Меҳрубон Ҳоҷиқурбонзода дар Мусобиқаи байналмилалии Осиёи Марказӣ оид ба варзиши сабук соҳиби медали тилло гардид

Сентябрь 30, 2021 15:39

ДУШАНБЕ, 30.09.2021 /АМИТ «Ховар»/. Ду рӯз аст, ки дар шаҳри Тошканди Ҷумҳурии Узбекистон Мусобиқаи  байналмилалии  Осиёи Марказӣ оид ба варзиши сабук миёни варзишгарони  синни 18-20-сола ҷараён дорад. Дар он  аъзои дастаи  мунтахаби Ҷумҳурии Тоҷикистон дар ҳайати  24 нафар, ки 4 нафарашон мураббӣ  мебошанд, иштирок ва Ҷумҳурии Тоҷикистонро муаррифӣ доранд, хабар дод корманди Кумитаи кор бо ҷавонон ва варзиши назди Ҳукумати Ҷумҳурии Тоҷикистон Ҳалимҷон Набизода  ба шореҳи варзиши  АМИТ «Ховар»  Меҳрони Қурбон.

Варзишгарони тоҷик Меҳрубон Ҳоҷиқурбонзода  дар   намуди давидан дар  масофаи 400 м бо монеаҳо медали тилло  ва Шамсиддин Авазов  дар  намуди  найзапартоӣ медали биринҷӣ  ба даст оварданд. Ҳамчунин дигар варзишгаронамон дар намуди эстафетаи духтарона-  4х100  сазовори медали биринҷӣ ва эстафетаи писарона- 4х100  медали нуқраро  соҳиб гардиданд.

Дар намуди найзапартоӣ  Зикрулло Турахонов соҳиби  медали  биринҷӣ гардид.

Барои  ғолибият дар мусобиқаи  мазкур қариб 1000 варзишгар аз ҷумҳуриҳои Тоҷикистон, Қирғизистон, Қазоқистон, Эрон ва мизбони ин чорабинии варзишӣ- Узбекистон миёни ҳам  рақобат доранд.

Мусобиқаи  байналмилалии  Осиёи Марказӣ  оид ба варзиши сабук миёни варзишгарони  синни 18 ва 20-сола аз рӯйи дигар  равияҳои  варзиши  сабук идома дорад.

                          АКС аз Кумитаи кор бо ҷавонон ва варзиши назди Ҳукумати ҶТ

Сентябрь 30, 2021 15:39

Хабарҳои дигари ин бахш

Варзишгарони тоҷик дар Чемпионати Осиёи Марказӣ оид ба варзиши сабук 8 медал ба даст оварданд
Тоҷикистон дар Мусобиқаи 48-уми байналмилалии «King’s Cup 2022» соҳиби ҷом ва медали тилло шуд
«KING’S CUP 2022». Имрӯз мунтахабҳои Тоҷикистон ва Малайзия дар финали мусобиқа рақобат мекунанд
Тоҷикистон дар даври ниҳоии мусобиқаи «King’s Cup 2022» бо дастаи мунтахаби Малайзия бозӣ мекунад
Дар Душанбе Фестивали «Рушди бозиҳои миллии варзишӣ — омили муҳими шинохти миллат» баргузор мешавад
Тоҷикистон баъди ғалаба бар дастаи мунтахаби Тринидад ва Тобаго ба финали мусобиқаи «King’s Cup 2022» роҳ ёфт
ФУТБОЛ. Дастаи мунтахаби Тоҷикистон бо Тринидад ва Тобаго дар Мусобиқаи байналмилалии «King’s Cup 2022» бозӣ мекунад
Варзишгарони тоҷик дар Чемпионати кушоди Осиёи Марказӣ оид ба варзиши сабук дар Узбекистон иштирок мекунанд
Варзишгари тоҷик Нурулло Алиев пас аз пирӯзӣ бар ҳарифаш ба UFC роҳхат ёфт
Ғолибони Мусобиқаи 9-уми байналмилалӣ оид ба гӯштини дзюдо барои дарёфти Ҷоми Президенти Тоҷикистон муайян шуданд
ФУТЗАЛ. Дастаи мунтахаби Тоҷикистон ба Дубай сафар кард
ҶОМИ ПРЕЗИДЕНТИ ТОҶИКИСТОН ОИД БА ДЗЮДО. Варзишгарони тоҷик дар рӯзи якуми мусобиқаи байналмилалӣ соҳиби медалҳои тилло шуданд