ФУТБОЛ. Бозиҳои даври бистуми Чемпионати Тоҷикистон миёни дастаҳои Лигаи олӣ оғоз мешаванд
ДУШАНБЕ, 21.09.2021 /АМИТ «Ховар»/. Имрӯз дар варзишгоҳҳои мамлакат бозиҳои даври 20-уми Чемпионати Тоҷикистон оид ба футбол миёни дастаҳои Лигаи олӣ оғоз шуда, то 22 сентябр идома меёбанд. Дар ин давр дастаҳои футболи «Файзканд»-и ноҳияи Восеъ бо «Хуҷанд»-и шаҳри Хуҷанд, «Истиқлол»-и шаҳри Душанбе бо «Хатлон»-и шаҳри Бохтар, «Равшан»-и шаҳри Кӯлоб бо КМВА-и шаҳри Душанбе, «Душанбе»-и шаҳри Душанбе бо «Эсхата»-и шаҳри Хуҷанд ва «Кӯктош»-и ноҳияи Рӯдакӣ бо «Истаравшан»-и шаҳри Истаравшан байни ҳам рақобат мекунанд, хабар медиҳад шореҳи варзиши АМИТ «Ховар» Меҳрони Қурбон бо истинод ба Федератсияи футболи Тоҷикистон.
Чанд рӯз пеш бозиҳои даври нуздаҳуми марҳилаи сеюми Чемпионати Тоҷикистон оид ба футбол миёни дастаҳои Лигаи олӣ баргузор гардиданд. Дар ин давр дастаи футболи «Истиқлол»-и шаҳри Душанбе дар Варзишгоҳи марказии ҷумҳуриявии шаҳри Душанбе бар дастаи футболи «Равшан»-и шаҳри Кӯлоб бо ҳисоби 2:0 пирӯз шуд. Голҳоро Шервонӣ Мабатшоев ва Ваҳдат Ханонов ба нишон расониданд. Дастаи футболи «Хуҷанд»-и шаҳри Хуҷанд бо ҳисоби калони 5:0 дастаи «Душанбе»-и шаҳри Душанберо мағлуб кард. Дар ин бозӣ Дилшод Бозоров ду гол, Далер Ёдгоров, Комрон Турсунов ва Артём Сердюк якголӣ заданд.
Дастаи футболи «Истаравшан»-и шаҳри Истаравшан дар бозии хонагӣ бар дастаи «Файзканд»-и ноҳияи Восеъ бо ҳисоби 1:0 ғалаба кард. Голи ягонаро Шаҳзодҷон Маъмурҷонов ба ҳадаф расонид. Дастаи футболи «Хатлон»-и шаҳри Бохтар дар майдони худ ба дарвозаи дастаи футболи «Кӯктош»-и ноҳияи Рӯдакӣ се голи беҷавоб зад. Нуриддин Ҳамроқулов дар дақиқаҳои охири нимаи аввал ҳисобро кушод. Ҳамдастаҳояш Жан Гатен НД ва Худойдод Узоқов дар нимаи дуюм ҳисобро афзуданд.
Ниҳоят дастаи футболи «Эсхата»-и шаҳри Хуҷанд дар майдони худ аз дастаи КМВА бо ҳисоби 1:2 мағлуб гардид. Ба голҳои задаи бозингарони артиш Фатҳулло Фатҳуллоев ва Сайёди Ковусшоҳ бонкчиҳо тавонистанд тавассути Ҷаҳонгир Эргашев бо як гол ҷавоб диҳанд.
Ҳамин тариқ, дар ҷадвали мусобиқа тағйирот ба амал наомад. Мисли пеш дастаи «Истиқлол»-и шаҳри Душанбе дар ҷои аввал, «Хуҷанд»-и шаҳри Хуҷанд дар ҷои дуюм ва «Истаравшан»-и шаҳри Истаравшан дар ҷои сеюм мавқеъ доранд.
| ҶОЙ | ДАСТАҲО | Б | Ғ | М | Б | Т-Т | Х |
| 1 | «Истиқлол»(Душанбе) | 18 | 14 | 3 | 1 | 55-7 | 45 |
| 2 | «Хуҷанд» (Хуҷанд) | 18 | 11 | 2 | 5 | 38-19 | 35 |
| 3 | «Истаравшан» (Истаравшан) | 19 | 8 | 5 | 6 | 22-19 | 29 |
| 4 | КМВА (Душанбе) | 19 | 7 | 6 | 6 | 24-24 | 27 |
| 5 | «Хатлон»(Бохтар) | 19 | 7 | 5 | 7 | 21-24 | 26 |
| 6 | «Эсхата» (Хуҷанд) | 19 | 7 | 3 | 9 | 27-33 | 24 |
| 7 | «Равшан» (Кӯлоб) | 19 | 5 | 8 | 6 | 18-22 | 23 |
| 8 | «Душанбе» (Душанбе) | 19 | 4 | 6 | 9 | 20-42 | 18 |
| 9 | «Файзканд» (Восеъ) | 19 | 4 | 5 | 10 | 13-25 | 17 |
| 10 | «Кӯктош» (Рӯдакӣ) | 19 | 3 | 5 | 11 | 22-45 | 14 |
АКС аз Федератсияи футболи Тоҷикистон
Мунтахаби Тоҷикистон дар Чемпионати ҷаҳон оид ба гӯштини миллӣ (гӯштингирӣ) 12 медал ба даст овард
«Регар-ТадАЗ» ба марҳилаи гурӯҳии Лигаи даъвати КФО-2026/27 роҳ ёфт
ҶОМИ ТОҶИКИСТОН-2026. Дастаҳои «Равшан» – «Хуҷанд» ва «Эсхата» – «Сардор» ба даври нимниҳоии мусобиқа роҳ ёфтанд
Дар Чемпионати ҷаҳон оид ба гӯштини миллӣ (гӯштингирӣ) варзишгарони зиёда аз 70 давлати ҷаҳон иштирок менамоянд
ВАРЗИШ — ПАЙКИ СУЛҲ, ДӮСТӢ ВА СОЗАНДАГӢ. Ҳамоиши фарҳангию фароғатӣ ва варзишию солимгардонӣ доир шуд
НИШАСТИ МАТБУОТӢ. Дар ноҳияи Шаҳритус аз рӯи 13 намуди варзиш машғулият гузаронида мешавад
10 АВГУСТ — РӮЗИ ВАРЗИШГАРОНИ ТОҶИКИСТОН. Теъдоди иншооти соҳаи варзиш беш аз 9 маротиба афзоиш ёфтааст
Дастаи мунтахаби Тоҷикистон дар Чемпионати расмии ҷаҳон оид ба ҷиу-ҷитсу соҳиби 9 медал гардид
Бахшида ба Рӯзи варзишгарони Тоҷикистон дар ноҳияи Фирдавсии пойтахт ҳамоиши тантанавӣ доир шуд
ФУТБОЛ. Доварони Тоҷикистон дар семинари доварони элитаи КФО дар Тошканд иштирок намуданд
Намояндагони Федератсияи футболи Тоҷикистон дар семинар барои комиссарони нави бозиҳои CAFA иштирок карданд
ФУТБОЛ. Пагоҳ бозиҳои даври 13-уми Чемпионати Тоҷикистон байни дастаҳои Лигаи олӣ оғоз мегардад
