солагии Истиқлолияти давлатии Ҷумҳурии Тоҷикистон дар мавзӯи «Арҷгузорӣ ба муқаддасоти миллӣ — эҳтиром ба Ватан аст» ҷамъомад баргузор  гардид, хабар дод ёвари ректор ва мудири бахши  робита бо фазои иттилоотии Донишгоҳи давлатии Данғара Муҳаммад  Шораҳимзода ба АМИТ «Ховар».

Пеш аз оғози ҳамоиш меҳмонон аз шароиту имконияти илмомӯзии донишҷӯён, маркази таълимӣ-маърифатии радиошунавоии “Амри вақт”-и донишгоҳ, маркази таҳсилоти фосилавӣ ва идораи грантҳо  дидан намуданд

Дар ҷамъомади идона муовини раиси ноҳияи Давғара Бунафша Файзиддинзода иброз дошт, ки “осудагиву амният, Вахдати миллӣ ва Истиқлолияти давлатӣ арзишҳои ниҳоят муҳим ва муқаддас буда, баҳри таҳким, густариш ва ҳифзи ин арзишҳо бояд ҳар фарди ҷомеа бо эҳсоси масъулияти том ҷаҳду талош намояд. Бахусус мо, сокинони ноҳияи Данғара ва мардуми шарифи Тоҷикистон, ки ваҳдати миллиро бо талошу  кӯшиш,  ҷонфидоиҳо ва   азму иродаи матини  Президенти Ҷумҳурии Тоҷикистон муҳтарам Эмомалӣ Раҳмон, хиради азалии мардуми баору номуси Ватан ва  бо заҳматҳои ҳазорон тан фарзандони шуҷою далери кишвар ба даст овардаем, бояд бештар ба қадри он расида, паи ҳифзаш содиқонаву садоқатмандона заҳмат кашем”.

Раиси Кумитаи иҷроияи Ҳаракати Ваҳдати миллӣ ва эҳёи Ҷумҳурии Тоҷикистон Рудобаи Мукаррам иброз дошт, ки “ҳамагонро зарур аст, ки дар самти таҳкими ваҳдат ва тарғиби ғояҳои суботу оромӣ фаъол бошанд. Ҳаракати   Ваҳдати миллӣ ва эҳёи Ҷумҳурии Тоҷикистон   дар пешрафти фарҳангӣ сиёсӣ, ваҳдати миллӣ, сулҳу субот саҳми арзанда гузошта, дар сафҳои худ неруи пешбаранда  ва бунёдкори ҷомеаро гирд оварда, намунаи барҷастаи ҷомеаи шаҳрвандӣ мебошад”.

Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Абдулло Раҳмонзода доир ба масъалаи ободонию созандагӣ  иброз дошт, ки “таърих собит намудааст, ки ватанро танҳо фарзандони асилу номбардор метавонанд бунёд намуда, ба наслҳои оянда ба мерос гузоранд.   Аз ин рӯ, ҷавонон бояд зери сиёсати хирадмандонаи Пешвои муаззами миллат муттаҳид шуда, барои ободиву пешрафти давлати соҳибистиқлоламон саҳм гузоранд”.

Ректори Донишгоҳи давлатии Данғара, профессор Нуралӣ Шоҳиён  аз таваҷҷуҳи доимии давлат ва Ҳукумати мамлакат ба соҳаи маориф, таҳия ва дар амал татбиқ намудани барнома ва стратегияҳои муҳим дар самти баланд бардоштани донишу малака, маҳорат, ихтироъкориву навоварӣ ва тайёр намудани мутахассисони рақобатпазир дар бозори озоди меҳнат сухан гуфт.

Ҷамъомади тантанавӣ бо тақдими китоби “Фазонафарзанди миллат”-и устоди Донишгоҳи давлатии Данғара   Шарифхуҷа Ҳасанов ба меҳмонон ва   иштирокчиён анҷом ёфт.

                                                                                   АКСҲО аз Донишгоҳи давлатии Данғара

Сентябрь 30, 2021 14:03

Хабарҳои дигари ин бахш

Дар Сарраёсати ҳифзи муҳити зист дар шаҳри Душанбе Маркази мониторинги камераҳои мушоҳидавӣ фаъол гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд