Намояндагони ВКД Тоҷикистон дар мизи мудаввари байналмилалӣ оид ба фаъолияти криминалистӣ ширкат варзиданд
ДУШАНБЕ, 08.09.2021 /АМИТ Ховар»/. Маркази криминалистии Вазорати корҳои дохилии Федератсияи Русия мизи мудаввари байналмилалиро оид ба масъалаҳои мубрами фаъолияти экспертизаи судӣ дар реҷаи алоқаи видео-конференсия бо иштироки сардори Маркази криминалистии ВКД ФР генерал-майори политсия Вадим Казмин баргузор намуд. Дар ин чорабинӣ намояндагони ёздаҳ созмон ва шуъбаҳои криминалистӣ аз ҳашт кишвари узви ИДМ, роҳбарони хадамоти экспертии Тоҷикистон, Узбекистон, Қазоқистон, Қирғизистон, Озарбойҷон, Арманистон ва Беларус иштирок ва баромад намуданд. Дар ин бора АМИТ «Ховар» бо истинод ба Вазорати корҳои дохилии Ҷумҳурии Тоҷикистон хабар медиҳад.
Аз ҷониби Ҷумҳурии Тоҷикистон муовини сардори Раёсати ташхисӣ (эксперт) — криминалистии Вазорати корҳои дохилӣ полковники милитсия Муҳаммадюсуф Абдураҳмонзода дар мавзӯи «Ташкил намудани экспертизаи судӣ бо парвандаҳои ҷинояти экстремистӣ» баромад намуда, оид ба масъалаҳои баррасишаванда фикру андешаҳои худро иброз дошт.
Ҳамчунин, сардори шуъбаи баллистикии Раёсати мазкур майори милитсия Фируз Назаршоев дар мавзӯи “Таҳқиқоти силоҳи оташфишон дар пешбурди парвандаҳои ҷиноятӣ” ва муовини сардори Маркази бақайдгирии давлатии дактилоскопии Раёсати ташхисӣ (эксперт) – криминалистии ВКД майори милитсия Елена Нахлопина оид ба фаъолияти экспертизаи судӣ муфассал баромад намуданд.
Кори минбаъда дар асоси ҳафт фасли мавзӯӣ сурат гирифт. Мавзӯъҳои афзалиятнок масъалаҳои ташкили ҳамкориҳои байналмилалӣ дар соҳаи фаъолияти экспертӣ буданд. Дар бахшҳои алоҳида мушкилоти истеҳсоли дастнавис ва экспертизаи техникӣ ва судии ҳуҷҷатҳо, масъалаҳои мубрами фаъолият ва рушди баҳисобгирии экспертизаи судӣ баррасӣ карда шуданд.
Иштирокчиён ба равишҳои методологии муосири омӯзиши маводи мухаддири синтетикӣ, инчунин маводи тамоюли экстремистидошта диққати махсус доданд. Инчунин дар ҷараёни мизи мудаввар масъалаҳои мубориза бо ҷиноятҳои кибернетикӣ, ки барои ҳамаи кишварҳои узви ИДМ марбутанд, баррасӣ гардиданд.
Дар натиҷаи мизи мудаввари байналмилалӣ аҳамияти нигоҳ доштани робитаҳои касбӣ байни хадамоти экспертии кишварҳои узви ИДМ, ҳатто дар шароити маҳдудиятҳои марбут ба пандемия қайд карда шуд. Иштирокдорон ба зарурати таҳким ва рушди минбаъдаи ҳамкориҳои байналмилалӣ дар соҳаи экспертизаи судӣ изҳори боварӣ намуданд.
АКС: ВКД ҶТ
Тоҷикистон ва Эрон ҳамкориро дар самти мубориза бар зидди ҷиноятҳои муташаккили фаромиллӣ тақвият мебахшанд
Эмомалӣ Собирзода дар ҷаласаи Шурои вазирони мудофиаи кишварҳои аъзои Созмони Аҳдномаи амнияти дастҷамъӣ иштирок кард
РӮЗИ КОРМАНДОНИ МАҚОМОТИ НАЗОРАТИ МАВОДИ НАШЪАОВАР. Ба ин муносибат ҷаласаи тантанавӣ баргузор гардид
Таҳти унвони «Нақши зеҳни сунъӣ дар рушди Қувваҳои Мусаллаҳ» конференсияи ҷумҳуриявии илмӣ-ҳарбӣ доир шуд
Раёсати ВКД дар вилояти Хатлон: «Таътили тобистона бояд ба давраи тарбия, донишандӯзӣ ва истироҳати солим табдил ёбад»
Юсуф Раҳмон дар Форуми байналмилалии амният ва Вохӯрии байналмилалии намояндагони воломақом иштирок намуд
РӮЗИ ҚӮШУНҲОИ САРҲАДӢ. Афсарону сарбозони ин ниҳод рисолати фарзандии худро дар назди Ватан – Модар ва халқу давлат бо сарбаландӣ адо менамоянд
Котиби Шурои амнияти Тоҷикистон дар Вохӯрии котибони шуроҳои амният дар қолаби «Осиёи Марказӣ – Русия» иштирок намуд
Юсуф Раҳмон дар ҷаласаи Кумитаи котибони шуроҳои амнияти Созмони Аҳдномаи амнияти дастҷамъӣ иштирок намуд
Дар Тоҷикистон нақшаи даъвати баҳорӣ ба сафи Қувваҳои Мусаллаҳ 100 фоиз иҷро шуд
Оид ба Стратегияи пешгирии экстремизм ва терроризм дар Тоҷикистон вохӯрӣ баргузор гардид
Дар Душанбе масоили муқовимат ба ҷинояткорӣ дар замони муосир баррасӣ шуд
