Шариф Раҳимзода: Зиёд намудани андозаи маоши амалкунандаи кормандони АМИТ ба пешрафти илм мусоидат менамояд
ДУШАНБЕ, 20.09.2021 /АМИТ «Ховар»/. Бо мақсади дастгирии давлатӣ ва тақвияти вазъи иҷтимоии кормандони раёсати Академияи миллии илмҳои Тоҷикистон ва муассисаҳои тобеи он имрӯз Фармони Президенти Ҷумҳурии Тоҷикистон «Дар бораи зиёд намудани андозаи маоши амалкунандаи вазифавии кормандони раёсати Академияи миллии илмҳои
Тоҷикистон ва муассисаҳои тобеи он» аз 1 уми сентябри соли 2021 ба тасвиб расид.
Дар робита ба фармони мазкур директори Институти иқтисодиёт ва демографияи Академияи миллии илмҳои Тоҷикистон Шариф РАҲИМЗОДА ба хабарнигори АМИТ “Ховар” иброз дошт, ки “тамоми олимону донишмандон, ки дар Академияи миллии илмҳои Тоҷикистон фаъолият мекунанд, ба Асосгузори сулҳу ваҳдати миллӣ, Пешвои миллат муҳтарам Эмомалӣ Раҳмон барои ин иқдомашон миннатдорӣ баён менамоянд. То ин дам кормандони АМИТ маоши камтар мегирифтанд. Нафароне, ки унвонҳои баланд доранд, профессор ҳастанд ва ё ба ҳайси сардори шуъба ва ходимони пешбари илмӣ фаъолият мекунанд, то 2000 сомонӣ маош мегирифтанд, ки ин ҳам кам буд”.
Ба андешаи Ш. Раҳимзода, фаъолияти олимону кормандони АМИТ ба баланд шудани маоши онҳо сахт алоқаманд аст. Ин иқдом боиси баланд бардоштани нақши олимон ва пешрафти илм дар кишвар мегардад. То имрӯз маоши кормандон аз 700 то 2200 сомониро ташкил медод. Ҳатто академикҳое, ки дар мо фаъолият доранд, он қадар маоши баланд намегирифтанд. Инро ба назар гирифта, Ҳукумати Ҷумҳурии Тоҷикистон маоши олимонро бознигарӣ карда, онро то сатҳи муайян бардошт.
Акс аз манбаъҳои боз
Эмомалӣ Раҳмон: «Қаҳрамонони сулҳу субот ва ваҳдати миллӣ танҳо мардуми шарифу сарбаланди Тоҷикистон мебошанд»
10 АМАЛИ ЗАМИНАСОЗИ СУЛҲУ ВАҲДАТ. Ба истиқболи 28-солагии Рӯзи Ваҳдати миллӣ
ВАҲДАТИ МИЛЛӢ – КАФОЛАТИ ПОЙДОРИИ ДАВЛАТ. Мулоҳизаҳои Прокурори генералии Ҷумҳурии Тоҷикистон дар ин мавзуъ
Эмомалӣ Раҳмон ва Си Ҷинпин оғози парвозҳои мустақими мусофирбарӣ байни Душанбе ва Пекинро рӯйдоди муҳим номиданд
Ҷашни Тиргон бо баргузории иди зардолу ва намоиши «Хушкмеваҳои Тоҷикистон» таҷлил мегардад
Каролин Глейч: «Тоҷикистон сарзамине бо табиати нотакрор аст ва мебояд, ин зебоиро ба тамоми ҷаҳон нишон дод!»
Кирти Вардхан Сингҳ: «Ҳифзи пиряхҳо ҳамбастагӣ, ҳамкории байналмилалӣ ва фаҳмиши муштараки илмиро талаб мекунад»
Кэтрин Рассел, директори иҷроияи ЮНИСЕФ: «Мо мехоҳем, ки садои кӯдакон ва ҷавонон дар сиёсати иқлимӣ шунида шавад»
Ясмин Сиддиқӣ: «Обшавии пиряхҳо танҳо як мушкили муҳити зист нест, ин буҳрони об, ғизо ва рӯзгор аст»
Қоҳир Расулзода Конфронси байналмилалии сатҳи баланд оид ба ҳифзи пиряхҳоро натиҷагирӣ намуд
Шамс Аббосӣ: «Таҳти роҳбарии Эмомалӣ Раҳмон мардуми тоҷик дар самти мубориза бо тағйирёбии иқлим ва пешбурди донишҳои экологӣ қадамҳои бузург мегузоранд»
Султон Ҷамшед: «ВАО-и Тоҷикистон дар инъикоси кори конфронси сатҳи баланд муваффақ буд»
