Дар Душанбе намоиши асарҳои кӯдакони кишварҳои узви СҲШ ифтитоҳ ёфт

Сентябрь 6, 2021 15:05

ДУШАНБЕ, 06.09.2021 /АМИТ «Ховар»/. Аз 6 то 15 сентябр бахшида ба 30-солагии Истиқлолияти давлатии Ҷумҳурии Тоҷикистон ва 20-солагии таъсиси Созмони ҳамкории Шанхай дар Осорхонаи миллии Тоҷикистон таҳти унвони «Марҳабо ба 20-солагии СҲШ» намоиш доир мегардад, ки фарогири асарҳои кӯдакони кишварҳои узви Созмони ҳамкории Шанхай мебошад.

6 сентябр дар Осорхонаи миллии Тоҷикистон маросими ифтитоҳи Намоиши расмҳои кӯдакони кишварҳои Созмони ҳамкории Шанхай таҳти унвони “Марҳабо ба 20-солагии СҲШ” бо иштироки намояндагони сохторҳои гуногун, аз ҷумла роҳбарони намояндагиҳои дипломатии муқими Душанбе баргузор гардид.

Намоиши мазкур тибқи Нақшаи чорабиниҳои асосии раёсати Ҷумҳурии Тоҷикистон дар Созмони ҳамкории Шанхай бо ташаббуси Комиссияи миллӣ оид ба корҳои ЮНЕСКО-и Вазорати корҳои хориҷӣ дар ҳамкорӣ бо Котиботи СҲШ, ширкатҳои чинии “Shanghai Art Fair International Exhibition Co., Ltd”, “Yunnan SCO Culture and Sports Co.” ва Иттифоқи рассомони Тоҷикистон ташкил гардид.

Дар маросими ифтитоҳ муовини вазири корҳои хориҷии Ҷумҳурии Тоҷикистон Шараф Шерализода суханронӣ карда, ҳозиринро ба муносибати 30-солагии Истиқлоли давлатии Ҷумҳурии Тоҷикистон табрик намуд ва ба кишварҳои узв барои иштироки фаъол дар ин чорабинӣ изҳори сипос кард.

Директори Осорхонаи миллии Тоҷикистон Аҳлиддин Ибодуллозода зикр намуд, ки халқҳои кишварҳои узви Созмони ҳамкории Шанхайро якчанд омилҳои объективӣ, ба монанди анъанаҳо, шабоҳати забонҳо ва фарҳангҳо, наздикии этномаданӣ, ҳамбастагии муштараки таърихӣ, анъанаҳои халқҳо дар Роҳи Бузурги Абрешим, муносибатҳои неки ҳамсоягӣ муттаҳид намуда, ба рушди муваффақонаи муносибатҳои мутақобилан судманди фарҳангӣ заминаи мустаҳкам мегузоранд.

Дар ин намоиши байналмилалӣ зиёда аз 200 адад расмҳои маҳсули дасти кӯдакони 8 кишвари узви Созмони ҳамкории Шанхай ба тамошо гузошта шудаанд.

Дар расмҳо кӯдакон дӯстию муҳаббат, сулҳу субот ва осмони софу беғубор дар ҳавзаи ин созмонро тасвир намудаанд, ки бинандаро ба ҷаҳони рангин, тахайюлоти бой ва орзуҳои кӯдакони ин кишварҳо ворид менамоянд.

Баргузор намудани чунин намоишу барномаҳои фарҳангӣ миёни кӯдакон ва ҷавонони кишварҳои узви Созмони ҳамкории Шанхай сабаби наздику мустаҳкам гардидани муносибатҳои фарҳангӣ гардида, барои боз ҳам беҳтар огоҳ шудан аз таъриху фарҳанги халқу миллатҳои ҳамдигар шароити мусоид фароҳам меорад.

Ёдовар мешавем, намоиши мазкур аз 6 то 15 сентябри 2021 идома ёфта, дар он зиёда аз 200 расми кӯдакон аз кишварҳои узви СҲШ дар мавзӯъҳои сулҳ, дӯстӣ, эҳтиром, иззату ҳурмат ва шавқу рағбати нек пешкаш мегардад.

АКСҲО аз Осорхонаи миллии Тоҷикистон

Сентябрь 6, 2021 15:05

Хабарҳои дигари ин бахш

Дар Бадахшон ба хотираи 110-солагии Шоири халқии Тоҷикистон Мирсаид Миршакар конференсия доир гардид
«ЗАБОНИ САЪДИЮ ҲОФИЗ, ЗАБОНИ РӮДАКӢ ҲАСТӢ…». Ба нобиғаҳои адабиёт арҷ гузорем, ки дар нигоҳдории забони тоҷикӣ нақши муҳим доранд
«ЗАБОНИ МИЛЛАТ-ҲАСТИИ МИЛЛАТ». Китоби Президенти Тоҷикистон ба забонҳои маъруфи ҷаҳон-русӣ, англисӣ ва чинӣ тарҷума гардид
«АЗ ҚАСРИ АРБОБ ТО МАЙДОНИ ИСТИҚЛОЛ». Шумораи идонаи рӯзномаи «Ҷумҳурият» дар ҳаҷми 70 саҳифа нашр шуд
АРМУҒОНИ ШОИСТАИ ИДОНА. Китоб бо номи «Нақши Эмомалӣ Раҳмон дар рушди тамаддуни тоҷикон» бо ду забон-тоҷикӣ ва русӣ ба табъ расид
ЗАБОНИ ТОҶИКӢ-ЗАБОНИ СИЁСАТУ ҚОНУНГУЗОРӢ ВА КОРГУЗОРИВУ МУОШИРАТ. Ба ифтихори он дар Хадамоти гумрук маҷлиси тантанавӣ доир шуд
Нақши Пешвои миллат дар рушду густариши забони тоҷикӣ ба ҳайси забони давлатӣ беназир аст
Дар Теҳрон Рӯзҳои фарҳанги Тоҷикистон дар Эрон ифтитоҳ гардиданд
Дар Хадамоти иҷро ба муносибати Рӯзи забони давлатӣ ҳамоиш доир гардид
«ЗАБОН ВА ИСТИҚЛОЛ». Таҳти чунин унвон Конференсияи илмию амалии ҷумҳуриявӣ доир шуд
Сафири Тоҷикистон дар Россия бо донишҷӯёни тоҷик ва аъзои Шӯрои ҷамъиятии назди сафорат мулоқот намуд
Доир ба рушди забони давлатӣ дар солҳои соҳибистиқлолии Тоҷикистон конференсияи илмӣ барпо шуд