Ғолибони Фестивали дӯстии ҷавонон ва варзишгарони шаҳри Душанбе муайян гардиданд

Сентябрь 28, 2021 09:17

ДУШАНБЕ, 27.09.2021. /АМИТ «Ховар»/. Дар мусобиқаҳои варзишии дуюмин Фестивали дӯстии ҷавонону варзишгарони шаҳри Душанбе Донишкадаи тарбияи ҷисмонии Тоҷикистон ба номи С. Раҳимов бо гирифтани 6 медали тилло ва 1 биринҷӣ мақоми аввалро ба даст овард, инчунин Донишгоҳи миллии Тоҷикистон бо 2 медали тилло зинаи дуюм, Коллеҷи тарбияи ҷисмонии Тоҷикистон бо 1 медали тилло, 1 нуқра, 2 медали биринҷӣ ва Донишкадаи сайёҳӣ, соҳибкорӣ ва хизмати Тоҷикистон бо гирифтани 1 медали нуқра ва 4 медали биринҷӣ зинаи сеюмро касб намуданд, иттилоъ доданд аз шуъбаи иттилоотии дастгоҳи Раиси шаҳри Душанбе ба АМИТ «Ховар».

Фестивали мазкур таҳти унвони  «Зебоӣ, доноӣ ва тавоноӣ аз варзиш аст» аз 22 то 27 сентябр бо дастгирӣ ва сарпарастии Раиси шаҳри Душанбе муҳтарам Рустами Эмомалӣ баргузор гардида, дар маросими ҷоизасупорӣ муовини Раиси шаҳри Душанбе Мавсума Муинӣ, намояндагони кумитаҳои рушди сайёҳӣ ва кор бо занон ва оила, кор бо ҷавонон ва варзиши назди Ҳукумати Ҷумҳурии Тоҷикистон,  намояндагони Вазорати маориф ва илми Ҷумҳурии Тоҷикистон, Раёсати кор бо ҷавонон ва варзиши шаҳри Душанбе ва роҳбарони сохторҳои шаҳрӣ иштирок намуданд.

Муовини Раиси шаҳри Душанбе Мавсума Муинӣ иброз дошт, ки мақсад аз роҳандозии ин фестивалу мусобиқаҳо самаранок истифода кардани иншооти варзишӣ ва майдончаҳои бозии кӯдакон, ҷалби бештари насли наврас ба тарзи ҳаёти солим ва тарбия кардани онҳо дар рӯҳияи ватандӯстию хештаншиносӣ, тақвияти хислатҳои зиракӣ ва ҳушёрии сиёсӣ дар онҳо мебошад.

Дар доираи фестивали мазкур мусобиқаҳо аз рӯйи чор намуди варзиш — шоҳмот, футбол, волейбол ва гӯштии миллӣ миёни  хонандагону донишҷӯёни макотиби миёна, олӣ ва касбӣ давоми 6 рӯз ҷараён гирифт.

Дар байни 16 дастаи муассисаҳои таҳсилоти олӣ, 7 муассисаи миёнаи касбӣ дар намуди шоҳмот миёни мардон ҷойҳои аввалро Донишгоҳи миллии Тоҷикистон, ҷойи дуюмро Донишкадаи сайёҳӣ, соҳибкорӣ ва хизмати Тоҷикистон ва зинаи сеюмро Донишкадаи тарбияи ҷисмонии Тоҷикистон ишғол намуданд. Миёни дастаҳои бонувони шоҳмотбоз Донишгоҳи миллии Тоҷикистон ҷойи якум, Коллеҷи техникии Тоҷикистон ҷойи дуюм ва Коллеҷи тиббии иҷтимоии шаҳри Душанбе зинаи сеюмро соҳиб шуданд.

Аз рӯйи намуди «Волейбол байни бонувон» дар миёни 24 даста се ҷойи ифтихориро Донишкадаи тарбияи ҷисмонии Тоҷикистон, Донишгоҳи славянии Русия ва Тоҷикистон ва Донишкадаи сайёҳӣ, соҳибкорӣ ва хизмати Тоҷикистон ишғол намуданд.

Дар мусобиқаи волейбол миёни мардон Донишкадаи тарбияи ҷисмонии Тоҷикистон – мақоми якум, Донишгоҳи славянии Русиява  Тоҷикистон – мақоми дуюм ва Коллеҷи техникии Тоҷикистон мақоми сеюмро сазовор гардиданд.

Сентябрь 28, 2021 09:17

Хабарҳои дигари ин бахш

Дар Душанбе даври ҷумҳуриявии озмуни «Сайри гули лола» баргузор мегардад
Имрӯз дар «Кохи Суруш»- и шаҳри Душанбе Рӯзи пойтахти Ҷумҳурии Тоҷикистон таҷлил карда шуд
ДУШАНБЕ-ШАҲРИ КӮДАКОНИ ХУШБАХТ! Дар пойтахт сохтмони 56 муассисаи таҳсилоти томактабӣ идома дорад
ДУШАНБЕ-ШАҲРИ РАВАНДСОЗ. Ин равандҳо фарогири доираи васеи кишварҳо аз чор қитъаи олам- Осиё, Аврупо, Африқо ва Амрико мебошад
ТУ ШАҲРИ ГУЛБАДОМОНӢ, ДУШАНБЕ ! Ба Рӯзи пойтахти Ҷумҳурии Тоҷикистон бахшида мешавад
ПОЙТАХТ — СИМОИ МИЛЛАТУ ДАВЛАТ! Иқтибосҳо аз суханрониҳои Президенти Тоҷикистон ба муносибати Рӯзи пойтахт
Шаҳриёри шаҳри умеду орзуҳо ва идомадиҳандаи роҳи ниёгони некном
ДУШАНБЕИ ДИГАР. Бинои нави Парлумони Тоҷикистон дар пойтахти кишвар шаҳомоти хоса дорад
ДУШАНБЕ –МУАРРИФИ ТАЪРИХУ ФАРҲАНГ. Сокини пойтахт будан дар баробари ифтихор аз ҳар шахс масъулияти зиёд талаб мекунад
Бахшида ба Рӯзи пойтахти Тоҷикистон барномаҳои фарҳангӣ ва мусобиқаҳои варзишӣ доир мегарданд
Нақши пойтахт дар таҳкими давлатдории навини миллӣ муҳим арзёбӣ мегардад
Душанбе оинаи миллат ва пайвандгари таърих бо ояндаи давлат аст