Русия дар пасманзари тезутунд шудани вазъ дар Афғонистон пойгоҳи 201-умро бо танкҳои муосир тақвият медиҳад

Сентябрь 10, 2021 12:21

ДУШАНБЕ, 10.09.2021 /АМИТ «Ховар»/. Хизматчиёни ҳарбии Пойгоҳи 201-уми низомии Русия, ки дар Тоҷикистон мустақар аст, то охири соли 2021 30 танки замонавӣ мегиранд, хабар дод сардори  хадамоти зиреҳпӯши Округи марказии ҳарбӣ Ҳаниф Беглов, иттилоъ медиҳад АМИТ «Ховар» бо истинод ба Sputnik. «То охири сол 30 танки муосир барои иваз кардани мошинҳои ҷангии  қаблии баталёни танкии пойгоҳи низомии Русия дар Тоҷикистон оварда мешаванд»,- гуфт Беглов. Танки Т-72 Б3М хусусияти ҷангии такмилдодашуда дорад. Ҳамин тариқ, дар мошини ҷангӣ муҳофизати зиреҳи экипаж ва дастгоҳ баланд аст. Танк бо силоҳи муосиртар ва захираҳои афзоянда муҷаҳҳаз аст.

Мошинҳои ҷангӣ ҳамчунин бо муҳаррики нав ва системаи коммуникатсионии зиддисадоии «Акведук» муҷаҳҳаз карда шудаанд. Мавриди зикр аст, ки иваз кардани танкҳо дар пойгоҳи низомӣ дар Тоҷикистон дар пасманзари тезу тунд шудани вазъ дар Афғонистони ҳамсоя сурат мегирад.

Дар миёнаҳои моҳи август ҷангҷӯёни радикалии «Толибон»* Кобулро забт ва қасри президентро иҳота карданд; дар охири моҳ толибон қисми зиёди кишварро таҳти назорат гирифтанд. Дар натиҷа Ашраф Ғанӣ аз мақоми сарвари давлат истеъфо дод ва ҷумҳуриро тарк кард.

Роҳбарияти ҳаракат ҳайати ҳукумати муваққатиро эълон кард. Аз оғози авҷ гирифтани муноқиша дар Афғонистон як силсила машқҳои низомӣ дар марзи Тоҷикистон бо Афғонистон баргузор шуданд.Созмони Аҳдномаи Амнияти Дастаҷамъӣ ҳамчунин аз тамрини нави низомӣ дар Тоҷикистон хабар дод, ки моҳи октябр баргузор мешавад. Қаблан дар бораи таъсиси системаи ягонаи минтақавии дифои ҳавоии Русия ва Тоҷикистон иттилоъ дода шуд.

*Ҳаракати «Толибон» дар Тоҷикистон ва дигар кишварҳо террористӣ эътироф шуда, мамнӯъ аст.                                                        

      АКС: © Sputnik / Евгений Одиноков

Сентябрь 10, 2021 12:21

Хабарҳои дигари ин бахш

Барои кормандзанони мақомоти корҳои дохилӣ барномаи идонаи бошукуҳ доир гардид
Дар Душанбе ҷаласаи Комиссияи даъвати ҷумҳуриявӣ баргузор шуд
Котиби Шурои амнияти Ҷумҳурии Тоҷикистон бо Директори Кумитаи иҷроияи Сохтори минтақавии зиддитеррористии СҲШ мулоқот намуд
«БЕҲТАРИН РАСМИ МОДАР ВА ДУХТАР БО ЛИБОСИ МИЛЛӢ». Таҳти ин унвон озмун баргузор мегардад
Сарфармондеҳи Олии Қувваҳои Мусаллаҳ: «Артиши миллии Тоҷикистон ба яке аз рукнҳои муҳимми давлатдории навини тоҷикон мубаддал гардидааст»
ИМРӮЗ — РӮЗИ ТАЪСИСИ ҚУВВАҲОИ МУСАЛЛАҲИ ТОҶИКИСТОН. Давлат бо Артиши миллӣ муқтадиру пойдор мемонад
СИПАҲСОЛОРИИ ПЕШВОИ МИЛЛАТ. Артиши миллӣ — артиши дар ибтидо пароканда ва номукаммале, ки имрӯз ба қувваи бузург ва ифтихори тоҷикон табдил ёфтааст
ҶОННИСОР, ШАБЗИНДАДОР ВА БОИСИ ИФТИХОР! Имрӯз Артиши миллии Ҷумҳурии Тоҷикистон сипари боэътимоди давлат ва миллат аст
ЗАНОНИ НИЗОМИПӮШ. Дар баробари зан-модар будан масъулияти ҳимояи Ватанро низ бар дӯш доранд
Эмомалӣ Раҳмон: «Ҳимояи Ватан ва ҳаёти осоиштаи мардум барои ҳар ҷавонмарди бонангу номус вазифаи муқаддас ва пуршараф ба ҳисоб меравад»
Дар шаҳри Бишкек ҷаласаи муштараки ҳайатҳои ҳукуматии Тоҷикистону Қирғизистон оид ба делимитатсия ва демаркатсияи сарҳади давлатӣ баргузор шуд
Ҳимояи марзу бум вазифаи ҷонии ҳар афсару сарбоз ва сокини ифтихорманди Тоҷикистон мебошад